حكيتى مع السيراتو .... !!

[elessawi]

انا كان معايا سبيرانزا M11 ولسه مغيرها وشارى سيراتو من حوالى شهر المهم سيراتو موديل 2010 خليجى عداد 40000 ك فتحه سقف وجنوط وطاره وفوانيش شبوره واير باج وحساسات ركن السعر 101 الف المهم العربيه شوفتها كانت زى الفل فاشتريتها وروحت التوكيل بتاع روكسى اعملها طقم سرفيس وكانت الصدمه ..مهندس الاستقبال قالى ممكن مندخلهاش صيانه بقوله ليه قالى اصلها خليجى وشكلها عامله حادثه مفرومه قبل كده المهم انتظرت شويه ونده عليا قالى دى عربيه بايظه وعايزه حاجات كتير وعملى مقايسه ب 25 الف ج وبعدين قالى ايه بقى ... رجعها وانا اجبلك واحده ارخص واحسن ولو معجبتكش فى كذا واحده وكده وادانى رقم تليفونه هو اول ما قال كده عرفت انه نصاب وان دا مش توكيل محترم دى سويقه المهم اخدت العربيه وهتجنن بقى روحت بيها مركز صيانه رفعها وقالى زى الفل مفهاش الهوا روحت لواحد ميكانيكى فى شارعنا رفعها وبرضه قالى مفهاش اى حاجه روحت لواحد بتاع باب اعمل فيها حاجه بص عليها وقالى زى الفل برضه بعد كده بقى عرفت انهم بيكرهوا العربيات الخليجى فى التوكيل علشان مش تبعهم بس انا مليش دعوه انا رايح اعمل صيانه بفلوسى ولا ايه .. ؟ على قد عيوب توكيل اسبيرانزا اللى مكنتش عجبانى قولت الله يمسيك بالخير يا اسبيرانزا والله ناس محترمه بالنسبه لكيا ومن ساعتها العربيه معايا زى الفل مفيش اى حاجه عادى يعنى ....... ايه رايكوا بقى فى الموضوع دا

[محمد فيصل]

10000 مبروك عليك السيارة
بارك الله لك فيها
وحفظك الرحمن من كل شر
لا تنسى الصيانات الدورية لكى تستمتع بالسيارة
المهم ان الغالبية العظمى من توكيلات السيارات فى مصر بدون ضمير حسبى الله ونعم الوكيل

[احمد على 1999]

يا حلاوة
الحمد لله ان عربيتك كويسة
انا لو مكانك و طالما معايا الكتالوج امشى عليه عند اى حد محترم ......... مش مستاهلة توكيل

[ahmed_eng2001]

ربنا يباركلك فى عربيتك ....

للأسف ... توكيلات العربيات المتوسطة بتكون حالها مش كويس .... زى الميتسوبيشى .. الكيا
اتوكل على الله ... و روح لميكانيكى كويس و سيبك من التوكيل

[Hisham.Elgazzar]

ربنا يباركلك فيها ويكفيك شرها
الميكانيكيون العرب فى طريق السندباد محترمين اوى
وفيه ميكانيكى جدع جدا ف الحرفيين اسمه محمد توكيل
صعيدى ومحترم جدا وكان عايش ف اليابان فترة طويلة
اسأل عليه ده اشهر من النار على العلم