هل من العيب ان تغسل سيارتك بنفسك ؟؟؟؟؟؟

[SHERIF MARLBORO]

بصراحة عادى جدا و مهما كان مركزك و سنك مفهاش حاجه

[momen_bondok]

المشاركة الأصلية كتبت بواسطة cypher يا سلاااام ديه متعه الأول كان فى ناس من قريبى الكبار بيقولولى ده مش من منظر تبقى عامل زى سواقين التكوسه لكن انا مقتنع تماما ما من عمل حلال يعيبه شىء تفتكر انك ممكن تكروت زى البنزينة ابدااااااااااا

انا عمرى ما غسلت فى بنزينة بس بسمع مع ناس كثيرين انها بتكروت
انت عارف لو عامل البنزينة غسل العربية كانها ملك لة كان الامر هيختلف
وكما قال النبى حب لاخيك ما تُحب لنفسك

[محمود زيزوو]

بصراحة شديدة الموضوع عادى جدا انا بغسل سياراتى فى الشارع ودى زى ما بتحب البيت يبقى نظيف لازم كلنا نحب عربياتنا تبقى نظيفة وعلى رأى الشاعر كلام الناس لا بيقدم ولا ياخر ههههههه

[momen_bondok]

المشاركة الأصلية كتبت بواسطة corsair موضوع جميل جدا بس مشكلتنا في الناس اللي حولينا محنا بردك غصب عننا عيشين في وسطيهم واي كلمه طبعا بتأثر في الواحد يعني لما يقولو بص شوف مش هاين عليه يدفع 5 جنيه للواد الغلبان في الجراج علشان يغسلهاله والله سمعتها كتير انا من النوع اللي بتأثر بكلام الناس وانا ماشي بالمثل اللي يقولك هين قرشك ولا تهين نفسك بس النظافة الداخليه من جوا العربية اانا اللي بعملها بنفسي علشان مبقتنعش غير بنفسي فيها

والله نفس الكلام اللى بيتقال لي ادى العيش لخبازة هين قرشك ولا تهين نفسك
وحاجات كدة وانا معاك ان مش كل الناس زى بعضها
واشكرك ايضا على صراحتك
واحب اشكرك لانى انتفعت بمواضيع حضرتك غاية الانتفاع
فجزاك الله خيرا

[momen_bondok]

المشاركة الأصلية كتبت بواسطة mrastra بالعكس دة مزاج انى اغسل العربية بنفسي يوم مشمس بعد صلاة الجمعة ومعاك كيلو ستفاندى والعيال الصغيرة بتسعدك بيكون جو جميل اوى وبعد اما اخلص غسيل العربية بلعب كورة فى الشارع مع ولادى بلنتات كدة او اى حاجة وبعدين نخرج كلنا نتعشى بردة وهى دى الاسرة المصرية كمان فى حاجة تانية اؤلهالك بس ما تدحكش على العربية والله بتحس بصاحبها اما يكون حنين عليها ما بتكسفهوش فى المواقف وبيكون فى عشرة بين الشخص والعربية

فعلا لما بتحس بالعربية وترعاها وتصرف عليها وتشعر انها لا تخذلك على الطريق