|
#1
15-04-2012, 12:25 PM
|
|||
|
|||
شيروكي...ما لها و ما عليها...
العربية ديه مرتبطة مع أذهان معظمنا بحاجتين.... القوة.... و الاستهلاك العالي للوقود....
و الواحد بياخد قرار الشراء أو التجربة لما بيغلب عنده الاحتياج لعربية قوية.... و ساعتها مش بيبص للبنزين.... و في الموضوع ده.... أحب أني ألقي الضوء على كل ما يتعلق بالعربية ديه (بقدر معرفتي بيها) عشان اللي بيفكر يشتري يكون عنده رؤية واضحة..... في البداية هي نازل منها محركين 4 سلندر 2500 سي سي و 6 سلندر 4100 سي سي ال4 سلندر كله مانيوال....أما ال6 ففيه منه مانيوال و لكن معظمه أوتوماتيك.... مفيش اختلاف في الوسع الداخلي بين العربيتين.... حاجات بسيطة بس اللي مختلفة في الشكل الخارجي.... الضريبة للعربيتين واحدة.... عشان كدا كدا بعد 2030 سي سي بتبقا كلها حاجة واحدة انشالله 7000 سي سي...... ( بتكون في حدود 1150 - 1200 جنيه + التأمين طبعا يعني بتقفل 1500 تقريبا في السنة) استهلاك البنزين في ال6 سلندر يتراوح ما بين 80 كم - 140 كم في الصفيحة بحسب عوامل كتير من زحمة - تشغيل تكييف... كفاءة و صيانة موتور... الخ.... بالنسبة لل4 سلندر استهلاك البنزين فيها ممكن يوصل ل180-200 كم في الصفيحة ( وانا شخصيا كان معايا عربية كان ده استهلاكها على الطوالي) بس كانت عربية مظبوطة جدا و متصانة جدا..... الشيروكي ميزتها ان انتشارها الواسع خلى الشغل فيها مش كيميا... يعني ميكانيكيتها كتروا اوي.... و قطع غيارها منتشرة ... الرخيص منها و الغالي..... من عيوبها الأساسية.... أولا... العربية مبنية على شاسيه علب... مش فردتين شاسيه..... و ديه طبعا بتكون أضعف بكتير من الشاسيه الفردتين.... و اللي بيتبني عليه عربيات الخدمة الشاقة زي النص نقل و الفور باي فور المحترم..... ثانيا.... العفشة الأمامية على سوست حلزون و مقصات..... و ديه عفشة ضعيفة نسبيا..... مقارنة بالسوست الورقية..... و العربيات الفور باي فور الجامدة أوي اللي معمولة للصحاري و الشغل الجامد... بتكون سوست ورقية قدام وورا..... (زي الرانجلر تسعينات و زي اللاند كروزر الفوكس لحد سنة 2000) ثالثا..... الشيروكي موتورها مليان حساسات مالهاش لزوم... غير انها كل ما تبوظ هتغيرها..... و الفتيس لوحده فيه 3 حساسات ( بتكلم عن فتيس الأوتوماتيك ال6 سلندر) كمان من أبرز عيوبها....طرمبة البنزين .... كهربا مش طرمبة ميكانيكية (على رداخ و شغالة مع تقسيمة الموتور) و ديه طبعا مشكلتها لو فيوزها اتحرق هتقف لحد ما تغيره... لكن لو هي نفسها عطلت ... فأنت هتعطل تماما لحد ما تفك التانك و تغيرها.... و ده طبعا ممكن يحصل معاك في أي لحظة.... الكهربا مفيهاش شغال نص نص.... يا شغال يا عطلان (1 أو 0) ديه الحاجات اللي أنا فاكرها حاليا.... و أرجو أني أكون أفدتكم بيها قدر استطاعتي.... و تحت أمركم في أي أسئلة..... تحياتي للجميع..... 
__________________
من ظن في نفسه أنه بلا عيب فقد حوى في ذاته سائر العيوب 
|
|
#3
15-04-2012, 09:22 PM
|
|||
|
|||
|
رد: شيروكي...ما لها و ما عليها...
استاذ مينا ماشاء الله عليك مرجع تسلم يدك على الموضوع الجامد والى بتمنى يفضل مفتوح للرد على جميع الاعضاء الى محتاجين اجبات من شخص زو خبرة ذى حضرتك واسمحلى ابدء بالسوءال
حضرتك كنت نوهة لى من قبل انه ممكن ان يركب كربراتير بدل الانجكشن ويتم لغى الحساسات من الماتور فيكون اكثر كفائة ثانيا ايه افضل زيت محرك يوضع 
|
|
#4
15-04-2012, 09:31 PM
|
||||
|
||||
|
رد: شيروكي...ما لها و ما عليها...
الف شكر يا باشا على المعلومات القيمه
تقبل تحياتى
|
|
#5
15-04-2012, 10:06 PM
|
||||
|
||||
رد: شيروكي...ما لها و ما عليها...
الضريبة للعربيتين واحدة.... عشان كدا كدا بعد 2030 سي سي بتبقا كلها حاجة واحدة انشالله 7000 سي سي...... ( بتكون في حدود 1150 - 1200 جنيه + التأمين طبعا يعني بتقفل 1500 تقريبا في السنة)
العضو الكريم : الضريبة منذ 2009 اصبحت تصاعدية بعد 1630-2030 =1000 متناقص 50ج عن كل عام من2030-3030= 14000ج محلى ومتناقص 10% كل عام مرسيدس e300/2010 من3030-4030=21000ج bmw 740/2010 هذة احدى كوارث العادلى وبطرس غالى من4030-5000 =30000ج (دودج دورانجو /جراند شيروكى )
__________________
|
 |
| أدوات الموضوع | |
|
|
