ماحدش بيستلم عربيه فيها حاجه مش مظبوطه اصلا فما بالكم لو التكيف شغال الا لو مسكين عليه ذله
|
اعتقد انك خرجت عن آداب الحديث وقواعد المنتدى؟! .
ببساطة أنا استلمت العربية في شهر يناير في عز الشتاء ، فلم تكن هناك أي فرصة لتجربة التكييف ، وبعدين هو المفروض وانا باستلم العربية الجديدة الزيرو من توكيل محترم أجرب التكييف ! وأجرب المساحات وأجرب الفوانيس ، وفرملة اليد . . . الخ ، انا باستلم عربية زيرو مش عربية مستعملة من سوق العربيات !
اما بخصوص الصوت فعلا بيظهر صوت من الدركسيون زي مايكون مادلية المفاتيح بتخبط في الفبره بس ودا مع النقر والحفر فقط
|
وده يؤكد كلامي إن العفشة سيئة
انا كنت بعاني من دا لما جبتها ومكنتش اعرف ان لازم احط فيها بنزين 92 ولما قالولي في التوكيل لازم تحط 92 بعد مرتين تفويله لقيت الاداء بتاعها اتغير خالص ومش بقت تتاثر بالحموله اما التكيف فبيهد المحرك شويه صغيره تلاحظها لو كبست الدواسه على اخرها
|
وده أيضا يؤكد كلامي إن السحب ضعيف خاصة مع التكييف ، وبعدين هو انت كنت بتحط بنزين 80 لعربية زيرو ؟!! ، وبالمناسبة أنا في الفترة الأخيرة والله العظيم كنت بأحط بنزين 95 وبرضه نفس النتيجة -السحب ضعييييييف
دواسة البنزين والكلاكس والغماز بتاع النور العالي فيهم ديلي شويه يعني تاخير يعني لو عملت تقليب بالنور العالي كذا مره ورا بعض هتلاقي النور عالي شغال مش بيطفي وينور وكمان الكلاكس نفس النظام لو دوست وسيبت كذا مره بسرعه هتلاقيه بيزمر كان دايس على طول اما بقى دواسة البنزين فدي مشكلتي الحقيقيه مع العربيه
|
وده أيضا يؤكد كلامي عيوب في الكلاكس ودواسة البنزين . . . الخ
الرقمين دول غلط اولا ال10000 ب 450 تقريبا لان فيها بند تغير الزيت ودا بيعمل فوق ال300 و65 مصنعيه اما 20000 فدا رقم مبالغ فيه وانا بشوف ناس في التوكيل بيعملو الصيانه دي ومحدش بيدفع الرقم دا
|
من عينيه الاثنين حاضر حأدور على فواتير النصب قصدي فواتير الدفع في التوكيلين الصحراوي وجسر السويس وحأعمل ليهم سكان وأحطهم هنا لجميع الأعضاء بالمنتدى .
انا سمعت بيها لكن الحمد لله مش عندي ولا عند حد من الي اعرفهم معاهم العربيه ممكن تكون كانت مشكلة زوايا في المديلات الي نزلت في الاول
|
يا عزيزي المشكلة دي موجودة في جميع موديلات 516 سواء شعرت بها أو لم تشعر بسبب وجود خطأ في أبعاد الشاسيه ، الكلام ده من مهندس التوكيل في جسر السويس ، فالحدفة موجوده وانا شعرت بها من أول يوم .
دي كانت بتحصل معايا واكتشفت الامر اني لما اروح اغسل العربيه ويحطو ورق كده على الدواسات بعد شويه الورق دا بيتني تحت الدبرياج ومش بياخد الحركه بتاعته كامله وعشان كده النقلات بتعض اما لما اشيل الورق دا خالص او افرده تاني المشكله بتروح
|
؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!
يا راجل يا طيب ، انت مقتنع بالكلام ده ؟؟؟؟؟؟؟!!!!!!!!!!
في سيارات المحرك بتاعها كده وياباني كمان اكيد انتو عارفين وفي عازل حراره باين وواضح في الجزء الي خلف المحرك في جسم السياره ,, واكيد الصينيين مش غاوين يقرفو الناس وسهل عليهم جدا يعملو بالعكس لكن هوا دا تصميم العربيه الاصلح اكيد
|
طيب اذكرلي عربية وحده بس وحده ياباني تصميم موتورها كده!! ، لو التصميم الصيني ده الأصلح أكيد كان من باب أولى الألمان ولهم ما لهم من باع في عالم السيارات ، أو الأمريكان ، أو الطليان ، للأسف مافيش غير الافتكاسة الصينية فقط هي اللي عملت كده !! ، وياريت كده وبس لا والتقفيل مصري !!
ال 60 % راي شخصي اما لجودتها فهي جيده بالنسبه للسيارات الي من نفس فئتها السعريه وموديلها وممكن تتنافس معاهم وبشده وفي مشاركتين ليا في موضوع هنا (الفرق بين الانسر والاسبرانزا )
|
مش ممكن بأي حال من الأحوال تقارن الاسبيرانزا بالعيوب الصيني والتي تم تكليل هذه العيوب بالتقفيل المصري ، مش ممكن تقارنها أبدا باللانسر الياباني ؟؟؟!!!!!!!
وعموما السيارات كما أي سلعة أذواق وطالما انت مبسوط بعربيتك فربنا يباركلك فيها ويهنيك بيها .