تقرير كامل عن الماتريكس بالصور

[karem ali]

المشاركة الأصلية كتبت بواسطة aboelesaad ارحمووووووووووووووووووووو وووووووووووووووني يا جدعان و الله لاحسن اقول و اعمل بيها موضوع و انفض بيها و الله مش جايلي نوم بسببها ارحمو من في الارض

انت عارف يا ابو الاسعاد انى كل يوم عندى الحرص انى ادخل اشوف الموضوع لسه موجود ولا لا
و اكيد انت فاهم انا اقصد ايه انت و الكومى
ههههههههههههههههههههههههه هههههههههههههههههه:hd :

[alymonir]

الله ينور يا باشا
تقرير رائع تسلم ايدك

تقرير ممتع وجميل
تسلم ايديك:14369D~ 149:

[Badr Salah]

مشكور يا باسم على التقرير الجميل ربنا يبارك فيك وتسلم ايدك

انا متفق معاك في معظم العيوب بس اهم ميزه ان اللي جايب ماتركس لازم يفهم انها عائليه عربيه عائليه يعنى اول هدف انها تستحملك انت وعلتك ومشاوركم وهرس عيالك

بس خلاص لو بتحقق لك الغرض ده بعد ما جبتها يبقه اشطه ومفيش عربيه في السعر ده كامله ومن غير عيوب

[skod1998]

المشاركة الأصلية كتبت بواسطة BASSEM BESO بسم الله الرحمن الرحيم الى احلى شباب ورجال مصرموتورز اقدم لكم اليوم تجربتى الشخصيه للأسد الكورى الهيونداى ماتريكس وطبعا زى مااغلبكوا عارف عربيتى كانت بتتصلح واستلمتها بس راكب عربيه عمى الجديده دلوقتى وهى ماتريكس 2010 وهو مسافر بره وسيبهالى اليومين دول فأستغليت فتره قيادتى ليها وقولت اعملكم تقرير عنها ياريب يعجبكوا : سياره التجربه : هيونداى ماتريكس نبيتى اوتوماتيك 1600 سى سى موديل 2010 من توكيل غبور وعداد الكيلو متر كان 17867 يعنى لسه بحاله الزيرو وسعرها كان عند الشراء 000, 103 جنيه وهو سعر مبالغ فيه جدا جدا جدا كأغلب سيارات مصر ( من وجه نظرى ) المحرك كعاده سيارات هيونداى ذات المحركات الناعمه والقويه فى نفس الوقت يأتينا محرك هيونداى ذات 1600 سى سى 4 سلندر 2 كامه علويه و وبقوة 104 حصان قادر على توليد عزم يصل إلى 141 نيوتن متر بأقصى سرعه تصل ل166 وعن تجربتى كان اخرى بها 140 ك ومزودتش عن كده خوفا على العربيه وعلى نفسى اولا والعربيه لاتأكل بنزين ابدا وتأخذ فى 100 ك 8 لترات حسب تجربتى وحسب كتالوج العربيه سحب ونعومه رائعين جدا جدا ولكن بسمع صوت الموتور على السرعات العاليه ودى نقطه سلبيه فيها للأسف من الخارج انا شخصيا لا احب ابدا ولا افضل طراز الهاتش باك فى كل انواع السيارات ولكن تأتى ماتريكس بواجه جماليه اجمل من الموديلات السابقه عن 2009 ومقدمه توحى بالرقه ونعومه السياره ومن الخلف لاتوحى بأى شكل من الأشكال وان راعى مصممها ان يصمم الفوانيس والشنطه بطريقه تتماشى ولو بقدر قليل جدا مع انسيابيه وجماله المقدمه واليكم ابعاد السياره : الطول : 4060 العرض : 1740 الأرتفاع : 1685 وخزان وقود 55 لتر وحمالين من فوق السقف لتحميل اغرض سفر او اى امتعه اخرى لكن بوزن قليل جدا مش متذكره الحقيقه ( ومعلش العربيه مش نضيفه من الجو ) العفشه ناعمه وجميله جدا جدا ويساعده قاعده العجلات الصغيره اللى فيها وتتفوق بأكتساح على سيارات كثيره جدا من نفس الفئه زى ال516 الماتريكس تتفوق عليها بأكتساح وبنسبه نجاح 100 % من الداخل من اول ماتركب العربيه تضع يدك على اول نقطه سلبيه يلاحظها كل من ليس له درايه بالسيارات وهى الكراسى العاليه جدا جدا بشكل مستفز وهى مفيده لقصار القامه اما اصحاب الطول فسوف يعانون معها قليلا ويلفت انتباهك مقصوره واسعه تنفرد بها الماتريكس بل تتفوق على طرازات اخرى فى نفس الفئه من حيث الوسع الداخلى زى الفيرنا والأوبترا والألنترا بدون مبالغه ولاتحيز ولكن صالون الأسبرانزا ال516 اوسع واريح بكتيييييييييييير جدا ( مين يشهد للعروسه ) ونجد ان العدادات السرعه وعداد لفات المحرك ومؤشر البنزين ومؤشر الحراره والساعه فى المنتصف وهو شىء يعصبنى وينرفزنى شخصيا ونجد شاشه البيانات من الأشارات والأحزمه والأبواب والشنطه وسرعات الفتيس امام السائق (فعلا فعلا تصميم غريب ) ولكن بها اماكن تخزين ولا اروع ولا اكثر فعلا تميز وانفراد فى هذه النقطه بأمضاء هيونداى ماتريكس ونأتى للكاسيت والتكييف والكاسيت ماركه مجهوله الهويه ولا اعطيه اكثر من جيد به MP3,USP,AUDIO CD وخامات المقصوره متوسطه ليست بالرديئه ولا الممتازه ولكن جيده الى حد كبير ولكن تحس ان كل شىء بعيد عن متناولك وغير متناسقه بمعنى مثلا ابتعاد شداد فتح غطاء المحرك لأسفل ابتعاد فرامل اليد بطريقه سيئه جدا جدا جدا فعلا لازم غبور يلعب فيها عشان يقرفنا احنا وبالنسبه للراحه الخلفيه فى الكنبه فهى جميله جدا جدا جدا وتقفيل الأبواب جيد الى حد ما ولكن مش باالأمتياز اللى يتماشى مع الشكل والسعر المبالغ فيه وعن نفسى تقفيل وتابلوه الأسبرانزا احسن منها بكتييير جدا جدا واتركم مع الصور الداخليه : صور التابلوه : وصور الكاسيت والتكييف : ونأتى للمكيف ولا استطيع ان انطق بكلمه عنه لأنه ببساطه من هيونداى ومعنى الكلمه دى ان التكييف لايؤثر على الموتور ولا على السحب والأداء واكثر من رائع عن تجربتى له وصور للجيربوكس والكنبه الخلفيه : وكمان صور للمرايه : وعن اماكن التخزين حدث ولا حرج : العزل عزل الأصوات الخارجيه جيد الى حدا ما ولكن العزل عن صوت المحرك سىء جدا وتحس بصوت وقوه المحرك بأستمرار عوامل الأمان اظن ميتسألش فى النقطه دى غير غبور ويكفى ان اقول انها من غير ABS وده كفايه اوى وانتوا تفسروا ( ده الصينى فيه ايه بى اس ) الشنطه الخلفيه واسعه وتؤدى الغرض المطلوب خاصه لو شيلت الأستاند الخلفى منها هتلاقى المكان اوسع واحسن * مميزات العربيه ( من وجه نظرى الشخصيه ) - واسعه ومريحه وعائليه من الدرجه الأولى . - موتور جميل وناعم وسحبه اكثر من رائع . - استهلاك للبنزين اكتر من ممتاز . - عفشه جميله وتتحمل شوارعنا . - عربيه قويه تستحمل الشقاء والتعب . * عيوب السياره ( من وجه نظرى الشخصيه ) : - سعر مبالغ فيه جدا . - كراسى عاليه جدا جدا . - ضعف خامات بالمقارنه بالسعر . - عدم وجود عوامل امان كافيه . - كماليات ضعيفه قوى. وفى النهايه ياجماعه بتأسف لو طولت عليكوا وطبعا فيه من هم ادرى واشمل منى بالعربيه دى زى استاذ بدر صلاح وزى استاذ عمرومحمود واخويا كريم على وطبعا سام رام فأنا طبعا تجربتى متجيش حاجه جنبهم واتمنى ان التقرير يعجبكوا وده حصرى لمصرموتورز .

أنا عندى سيارة ماتريكس 2008 عايز أعرف الدرج اللى على يمين الدريكسون بيتفتح لا لأ علشان أنا مش عارف أفتحه وهو غير مكتوب عليه أى جملة