موضوع هام لاصحاب الافيتا

[darsh1511]

كان عندى مشكلة فى كبالن العربية كانت بطقطق عند الملفات يمين او شمال و اتكلت على اللة قلت اشترى جديد بلا ش اصلحهم قلولى فى شارع شمبليون بيتعملو بس بيبوظو على طول الاسعار الايطالى 470 جنية و الكورى 260 الجوز اشتريت الكورى و كنت مهتم ان يكون فية abs دة ترس متركب على الكبلن لتشغيل abs و ركبت و انا بجرب اقل من 40 ك\س كانت الفرامل زى الفل بعد كدة مكنتش بتقف خالص و الدواسة الفرامل كانت بتحجر و كنت هموت و انا بجرب بس ربنا ستر و بعد المداولات بين بتاع العفشة و المكنيكى الموضوع دة استمر يومين عقبال معرفنا فين المشكلة كان و احد يقول السيرفو و واحد يقول خرطوم الباكم مسدود و احد قال جهاز abs ودة كان الصح شلنا فيشة الكهربا بتاعة abs , والفرامل بقت زى الفل بس من غير abs المهم بعد المداولات بين المكانيكية فى منطقة شبرا كلها اكتشفنا ان الترس بتاع abs الى فى الكبلن الجديد غير الترس الى فى الكبلن القديم عدد السنون مختلف و تخانة السنة و الحمد اللة كان عندى الكبالن القديمة شال منها الترس و ركبناة مكان الترس فى الكبلن الجديد و ركبنا ها و ركبنا فيشة abs تانى الحمد اللة كلة تمام و شغال و الفرامل بقت زى الفل على سرعات عالية و واطية انا اسف على الرغى دة بس حبيت اعرف اصحاب الافيتا علشان محدش يقع فى المشكلة دى

[atgps]

شكرا على نشر تجربتك وديه مش لموديل سيارتك بس ولكن لأى سيارة
المشكلة ان قطع الغيار فى مصر بالشبه بس
أنا معظم قطع الغيار اللى بحتاجها بشتريها من الخارج وبتكون بالـ VIN code يعنى مافيش مجال للخطأ وأى محل قطع غيار فى أى بلد يحترم شعبه بيسأل على الـ VIN فقط وليس الموديل ولا أى حاجة تانية.

[tham1010]

تجربة اكثر من رائعة ومفيدة جدا... الكل من اصحاب اللافيتا يجب ان يحترس لهذه النقطة. المشكلة كمان ان الكوبلن الجديد من التوكيل بيوصل 2600 جنية وبدون abs لان العربية بتنزل من غبور بدون abs

[hanyelokda]

الله يفتح عليك وشكرا للافاده

[احمد على 1999]

موضوع جميل و مفيد