صيانة 20000 كم مازدا 3 بالتوكيل أم خارج التوكيل

[alymonir]

المشاركة الأصلية كتبت بواسطة karem ali و الله يا استاذ على انا مش عارف اقول لحضرتك ايه انا كمان بفكر انى اعمل كده حاسس انى بدفع فلوس كتيييييييييييييييييير على الفاضى و مفيش اى حاجه بتحصل لكن انا مش حاخد القرار ده غير لم اشوف مركز محترم بره و يكون موجود عنده قطع الغيار الاصلى فى الحاله دى ادى غبور استماره 6على طول و انا شايف استنه شويه لحد ما تشوف حد كويس بره تكمل معاه

يا عم كيمو
أي خرابة برة أرحم من غبور
لو عايز حد كويس قولي بس

[tareksakr]

اولا انا مع الصيانة الدورية خارج التوكيل وسأدلل علي ذلك بمثال بسيط لي صديق يمتلك سيارة تويوتا كورولا 2004 السيارة حتي الان بحالة فوق الممتازة مع انها قطعت 220000 كم بدون اي اعطال تذكر والعفشة تم تغييرها كاملة في 180000 كم وكانت لا تزال بحالة جيدة خلاصة الموضوع ان المحافظة علي الصيانة الدورية كما هي مكتوبة في كتالوج السيارة مع شراء قطع غيار اصلية مع ميكانيكي او مركز صيانة محترم يغنيك تماما عن التوكيل ولن تحتاج الي التوكيل ابدا مادامت السيارة بخير ولا توجد اعطال جسيمة ميكانيكية او كهرباءية ووفقك الله فيه لما الخير

[alymonir]

المشاركة الأصلية كتبت بواسطة tareksakr اولا انا مع الصيانة الدورية خارج التوكيل وسأدلل علي ذلك بمثال بسيط لي صديق يمتلك سيارة تويوتا كورولا 2004 السيارة حتي الان بحالة فوق الممتازة مع انها قطعت 220000 كم بدون اي اعطال تذكر والعفشة تم تغييرها كاملة في 180000 كم وكانت لا تزال بحالة جيدة خلاصة الموضوع ان المحافظة علي الصيانة الدورية كما هي مكتوبة في كتالوج السيارة مع شراء قطع غيار اصلية مع ميكانيكي او مركز صيانة محترم يغنيك تماما عن التوكيل ولن تحتاج الي التوكيل ابدا مادامت السيارة بخير ولا توجد اعطال جسيمة ميكانيكية او كهرباءية ووفقك الله لنا فيه الخير

أولا : جزاك الله خيرا على اهتمامك
ثانيا : أنا برضه كان معايا تويوتا ايكو لحد 217000 كم و بايعها بحالة ممتازة و صيانتها في ورشة ابن خالتي ( موزع معتمد قطع غيار تويوتا أصلية ) و قطع الغيار طبعا من عنده
المشكلة في حاجتين :
1- مش عايز أندم اني سبت التوكيل و احس اني خسرت حاجة مهمة زي الضمان بالسهولة دي
2- عايز حد في اسكندرية موثوق فيه اشراء قطع الغيار الأصلية

[ahmedashraf]

أ/ علي منير,
بالنسبة لقطع الغيار فى الإسكندرية, أنا معايا (لحد دلوقت) مازدا ٣٢٣, مش بجيب قطع غيار غير من عند واحد إسمة (ياسين) لقطع غيار الياباني والكوري. المحل أمين جدا وعنده أحسن قطع غيار فى الإسكندرية. طبعا انا مش بلاقى قطع غيار مازدا أصلى للـ ٣٢٣ بس في حاجات كتير ياباني الصنع. لكن لعربيتك أظن حتلاقى عنده قطع غيار مازدا يابانى اصلى. إسأل عنده وشوف, همه فى منتهى الأمانة.

مكان المحل, بين محطتي ترام فلمنج والوزارة على الترام وأنت رايح على الوزارة.

وكمان فى محل تاني إسمة (الرز) فى ش جمال عبد اناصر قبل فيكتوريا بحاجة بسيطة على إيدك اليمين وإنت رايح على فيكتوريا, بس بحسهم غاليين شوية عن (ياسين). أرشحلك ياسين الأول وبعد كده الرز لو ملقتش طلبك. وأي خدمة

كان لى سؤال لحضرتك, المازدا إلىى معاك بيسك أوتو صح؟ كنت عايز أعرف إيه مواصفاتها, ABS ؟ إيرباجز؟ سينسورز من أى نوع؟ فتحة سقف؟ إلخ

[alymonir]

جزاك الله خير
حابقى أروح أبص عند ياسين دة
بالنسبة للرز هو عنده قطع غيار مازدا الشكل الجديد ؟؟؟
بالنسبة لمواصفات المازدا ممكن ترجع لمواضيعي الخاصة بالسيارة و إن شاء الله حتلاقي كل اللي بتسأل عنه و لو فيه اي استفسار أنا تحت أمرك