|
#13
01-12-2009, 01:58 AM
|
||||
|
||||
رد: العبيط والمفتّح والحدق
صاحبنا المفتح توقع أن يأتى إليه الحدق يرغى ويزبد ويريد رد البضاعة وإسترداد الثمن فقام برسم تمثيلية متقنه مع زوجته حتتى يتخلص من الحدق نهائيا ويقضى عليه00
جلس المفتح مسترخيا وهو يتذكر ما فعله الحدق معه من قبل وكيف أنه قام بالنصب عليه فى أكثر من مناسبة آخرها البقرة التى إغتصبها وتذكر كل ما فعله الحدق مع أهل القرية والقرى المجاورة من عمليات نصب متقنة !! ودخل الشيطان إلى نفسه وأقنعه بالإنتقام من الحدق00 جاء الحدق يستشيط غضبا00 صرخ فى وجه المفتح: -إيه؟ إنت مفكرنى أهبل!! لا حاسب عندك 00أنا ميتنصبش عليا أبدا قال المفتح ببرود وهدوء: - جرى إيه يا حدق؟ إيه اللى حصل لده كله؟ هدى خلقك يا راجل - ياعم قلنا الكلب حط عليه الغباء ومعدش بيفهم ماشى لكن الحمار هوه راخر بطل العادة00!!! العيب مش عليك العيب على الأهبل اللى صدقك وصدق ملاعيبك أنا مكنتش إفتكر إنك كده - شوف يا حدق00 السعد ده نصيب له أصحابه وأنا ربنا عطانى لما الحاجة تروح لك وربنا مش رايد لك بالعطاء تزول النعمة على طول قال بصفاقة: -سيبت لك النعمة00خليها لك أنا عايز فلوسى وعلى داير مليم قال المفتح بنفس الهدوء: -أستغفر الله العظيم ماشى ياعم ح تاخد فلوسك بس نتغدى الأول ونادى على زوجته: -الغدا ياست ودخل فى حوار هادىء مع الحدق يحكى فيه ذكريات الطفولة00 وبين الحين والآخر ينادى على زوجته حتى تسرع بالطعام ولكن الغداء تا×ر فقال منفعلا: -إنتى يا وليه يا بنت ال0000 فين الأكل وجاءت زوجته تصرخ فيه: - إنت بتشتم ليه ياراجل يا مهزأ إستشاط المفتح غضبا وقام بصفعها وركلها وهو يصرخ فيها: -أنا بنت ال000 ردت له زوجته الصفعة وركلته !! فأخرج سكينا وطعنها به فسقطت على الارض أدهشت المفاجأة الحدق وشحب وجهه00!!! قال وهو يخرج كلماته بصعوبة: -قتلتها يا مفتح !! الله يخرب بيتك إلتقط المفتح أنفاسة وقال: - تستاهل بنت ال000 -إنت كده رحت ف داهيه ح تعمل إيه 00؟؟؟ قال بثقة: - القتل ده تهذيب وتأديب للست دى - دى ماتت؟ قال بهدوء: -دلوقتى أقوّمها لك زى الحصان قال بدهشة: -يا عم دى ماتت -شوف يا حدق أنا عندى قزارة ميه المحاياة وارثها عن جدى الله يرحمه وده كان مخاوى والجنى إداها له00 تحط منها نقطة فى حنك القتيل يرجع زى الحصان قال وهو يشوّح بيديه: -إيه كلام المجانين ده؟ غاب المفتح بالداخل ثم خرج بزجاجة فتح الغطاء وقطّر نقطة فى فم زوجته 00 نظر الحدق للموقف بسخرية وهو يضرب كفا بكف على الرجل الذى قتل زوجته ثم جنّ وأختل عقله لكن الزوجة الجثة الهامدة بدأت فى تحريك أطرافها وقامت من رقدتها وكأن شيئا لم يحدث !!!! تتبع
__________________
|
 |
|
|
