لتجعل سيارتك تعمل بالماء.....!!!!

[marid]

و على فكرة المنتج حاصل على المركز الاول فى مسابقة صنع فى مصر وينافس فى مسابقة صنع فى الوطن العربى والتقيم يتم من قبل جهات اكاديمية وعلمية ..............

[فادى]

المشاركة الأصلية كتبت بواسطة marid مشكروين مرة اخرة للاخوة اللى مش فاهمين عشان هما مش عيزين يفهموا وشكر اخر للاخواة اللى لسنهم بينقط عسل و زوق وادب واحترام ونتمنى من اللى مش فهمين انهم يصمتوا او يسألوا باسلوب علمى وليس بسخرية وشكرا مرة اخرى

انهى اسلوب علمى اللى انت بتتكلم عنه؟
هو فين العلم فى اللى انت بتقوله بالضبط؟
اللى انت بتقوله معناه ببساطة انو العربية هتمشى لوحدها بدون طاقة خارجية, مش كده و بس, دى هتولد طاقة لنفسها, و مش بعيد نوصلها على البيوت عشان تنور!!
هو ده اللى بتسميه علم؟ لا انا عالم و لا حتى عمرى كنت شاطر فى العلم, لكن عارف كويس اوى انو الطاقة لا تستحدث, لذا فان ما تقوله يدخل فى اطار النصب و الدجل و الشعوذة, و شفنا منه كتير قبل كده و لن اجادل أكتر من كده لأنك واضح انك مش فاهم مبادىء قوانين الطاقة اللى انت بتتكلم عنها, و للأسف فات الأوان عشان نفهمك هذه المبادىء, لذا سلام.
و لو عربيتك المزعومة دى مشيت, ابقى تعالى اخبطنى بيها و اعملى عاهة مستديمة عقابا لى على وقوفى فى طريق العلم و الطاقة اللامحدودة التى تتحدث عنها.

[marid]

ان شاء الله لما المنتج يتواجد انا بستاذنك متشتريهوش ولا تيجى جنبة مطلقا

[ayman abdelrazek]

المشاركة الأصلية كتبت بواسطة فادى انهى اسلوب علمى اللى انت بتتكلم عنه؟ هو فين العلم فى اللى انت بتقوله بالضبط؟ اللى انت بتقوله معناه ببساطة انو العربية هتمشى لوحدها بدون طاقة خارجية, مش كده و بس, دى هتولد طاقة لنفسها, و مش بعيد نوصلها على البيوت عشان تنور!! هو ده اللى بتسميه علم؟ لا انا عالم و لا حتى عمرى كنت شاطر فى العلم, لكن عارف كويس اوى انو الطاقة لا تستحدث, لذا فان ما تقوله يدخل فى اطار النصب و الدجل و الشعوذة, و شفنا منه كتير قبل كده و لن اجادل أكتر من كده لأنك واضح انك مش فاهم مبادىء قوانين الطاقة اللى انت بتتكلم عنها, و للأسف فات الأوان عشان نفهمك هذه المبادىء, لذا سلام. و لو عربيتك المزعومة دى مشيت, ابقى تعالى اخبطنى بيها و اعملى عاهة مستديمة عقابا لى على وقوفى فى طريق العلم و الطاقة اللامحدودة التى تتحدث عنها.

والله ملكش حل ياباشمهندس فادى

بس انت ليه تاعب نفسك اوى كده؟

ما تسيب اللى يقول يقول

وبعدين ده مين ده اللى يقدر يخبطك وانت واقف فى طريق العلم

انت راجل ملتزم واكيد هتمشى ع الرصيف

بس خدت بالك من الكلمه بتاعة مات مسموم

ده اكيد مات مفروس لما عرف انو اد ايه جااااااااهل

ههههههههههههه

[Dantes010]

عندي سؤال لصاحب الموضوع
هل HFF حاصل على المركز الاول فى مسابقة صنع فى مصر وينافس فى مسابقة صنع فى الوطن العربى فعلا ؟؟؟؟
لو الإجابة بنعم ممكن حضرتك تحسم النقاش بإثبات ذلك بأدلة ؟؟؟؟
هل HFF تم تقييمه من من قبل جهات اكاديمية وعلمية ؟؟؟؟
لو الإجابة بنعم يبقى أكيد جربوه في تشغيل موتور معين مثلا أو سيارة بعينها ، طيب هل ممكن حضرتك تنقلنا تمت فين التجربة دي وتحت إشراف مين وهل فيه حد مصورها مثلا نشوف الفيديو بتاع إختراع قوي زي دا؟؟؟؟

أنا شوفت فيديو قبل كدا لـTop Gear بيشرحو في الأول إزاي ممكن زيت الطعام يتحط لعربية فولفو محركها ديزيل ، بعد الشرح النظري حط الزيت في تانك الديزيل وشغل السيارة ومشي بيها ، ساعتها أنا صدقت الشرح النظري اللي شرحوه.
لو كلامي فيه أي حاجة غلط أنا بعتذر مقدما ، وبحب أي حد يهدي إليا عيوبي فالرجاء من أي حد يقرأ كلامي يوضح لي إذا كان كلامي غلط .