اية رايكو هعمل تنظيف للحساسات ورشاشات

[titanic_see]

حاسس TPS ممكن يتنضف عشان صوت الماتور لو عالى سحب العربيه غالبا على ما اعتقد هيكون اما فلتر بنزين مكتوم اما بوجيهات قديمه او كويل كهربا على وشك ان يبوظ او فى سبب تانى هو علبه البيئه بتاعه الشكمان بتخنق العربيه جداااا لو تعبانه

[mustafa_fawzy]

المشاركة الأصلية كتبت بواسطة titanic_see حاسس TPS ممكن يتنضف عشان صوت الماتور لو عالى سحب العربيه غالبا على ما اعتقد هيكون اما فلتر بنزين مكتوم اما بوجيهات قديمه او كويل كهربا على وشك ان يبوظ او فى سبب تانى هو علبه البيئه بتاعه الشكمان بتخنق العربيه جداااا لو تعبانه

هذا الكلام خير جواب

وهذه المشكلة بالضبط كانت معى وبالأمس غيرت فلتر الهواء والبنزين والبوجيهات ngk اليابانى والحمد لله حسيت إن العربية مش عربيتى

[mustafa_fawzy]

المشاركة الأصلية كتبت بواسطة titanic_see حاسس TPS ممكن يتنضف عشان صوت الماتور لو عالى سحب العربيه غالبا على ما اعتقد هيكون اما فلتر بنزين مكتوم اما بوجيهات قديمه او كويل كهربا على وشك ان يبوظ او فى سبب تانى هو علبه البيئه بتاعه الشكمان بتخنق العربيه جداااا لو تعبانه

هذا الكلام خير جواب

وهذه المشكلة بالضبط كانت معى وبالأمس غيرت فلتر الهواء والبنزين والبوجيهات ngk اليابانى والحمد لله حسيت إن العربية مش عربيتى والسحب بقى تمام ولله الحمد
والمنه

[Cat Lover]

شوف يا باشا .. الرشاشات بتتنضف لما العربية تكون بتأخر في الدوارة او بتنتش معاك في الطريق .. اما الايدل ده لو في حاجه هتلاقي الار بي ام مش ثابت معاك يعني بيعلى ويوطى . لو العربية ما فيهاش ار بي ام هتلاقي صوت الموتور مش ثابت . وده ممكن تنضفه با اسبراي تنضيف وبالمرة تنضف معاه البوابه . اما بالنسبة لان العربية مش بتسحب معاك فده ممكن يكون لكذا سبب. اولهم فلتر البنزين وفلتر الهواء . تاني حاجه ممكن يكون سير الكاتينه مأخر . او في حاجه في الدبرياج وده هتحس بيه لو الدبرياج تقل معاك فجأة او الدواسة طلعت صوت لما بتدوس عليها.

وإن شاء الله خير.

[rockman1299]

بدل ما تنظف الرشاشات غيرها استيراد هاتلاقيها عند شركة الرحمة اللى فى العاشر عند يسرى فى حدود 300 جنيه وممكن يديهالك بتاعة الالنترا كمان . ده عن تجربة مع اللا نوس اكثر من ثلاث سنين اما بالنسبة لموضوع السحب الضعيف فممكن يكون سير الكاتينة عايز تظبيط وممكن عايز تغير دسك واسطوانة .وبالنسبة لتنظيف الايدل او الحساس بلاش تنظيف لان العربية بعد ما هاتنظفه هاتبطل وانت ماشى سلانسيه فغيره احسن ده لو العربية بتبطل منك وانت ماشى بالفعل