موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[Ala'a Eldin]

كل عام وأنت بخير يا أخ Sayed2077
موضوعك مميز جدا وياريت يتم التثبيت
وإن شاء الله متابع معاك دايما
بالنسبة لمشكلة المساعد اليمين عندك أنصحك تشترى واحد إستيراد أفضل من الجديد

[ezzat2002mo]

المشاركة الأصلية كتبت بواسطة sayed2077 الف شكر لك اخى ezzat2002mo على دعمك للموضوع وجزاك الله خير وانا بقى كان عندى مشكلة النهارده وعرفت حلها وهكتبها علشان لو حد حصلتلوا يبقى عارف المشكلة المشكلة انى من فتره كنت كل ما بمشى بالعربية واخد مطب ولو بسيط اسمع صوت طقه من من الامام من منطقة العجلة اليمين جيت النهارده قلت اروح بقى للميكانيكى اشوف فيه ايه فوديتهالوا راح فاتح الكبوت وراح ضاغط بأديه الاتنين على الرفر الامامى يمين من فوق ولقيت اللى بيطلع صوت الطقة هو الرفر اليمين وطلع ان المساعد اليمين فى العربية بدء يحجر فبيحمل على شاسية العربية وده لو سيبته هيشرخ فى الشاسية قلتله التكلفه كام قالى المساعد ب حوالى 150 جنيه بس والله معنديش ولا واحد والتوفيقية كلها قافله دلوقت قلتله طب ايه العمل قالى امشى بيها عادى لغاية بعد العيد بس تاخد بالك اوى وانت ماشى ومتخدش مطبات بسرعه ولا شوارع مكسره بسرعه رحت قلتله طيب نضفلى بقى الكربورتير واظبت الاسبراتير مع انهم مظبوطين بس لازم وانا بدور العربية فى اول تدويره ادوس على البنزين فقالى ماشى وتعالى بعد الفطار خدها فا انا هشوف هياخد كام وبعد كده اغير زيت العربية اوحش زيت شوفته فيكى يا مصر زيت التعاون واحط بداله كالتكس علشان العربية تبقى ناعمه شوية بدل صوت الكراكه اللى كل شويه واحد يركب العربيه يقولى صوتها عالى صوتها عالى هههههههههههه لغاية مزهقت بصراحه وكل سنه وانتم طيبين بمناسبة العيد اخوكم فى الله سيد : balloons71::b alloons71::ba lloons71:

لا شكر على واجب احنا فى الخدمه وبصراحه انا رايي اننا لازم نكون ايد واحده ونعرف من بعضنا كل جديد علشان ما نديش فرصه لاحد انه يستغلنا لان بصراحه مشوار الميكانيكى او الصنايعى اليومين دول بيبقى مشوار خنقه مش علشان التصليح والمشواير لا والله بس علشان الاستغلال من بعض الصنايعيه او غالبيتهم او عدم الاتقان فى الشغلانه وغيرة .

[sayed2077]

المشاركة الأصلية كتبت بواسطة Ala'a Eldin كل عام وأنت بخير يا أخ Sayed2077 موضوعك مميز جدا وياريت يتم التثبيت وإن شاء الله متابع معاك دايما بالنسبة لمشكلة المساعد اليمين عندك أنصحك تشترى واحد إستيراد أفضل من الجديد

جزاك الله خيرا يا اخى وهكتبلكم ان شاء الله عملت ايه واتكلفت كام المشاركة اللى جاية
وكل عام وانت و اهلك ومصر كلها بكل خير يارب
وعيد سعيد
: balloons71::b alloons71:

[sayed2077]

المشاركة الأصلية كتبت بواسطة ezzat2002mo لا شكر على واجب احنا فى الخدمه وبصراحه انا رايي اننا لازم نكون ايد واحده ونعرف من بعضنا كل جديد علشان ما نديش فرصه لاحد انه يستغلنا لان بصراحه مشوار الميكانيكى او الصنايعى اليومين دول بيبقى مشوار خنقه مش علشان التصليح والمشواير لا والله بس علشان الاستغلال من بعض الصنايعيه او غالبيتهم او عدم الاتقان فى الشغلانه وغيرة .

فعلا والله احنا لازم كل واحد معاه عربية 128 يكتب هنا اى مشكلة واحنا نجاوبه عليها ولو هو حلها يكتبها بردوا يا جماعه ديه موسوعه اعطال يعنى ان شاء الله مفيش عطل هيحصل فى اى عربية 128 مش هيبقى موجود هنا كل المشاكل بتاعت 128 هتبقى موجوده هنا وحلولها باذن الله وياريت الاعضاء تكتب الحاجه اتكلفت كام بالظبط

والف شكر لك يا اخى وجزاك الله كل خير

وعيد سعيد عليك وعلى اهلك وعلى مصر كلها يارب

: balloons71::b alloons71:

[sayed2077]

النهارده بعد ما فطرت رحت نازل للميكانيكى وقلتله عملت ايه يا عم رفعت قالى لاقيته نضف الكربورتير وماسك السبرتير هاريه تنضيف بصراحه راجل برنس هو راجل كبير فى السن ومشغل ولاده التلاته معاه والله اكبر عليهم متعلمين بردوا زى الكهربائى اللى بتعامل معاه الصنعه وشاربينها من ابوهم من صغرهم بس برضه عيبة انه غالى شويه
بس الغالى تمنه فيه بصراحه وكله شكرلى فيه
المهم لاقيت ابنه شغال تضيف فى الاسبراتير واللى عاوز يتصنفر بيصنفره وايه شغل جامد والله
المهم لاقيته بيقولى على فكره المساعد جه مش عاوز تركبه قلتله ماشى هيتكلف كام قالى 140 جنيه قلتله بالتركيب قالى علشان خطرك بالتركيب قلتله طيب وتنضيف الكربورتير و الاسبراتير وظبت الدنيا بتاعت الكهربا ديه ايه قالى يبقى الحساب كله كله 200 جنيه وانا للاسف فيا عادت انى مش بفاصل معا حد بس ابقى عارف ان اللى قدامى بيدينى شغل كويس ويطلب اللى عاوزه بس يبقى كده ولا كده بديله فى دماغه هههههههههههه
المهم قلتله ماشى رحت مديله الفلوس وقلتله انا رايح مشوار ساعه كده وجاى المهم رحت الشوار وجيت لاقيته ركب المساعد وقفل حاجه مع العلم انه ورانى المساعد اللى شاله كان صينى وحالته حاله بس اللى ركبه ده باين انه مستخدمش قبل كده و مكتوب عليه صنع فى المانيا بس بالانجليزى طبعا
وفعلا العربية خلاص اعدت اضغط عليها ولا طقه واحده طلعت ولا اللى فات ده خالص
قلتله طيب بالمره بقى عاوز اغير زيت و و فلتر زيت و فلتر بنزين علشان يبقى شغل على نضافه
قالى ماشى رحت جايب
زيت كالتكش 5 ليتر =65 جنيه
فلتر زيت =15 جنيه
فلتر بنزين = 5 جنيه

رحت رايحله اديتلوا الحاجه راح مغيرهم فى 5 دقائق قلتله اؤمور قالى كل سنه وانت طيب خلاص كده ورحت واخد العربيه وطاير حسيت بجد ان العربيه منعنشة بس طلع صوت الكراكه اللى كنت بقولكم عليه ان طرمبة المياه بتشاور عقلها قالى هيا العربيه بتسخن قلتله لا قالى خلاص بعد العيد تعالى ونغيرها قلتله ان شاء الله

وعيد سعيد عاليكم جميعا وعلى الامه الاسلاميه يارب
اخوكم فى الله سيد
: balloons71::b alloons71::ba lloons71: