محتاج اجابة عن الجيتز

[نانا96]

ياجماعة كان مكتوب فى الكتالوج ان فيه لمبة بتنور لو فى هناك اى مشكلة حتى لو لمبة الحرارة مثلا نفسها عطلت لمبة التشيك دى بتنور بس مش فاكرة مكانها كان ايه فى التابلوه

[نانا96]

المشاركة الأصلية كتبت بواسطة ahmed-casper انا اسف يا جماعه انا ليا سؤال هو مش بخصوص الموضوع اللى بتتكلمو فيه بس انا ماصدقت لقيت حد معاه جيتز و يقدر يفيدنى الجيتز مفهاش عداد حراره بس فيها لمبه بس اللمبه دى المفروض انها لو نورت يعنى الموتور سخن جدا و لازم اوقف العربيه بس طبعا مينفعش اعتمد على كده بس . انا عايز اعرف انا اول ما ادور العربيه اعرف ازاى انها سخنت و اقدر امشى و و انا ماشى اعرف ازاى اذا كانت العربيه بتسخن بسرعه ولا بمعدل طبيعى . انا مش لازم استنى اللمبه لما تنور يعنى ...ارجوكو يا جماعه فيدونى فى الموضوع ده لأن كله بيفتى و هنا فى ناس معاهم جيتز يعنى اكيد هتفيدونى اكتر (اااااسف انى طولت)

الراجل قاللى فى التوكيل اسخنها 4 دقايق بالصيف و6 فى الشتا
عموما المفروض تسخنها لحد الـ ار بى ام ينزل يبقى واحد الا ربع بالظبط وتلاقى صوت الموتور وطى انا بعمل كدة

[ahmed-casper]

ماشى لما اسخن مفهاش مشكله طب و انا ماشى اعرف ازاى ان العربيه سخنت . اللمبه معناها خطر يعنى الموتور خلاص هيولع انما انا عايز اعرف اذا كانت العربيه بتسخن بمعدل طبيعى ولا بتسخن بسرعه

[sam ram]

المشاركة الأصلية كتبت بواسطة نانا96 معلش يعنى ايه اعلى ار بى اى ؟؟ ويعنى ايه قافلة الاوفر درايف؟؟؟ او بعمل كيك داون؟؟ معلش اصلى لسة جايباها من شهر

عداد الار بي ام بيبين عدد لفات الموتور .. وكل ما لفات الموتور زادت كل ما زاد الاستهلاك
يعني لو بتشدي بالعربيه و تدوسي بنزين جامد الار بي ام حيعلا ولو السواقه كلها شد و جري الاستهلاك يزيد
الكيك داون ان حضرتك تدوسي بنزين للاخر (لاخر الدواسه ) وده بيبقى اكتر حرق ممكن للبنزين والار بي ام بيعلا جدا لحد الرد زون ( عند 6500 دد - او 6.5 في العداد )
الاوفر درايف زرار موجود في عصايه الفتيس وفي لمبه بتنور في التابلوه لو دوستي عليه
المفروض تكون اللمبه دي مطفيه .. لو اشتغلت حتخلي النقلات على ار بي ام اعلا من العادي ( يعني لو مثلا مثلا العربيه بتنقل في العادي على 2.5 - 3 حتنقل على 3 - 3.5 ) وده برضو يزود استهلاك البنزين

وبرضو ضغط الهوا في الكاوتش لو مش مظبوط يزود الاستهلاك
ولو بنسخن العربيه الصبح 5 - 6 دقايق و المشوار كله تلت ساعه من الشغل للبيت اكيد حنلاقي معدل الاستهلاك يزيد

[remomeme]

المشاركة الأصلية كتبت بواسطة ahmed-casper ماشى لما اسخن مفهاش مشكله طب و انا ماشى اعرف ازاى ان العربيه سخنت . اللمبه معناها خطر يعنى الموتور خلاص هيولع انما انا عايز اعرف اذا كانت العربيه بتسخن بمعدل طبيعى ولا بتسخن بسرعه

تصدق انت دايقتني جدا....يعني العربيه معاك من شهر بس و بتفكر لو سخنت و اللمبه نورت تعمل ايه ده مش هيحصل قبل 3 سنين علي الأقل لو انت العربيه ما اتخبطتش ولا حصل حاجه بوظت المروحه او اي سبب لسخونه المتور بتاع العربيه غير كده العربيه مش هتسخن معاك إن شاء لله طول ما حضرتك بتعمل ليها الصيانه و هما بيزودوا ميه و بيظبطوا كل حاجه مش هيحصل حاجه بإذن الله .

اتبسط بالعربيه و انسي التفكير في المبه دي لحسن تلاقيها نورت غلاسه