حادث سيارتى ال i10 مع الصور - أعمل إيه؟

[Marlborooo]

المشاركة الأصلية كتبت بواسطة أشرف الشفقى شكراً جداً على إجابتكم المفيدة أوى. أنا اتصلت النهاردة بموديرن سيرفس (مركز صيانة معتمد، مكانة ورا السندباد) وهو أقرب مكان لى فى مدينة نصر. سألت على سعر الاكصدام للi10 موديل 2010 قال لى سعره 715 جنيه. بس للأسف قال إن ما عندوش منه فى المخزن. وسألتهم إذا ممكن أجيب اكصدام من بره ويقوموا بتركيبه قال لى ممكن. وسألت على سعر التركيب، قال لى لازم تيجى تعمل مقايسة الأول علشان نعرف نحدد عشان ده مصنعية وكده. (بس ما سألتش على سعر الكارتيرة شمال الصراحة.) حد عنده فكرة السعر ده 715 جنيه للاكصدام i10 موديل 2010 إيه نظامه؟

يا ريس السعر عالي ان شاء الله هتلاقي الاكصدام بره بنصف التمن
حاول تشوفه استيراد او ممكن تشتريه جديد وتركبه وتسيبه لونه اسود زي ما هو

لو اشتريت اكصدام متروحش تركبه في التوكيل
التركيب مجرد مسامير بتتربط مش صاعبة انت ممكن تركبه بنفسك
اي بتاع فيبر يركبه ب20جنيه ولا مقايسة ولا كلام فاضي

[AbOnOrA]

اولاً قدر الله وماشاء فعل الخبطة بسيطة الحمد لله وزى ما قال الاخوة مش محتاج غير

1- اكصدام جديد
2- كرتيرة شمال ولو فيه فوج يبقى هتجيب واحد

الحاجات ديه تنزل تجيبها من الحرفيين او شارع دمشق اللى فى روكسى قريب منك وهتلاقيهم بنص تمنهم فى التوكيل
كمان فيه كذا واحد قدام نادى الشمس من ناحية جسر السويس

وبعدين هتاخد الحاجات ديه وتروح لسمكرى تخليه يرد الرفرف على البارد ويسحقة (يلمعة) ويرش الاكصدام ويركبه

بصراحة الموضوع مش محتاج توكيل خالص حرام تضيع فلوس على الفاضى ده غير عطلة التوكيل وحواراته

[AutoPaint]

السلام عليكم
كلام المهندس وائل مجدى مظبوط
هو الموضوع بسيط ها يكلفك من 400 الى 500 عند اى حد على حسب نوع الدهان
تركيب الاكصدام والرش واستعدال الرفرف على البارد وتركيب كرتيرة
تحياتى لك