سؤال عن قطع غيار مازدا 323

[momsam]

السلام عليكم
انا اشتريت سيارة مازدا موديل 82 من 3 شهور
طبعاً انا بتعلم سواقة وكمان عندى المنطقة مطابتها وحشة جدا
وعشان كده الفتيس اليمين خف من شهر ومغيرتوش
لكن من يومين سمعت طقطقة من تحت طبعاً طلع الكوبلن اليمين
ولما روحت اصلحه ....الاسطى بتاع العفشة قالى على اسعار عايز رأيكم فيها
تصليح ب 60 جنيه ضمان 4 شهور
جديد 70 جنيه
استيراد 200 جنيه بس الاستيراد على كلامه احسن حاجة وبيدينى عليه ضمان 8 شهور
المهم سؤالى بقى
1- ايه فعلاً احسن حاجة الاستيراد ولا الجديد
2- مين احسن حد اشترى منه قطع غيار مساعدين وكبالن مازدا وياريت لو يابانى
3- مين احسن حد يصلح العفشة وسعره كام
4- ما هو متوسط عمر الكبالن والفتيس وهل يجب تغيير الاتنين كوبلن معاً او الاتنين فتيس معاً

[mr_astra]

فى حاجة فى كلام حضرتك مش منطقية
واللى انا متخيلة من كلامك هو راس الكوبلن الخارجى والكوبلن الداخلى اللى راكب فى الفتيس
انا هاتكلم كلام عام بغض النظر عن مشكلتك اية
اولا يستحب لو هاتغير الكوبلن تجيب اتنين جداد من عند الشرقاوى اللى فى جسر السويس او واحد فى الحطابة بمنطقة مصر القديمة مش فاكر اسمة اية ولكنة مشهور جدا هناد ولكن اعتقد ان سعرهم غالى
تانى اختيار تجبهم استيراد ودة اختيار موفق ان شاء الله وانا بتكلم على راس الكوبلن الخارجى فقط
تالت اختيار هى الكبالن الصينى وانا اثق انها ممكن تشتغل معاك سنة بدون مشاكل وتمن راس الكوبلن 100 جنية بالكاوتش والقفيز وصامولة الكونتر وعلبة شحم كمان
انما التصليح مش كويس وسيبك من موضوع الضمان دة لانة اول ما هاتكلمة هايؤلك انت بتسوق غلط او ان الشارع بتعكم مكسر او انك ما بتشربش بيبسى كتير اى حاجة المهم يجيب الغلط عندك وخلاص

[momsam]

الف شكر على سرعة الرد والاستجابة
لكن فهمنى ايه اللى مش منطقى فى كلامى (عشان انا صلاً جديد فى السواقة اصلا ومعلوماتى صفر)عشان ابقى عارف
انا سمعت صوت طقطقة وعشان كده هو اكيد راس الكوبلن فقط
لكن انا عايز اسأل ايه الانواع وصناعة ايه وكده يعنى
يعنى هل فى يابانى ولا كورى ولا ايه يعنى
وكمان قلولى ان فيه السرساوى فى الدقى ايه رايك انهى احس ن حد؟
وبالنسبة للمساعدين اجيبه منين واستعمال ولا جديد
ومين ممكن يكون صنايعى كويس او ورشة كويسة؟

[haway]

السلام عليكم
اخى الحبيب احب اقولك ان ربنا وفقك فى اختيارك دا اولا لان العربية دى معايا بجد محترمة جدا ومش عايز اقولك انا ركبت عربيات كتير بس بجد العربية دى قوية جدا بالنسبه للقديم
ثانيا ودا المهم فيه واحد فى السيده عائشة بيشتغل فى العربية دى بس اسمة بلبل مازدا وده رقمه 01229278896 عنده جديد واستيراد بس انا انصحك بالاستيراد هو اغلى شويه بس افضل وعنده التركيب كمان وسعره رخيص اوى يعنى ممكن يحاسبك مصنعية التركيب 15 جنيه مثلا
بس لو حبيت تجيب مكنه هاتها من عزبة شلبى ب1500 بدون ادوات تغذيه بيسموها شورت بلوك
وربنا يوفقك

[adel ahmed hassan]

بصو يا جماعة فيه واحد و تقريبا يأرب لبلبل ولكنه ممتاز ممتاز كصنعة وحرفية وكفاءة عالية جدا جدا واللهي يديك تقرير مفصل بحرفية شديدة عن عربيتك بس من صوتها ولو مشي بيها متر واحد بس
ويظبطلك اى حاجة في العفشة ولو مفهاش حاجة يقولك ميشتغلكش و يظبطلك الفتيس لو في بوش او عضعضة او مبياخدش الغيار او طأطأة و بأسعار ممتازة جدا و عنده ضمير اوي
المهم اسمه ناصر مازدا في القلعة بعد بلبل بشوية وبعد دار المحفوظات و جمب بلية بتاع العفشة