ايه رايكو فى الماروتى ؟ عاجل

[dr_3eshoo]

شوفي اعربيه الايديا
بس الماروتي عن تجربه مع بنت خالتي و انا بستعمل العربيه زي عربيتي لقيتها حلوة عى قد فلوسها و هيا برضه استعملها وحش لقيتها ظريفه
بس اكتوبر لوسط البلد كل يوم ماظنش انها هاتعييش معاكي
بس شوفي الايديا الصيني 1000 سي سي 4 سلندر كماليات بتكنولوجيا ياباني من تويوتا حسب كلام الوكيل و الجرايد

[MORE83]

لا لا لا لا لا .... الماروتى دى لعبتى بقى ....
أستاذة شيرى ... انا معايا ماروتى 2008 اشتريتها من سنة بالظبط و أنا ساكن فى مدينة نصر و شغلى فى 6 أكتوبر و رغم إن المشوار كبير إلا انها و للحقيقة مشتكتش منى خالص على الرغم من ان العربية اللى قبلها كانت لادا بمعنى انى كنت " بتعافى " على العربية شويتين بحكم التعود

* مميزات الماروتى
واسعة من جوة بالنسبة لشكلها و حجمها
سحبها جميل و على أد إمكانياتها بتمشى بسرعة
طبعا - بتتركن فى أى مكان
عن تجربة ... قطع الغيار متوفرة و أسعارها كويسة و مناسبة جدا ... دة غير إن ليها كتير من مراكز الصيانة و محلات قطع الغيار اللى منتشرين فى مصر .... صحيح ان عربيتى ماشية بقالها سنة بس لكن كنت بسأل على الحاجات من باب العلم بالشئ
إستهلام البنزين هاااااااايل .... بتستهلك حوالى 20 لتر لكل 420 - 450
بتستقبل مختلف أنواع البنزين مع انى بعاملها كويس و بحط 92 إلا انى لما اتزنقت مرة و حطيت 80 كانت ماشية كويس
سافرت بيها اسكندرية حوالى 5 مرات و مشتكيتش ... مع العلم انى كنت بريحها كل 80 - 100 كيلو ... لمدة 10 دقايق

أما بقى العيوب
لو ربنا هيوفق حضرتك فى شرا الماروتى فلازم تنسى الشنطة تماما - مع ان العربية فيها إمكانية طى الكنبة لكن برضه هتفضل مساحة الشنطة صغيرة حبتين

العربية خفيفة فعلا و أى مطب جامد أو حفرة هتحسى بيهم بجد ... ورغم انهم مش هيأثروا فى العفشة - ودة اللى يثبت ان عفشتها قوية إلى حد ما -

إنعدام وسائل الأمان - ما عدا الحزام طبعا

العربية بتيجى فاضية بمعنى الكلمة ... حتى ان الفرش فى الأرضية لازم مالك العربية يروح بنفسه للسروجى عشان يفك الكراسى و يركبه...... "الفرش بييجى فى شنطة العربية "

الثبات بتاعها مش أد كدة

و فى النهاية دة مش إعلان لبيع عربيتى لا سمح الله ... لكن بأمانة دى عيوب و مميزات العربية من وجهة نظر مجرب ... و على الأقل هى عربية أثبتت كفاءة من سنين على العكس الصينى - اللى مش برتاح له خالص -

و ربنا يوفق حضرتك للى فيه الخير
أشرف

[MORE83]

آسف طبعا ليك يا DR 3ESHOO ..... بجد أنا مش قصدى أقلل من وجهة نظر حضرتك ... تحسبا بس لو كان كلامى على الصينى ضايقك باعتبار انه كان معارض رأيك
آسف مرة تانية لو كنت ضايقتك

تحياتى

[هيثم شاهين]

المشاركة الأصلية كتبت بواسطة MORE83 لا لا لا لا لا .... الماروتى دى لعبتى بقى .... أستاذة شيرى ... انا معايا ماروتى 2008 اشتريتها من سنة بالظبط و أنا ساكن فى مدينة نصر و شغلى فى 6 أكتوبر و رغم إن المشوار كبير إلا انها و للحقيقة مشتكتش منى خالص على الرغم من ان العربية اللى قبلها كانت لادا بمعنى انى كنت " بتعافى " على العربية شويتين بحكم التعود * مميزات الماروتى واسعة من جوة بالنسبة لشكلها و حجمها سحبها جميل و على أد إمكانياتها بتمشى بسرعة طبعا - بتتركن فى أى مكان عن تجربة ... قطع الغيار متوفرة و أسعارها كويسة و مناسبة جدا ... دة غير إن ليها كتير من مراكز الصيانة و محلات قطع الغيار اللى منتشرين فى مصر .... صحيح ان عربيتى ماشية بقالها سنة بس لكن كنت بسأل على الحاجات من باب العلم بالشئ إستهلام البنزين هاااااااايل .... بتستهلك حوالى 20 لتر لكل 420 - 450 بتستقبل مختلف أنواع البنزين مع انى بعاملها كويس و بحط 92 إلا انى لما اتزنقت مرة و حطيت 80 كانت ماشية كويس سافرت بيها اسكندرية حوالى 5 مرات و مشتكيتش ... مع العلم انى كنت بريحها كل 80 - 100 كيلو ... لمدة 10 دقايق أما بقى العيوب لو ربنا هيوفق حضرتك فى شرا الماروتى فلازم تنسى الشنطة تماما - مع ان العربية فيها إمكانية طى الكنبة لكن برضه هتفضل مساحة الشنطة صغيرة حبتين العربية خفيفة فعلا و أى مطب جامد أو حفرة هتحسى بيهم بجد ... ورغم انهم مش هيأثروا فى العفشة - ودة اللى يثبت ان عفشتها قوية إلى حد ما - إنعدام وسائل الأمان - ما عدا الحزام طبعا العربية بتيجى فاضية بمعنى الكلمة ... حتى ان الفرش فى الأرضية لازم مالك العربية يروح بنفسه للسروجى عشان يفك الكراسى و يركبه...... "الفرش بييجى فى شنطة العربية " الثبات بتاعها مش أد كدة و فى النهاية دة مش إعلان لبيع عربيتى لا سمح الله ... لكن بأمانة دى عيوب و مميزات العربية من وجهة نظر مجرب ... و على الأقل هى عربية أثبتت كفاءة من سنين على العكس الصينى - اللى مش برتاح له خالص - و ربنا يوفق حضرتك للى فيه الخير أشرف

الراجل ده كلامه معقول واتمنالك التوفيق

[rembrandt]

أعتقد فى اى بنك اسلامى