تغيير اضائه عدادات النوبيرا بالخطوات و الصور

[FAR!D]

النهارده عملتلكم موضوع لتغيير اضاءه عدادات النوبيرا بالاساس واللانوس تمشي بس حيبقى فيه اختلاف في طريقه الفك لكن نوع اللمبات واحد

اولا عشان المقارنه تبقى ظاهره كويس:
المنظر قبل:



المنظر بعد :



العده المستخدمه :
حنستخدم المفكات ديه :

صليبه كبير و صغير (قصير )


الخطوات :

1- حنفك فريم التابلوه و بيبقى راكب كلبسات فا حنشده لبره بس براحه عشان منكسرش الكلبسات





2- حنفك المسامير اللي متعلم عليها بالاحمر اللي ظهرت تحت الفريم





3- حنفك المسمارين دول



4- حنزل التاره لاقصى وضع لايها لتحت و حنشد الفريم براحه لبره و حنلاقي 3 فيش بتوع الساعه والانتظار و سخان الزجاج الخلفي والمرايات ماسكينه فا حنفكهم هما كمان





5- بعد خلع الفريم لبره حتظهر لوحه العدادات و ممسوكه ب 4 مسامير حنفكهم اللي متعلم عليهم بالاحمر



6-لوحه العدادات راكب فيها فيشتين من الخلف اللي متعلم عليهم حنفكهم و بعديها اللوحه حتبقى حره و ممكن نخلعها بره



7- زي مانتم شايفين ده ضهر لوحه العدادت بعد ماخرجناها بره و واضح عليها اللمبات اللي بتنور العدادات و لمض البيان زي لمبه الفرامل و التشيك وخلافه



8- الكعوب الكبيره اللي انا معلم عليها هما دول اللي حتتغير اضائتهم بجانب كعب حجمه وسطه اللي متعلم عليه ده برضوا حتتغير لمبته عشان ده اللي بينور الجزء بتاع الكيلومترات و عداد السرعه من 180-220 كم



9- دول اللمض اللي حنغيرها:
(1) ديه لمض كبيره و عددها خمسه حيتغيروا بليدات عشان تديني اضاءه تلجي
(2) ديه لمبه وسط واحده منهم بس حنغيرها بليدات بيبقى حجمها اصغر من الكبيره
(3) ديه لمبه صفرا عاديه مسئوله عن اضاءه لمبات البيان زي لمبه التشيك و لمبه الهاند و لمبه الشنطه و غيره انا عن نفسي لقيت منهم محروق غيرته بالمره و اول مره اعرف شكل اضائه الهاند بريك هههههه
التكلفه 6 ليدات ب 40 جنيه و الصغيرين الصفر ال2 ب 5 (هوا البايع معرفه فاعامل واجب اما السعر الحقيقي حيكون ازيد حاجه بسيطه )



10- بعد التركيب وصل الفيش بتعات العدادت قبل ماتقفل و جرب لن لمبات الليدات لو عكس تركيبها مابتنورش فاللي حيعملها لو منورتش معاه اخلع الليد و اعكسه وركبه تاني حينور اكيد اما الاصفر مابتفرقش


ده الشكل النهائي واي خدمه يا رجاله

قبل:



بعد:



الموضوع ليس منقول و باجتهاد شخصي ارجو الدعاء

[AbOnOrA]

الموضوع رائع تسلم ايدك انا نفسى اعمل كدة فى عربيتى بس خايف اكسر حاجة

[مودى الراوى]

ربنا يبارك فيك

[FAR!D]

المشاركة الأصلية كتبت بواسطة AbOnOrA الموضوع رائع تسلم ايدك انا نفسى اعمل كدة فى عربيتى بس خايف اكسر حاجة

يا باشا اكسر برحتك مادمت عارف تغيرها ازاي

[nktis]

و انا كمان نفسي اعمله بس باخاف العب في العربيه , و المشكله عندي يوم ما اغسل العربيه الاقي احيانا نص عداد السرعه بعد 100 نوره ضعيف جدااا و لما العربيه تمشي شويه يتعدل غير ان ممكن القزاز او السنتر يعلق من الغسيل لذلك بطلت و بامسحها تمام الاول من الاتربه و بفوطه مبللوله اغسلها و اديها وش تلميع بفوطه زفره عليها سنه سولار ...
( عربيتي سوداء و سيادتك اكيد حاسس بيه لان اللون ده بيتسخ بسرعه جدااااااااااااا ) ...