ما رايك فى سيارات جاك بمصر ؟

[د.كمال]

المشاركة الأصلية كتبت بواسطة سيف الدين سعيد السياره جاك : كما قال أخونا يحى : هى من أفضل السيارات الصينيه الموجوده بالسوق المصريه لما لها ( كسياره ) من مميزات . وفى رأيى أنها تأتى فى المرتبه الثانيه مباشرة بعد السياره بريليانس التى تحتل المرتبه الأولى عن جداره . ولو سمحتولى أعيد عليكم مميزات السياره لأنى أمتلك الفئه الثانيه منها وهى فئة الـB Class والحمد لله أنا عامل بيها حاليا 31 ألف كم بس لسه ما عملتش صيانة الـ 30 . والحمد لله العربيه بأشعر وأنا راكبها بمتعه وراحه وسعاده كبيره . السياره موتور 1500 ميتسوبيشى كموتور وعفشه وآلات جر . كبيره وواسعه جدا من الداخل ومريحه فى فرشها . الشكل الخارجى جذاب وفخم يشبه الى حد ما الرينو فلوانس . وصدق من أطلق عليها اسم السيندريلا. شنطه واسعه وكبيره بالإضافه الى طى الكنبه الخلفيه بنظام الثلث والثلثان . جسم السياره مصنوع من صاج ثقيل ومحمل لدرجة ان كابوت السياره ثقيل جدا فى رفعه . وزن السياره من أثقل أوزان السيارات مما يعطيها ثبات وثقه فى القياده على السرعات العاليه . بها العديد من الأوبشنات وان كان التوكيل شايل منها بعض الأوبشنات زى الفتيس والطاره الملتى وفتحة السقف . تصميم التابلوه الداخلى جميل . والخامات من أفضل الخامات الموجوده فى مواصفات السيارات المطروحه بالسوق المصريه . كل دى صفات ( السياره ) وكلها مميزات كسياره عائليه كبيره . أما عيوب السياره فتنحصر فى تقصير التوكيل فى الدعايه للسياره ورفعه لسعرها مع قلة الوارد منها الى السوق المصريه . وتحياتى لصاحب الموضوع وللجميع .وكل سنه وانتم طيبين .

أخى وحبيبى الباشمهندس سيف ...........واحشنى كتير والله وكل عام وانت بخير

لن أضيف اكثر مما قلت غير اننى بأعتبر السياره ال جاك B15 من احسن الصفقات التى تمت فى حياتى

[sherifabden]

انا مجربتهاش خالص ولا عمري شفتها في حياتي غير في الجرايد
بس كلام ملاكها عنها زي الفل

[محمد صالح - المحامى]

العربية كشكل خارجى جميله جدا جدا
هى تحتاج الى بعض التعديلات من الداخل ذى الاوكر وزراير الزجاج
وشكل التابلوة غير عاطفى دا بالنسبة ل A 110
واعتقد انها فى المركز الثانى مقاسمه مع بريليانس
طبعا احتل المركز الاول فى الصينى الاسبرانزا بموديل 113 A والتايجو
اعتقد ان الجاك هتعمل شغل كويس الايام الى جاية
بس الوكيل يحسن شوية من ادائة

[سيف الدين سعيد]

المشاركة الأصلية كتبت بواسطة د.كمال أخى وحبيبى الباشمهندس سيف ...........واحشنى كتير والله وكل عام وانت بخير لن أضيف اكثر مما قلت غير اننى بأعتبر السياره ال جاك B15 من احسن الصفقات التى تمت فى حياتى

أخونا الغالى ودكتورنا الكبير د.كمال . كل سنه وحضرتك وأسرتك الكريمه بخير . وتحياتى وحبى لسيادتك .
وفعلا السياره جاك بعيدا عن الوكيل المتقاعص فى الدعايه للسياره . فهى فعلا تعد من أفضل ما وصل السوق المصريه من سيارات

[د.كمال]

المشاركة الأصلية كتبت بواسطة سيف الدين سعيد أخونا الغالى ودكتورنا الكبير د.كمال . كل سنه وحضرتك وأسرتك الكريمه بخير . وتحياتى وحبى لسيادتك . وفعلا السياره جاك بعيدا عن الوكيل المتقاعص فى الدعايه للسياره . فهى فعلا تعد من أفضل ما وصل السوق المصريه من سيارات

اشكرك يابشمهندس سيف على زوءك

واعتقد الوكيل بدأ يهتم بالسياره ويستوردها بكميات كبيره وبدأ يعرضها فى معارض كثيره هذه الفتره لانه فى تشديد عليه من الشركه الام .......واليك موقع الشركه الام باللغه العربيه ولهم مندوب هنا فى مصر يرد على الرسائل والشكاوى فارجو الدخول والمتابعه على هذا الموقع على الفيس بوك
http://www.facebook.com/jacegypt