المشاركة الأصلية كتبت بواسطة nicetokill
عموما انا عندي عربية شارك وركبت الكروز وبرضو السيراتو أجرتهم قبل ما اشتري الشارك
بس عشان تكون عارف مش هتلاقي عربية مفهاش عيب بس انتا و ارتياحك للعيب ده
بالنسبة للشارك : 1- ثبات ممتاز جدا في المنحنيات والمطالع والخرز
2- شكل جمالي احلى من الكروز والسيراتو
3- لما هتركبها من جوه هتحسن انك راكب عربية فخمة
4- مريحة في القعدة وواسعة من جوة
العيوب : 1- السحب من موديل 2008 لغاية 2011 بطئ مهما جبت الدواسة للأخر هتلاقي نفسك سامع صوت المحرك عالي وكأنك واقف مكانك بس ده بعد ما تعدي سرعة 40 بالضبط وجرب وهتعرف
2- متنفعش تمشي بيها في شوارع منطقة بلدية او شوارع ديقة لأنها عريضة من الجناب
3- الأكصدام الامامي حساس جدا ومجرد تلميس او تريحة عليه بيعلم
4- قطع غيارها غالية شوية عن الكروز والسيراتو
5- رغم ثباتها في السرعات العالية بس لو مشيت بيها في حفر او مطبات على سرعات بطيئة هترج معاك العربية كلها وده لسبب ان عفشتها ناشفة شوية
بالنسبة للسيراتو : 1- ثبات كويس برضو بس في المنحنيات وحش ودريكسيون بيرج جامد مع المطبات هيا والكوبيه
2- تمشي بيها في اوسخ مكان فيكي يا مصر
3- سحبها قوي واحسن من الشارك والكروز
4- اسعار قطع الغيار كويسة
5- سعرها الفل اوبشن ارخص بكتير من الشارك لأن الشارك الفل اوبشن عماله دلواتي 160 الف
العيوب :
1- العفشة ناشفه جدا جدا وبصراحة انا عشان كده مجبتهاش بس لو هتمشي بيهها في شوارع محترمة مش متكسره ولا فيها حفر هتنفع معاك
2- القعدة جوة مش اوسع من الشارك والكروز
الكروز :
1- ثبات ممتاز وحلو بس مش احسن من الشارك طبعا والسيراتو
2- سعرها معقول
3- العربية اكصدامها قوي وناشف
4- سحبها متوسط
العيوب :
1- عفشه ناشفه شوية
2- ديكور العربية من جوة مش حلو
3- تقيلة جدا على الارض وملهاش في الخرز والجري
ومن خلال تجربتي ليهم انا نقيت الشارك وقولت في نفسي احسنهم الشارك وبعديها الكروز وبعديها السيراتو
كل واحد على حسب استخداموا ونتا قرر
ياريت اكون افدتك بشكل ما وربنا يوفقك
|
ألف شكر على مجهودك بس ممكن أعرف ايه الاحسن اشتري سيراتو هاي لاين ولا شارك اقل فئه لانهم بنفس السعر تقريبا
26-06-2012, 06:48 PM
رد: محتار قوي بين الثلاثة ......الشارك والكروز والسيراتو ايه رأيكم
اللهم أغفر للمؤمنين والمؤمنات والمسلمين والمسلمات الأحياء منهم والأموات
ســــــــــــــــــــــين اء
