طريقة إستخراج الرخصه الدوليه للي عايز يسافر بالسياره

[ملاكي اسكندرية]

كلام سليم جدا
بس بالنسبة للاسكندرانية
وحدة المرور الرئيسسة اللي في مجرم بك (تطلع من هناك الورقة بتاعة الرخصة الدولية من مباحث مرور محرم بك)
نادي السيارات فرع اسكندرية اللي ع البحر في ميامي بير مسعود
ارقام التليفونات اللي على موقع الويب الخاصة باسكندرية للأسف غلط
الارقام الصحيحة الموجودة ع النسخة الانجليزية لنفس الموقع
يعني اللي حدث البيانات حدثها على النسخة الانجليزية بس .. دوس على لينك E ------> contact us

و لكم فائق الاحترام

تسلم يا جميل علي المعلومات ديه لو عندك الارقام الصحيحة للتليفونات يا ريت تحطها

[bmkbmk]

شكرا يا شباب على الموضوع مرة تانية ...

و حابب اقولكم اجراءات استخراج الرخصة الدولية من الكويت لو عاوز تسوق فى مصر و انت ممعاكش رخصة مصرى و معاك رخصة كويتى .. و على فكرة جربتها و نفعت .. بس ركزوا الله يخليكم فى خطوات استخراج الرخصة عشان ماتتلخبطوش لأنها اجراءات كتير شوية..

بسم الله نبدأ

1- الذهاب الى نادى السيارات الكويتى و معاك رخصة القيادة الكويتية + صورة شخصية + 8 دينار كويتى

2- تقولهم عاوز اطلع رخصة دولية و تديهم الأوراق المذكورة

3- يقولولك طيب اتفضل استريح شوية

4- تستنى مدة طويلة جدا بتاع 10 دقائق كدة و انت قاعد على الفوتيه و بتتفرج على التليفزيون ال 40 بوصة

5- يقولولك اتفضل الرخصة جاهزة

6- تاخد رخصتك الاصلية والرخصة الدولية و تتوكل على الله


و تحيا مصر

[sayedbahria]

يا جماعه انا حابب اوضح حاجه انا شغال فى شركة تنظيم معارض دولية ودراسة بالخارج و استخراج الرخصة الدولية الرخصه الدولية الى بتتكلموا عليها دى مش ماشية فى كل البلاد الى هى ب 40 جنيه . لكن الى اجنا بنطلعها هنا عبارة عن رخصة شبه جواز السفر فيها بيانات وكل البلاد الى ماشيه فيها تأكيد ليك والجزء التانى منها رخصة عادية بقى علشان تحطها فى المحفظة وكده دى بقى ماشيه فى كل البلاد الى تعرفها والى متعرفهاش لكن التانية دى اخرها تمشى بيها فى كفر ابو حماص

[ملاكي اسكندرية]

المشاركة الأصلية كتبت بواسطة sayedbahria يا جماعه انا حابب اوضح حاجه انا شغال فى شركة تنظيم معارض دولية ودراسة بالخارج و استخراج الرخصة الدولية الرخصه الدولية الى بتتكلموا عليها دى مش ماشية فى كل البلاد الى هى ب 40 جنيه . لكن الى اجنا بنطلعها هنا عبارة عن رخصة شبه جواز السفر فيها بيانات وكل البلاد الى ماشيه فيها تأكيد ليك والجزء التانى منها رخصة عادية بقى علشان تحطها فى المحفظة وكده دى بقى ماشيه فى كل البلاد الى تعرفها والى متعرفهاش لكن التانية دى اخرها تمشى بيها فى كفر ابو حماص

طيب ما تقولنا ايه شروط الرخصة الدولية الدولية
مش ام 40ج بتاعة كفر ابو حمص!!