أسوأ شخص فى مصر لعام 2009

[Dr. Bolbolan]

المشاركة الأصلية كتبت بواسطة attef1 شادى 2007 انا معاك فى كل ما كتبت يا ترى انت معاه من منظور عقلى و بحثى بحت أم دينى ؟ لكن انه يصمم و ينفذ و يختار السياسات اللى تخدم الصالح العام أعتقد أن صالح المواطن هو صالح الوطن ! والصالح العام دى كلمه مطاطه قوىىىى! الفكره عندنا ان الناس بتعك كله فى بعضه يعنى دين على سياسه على اسباب شخصيه يعنى حضرتك جمعت الناس كلها فى بوتقه واحده اللى بيفهم على اللى مابيفهمش والمتعلم عالى على المتوسط والمثقف على الآمى ! و فى النهايه الكل تايه مش عارف يمينه من شماله طب تصدق أنا عارف يمينى ناحية الايد اللى بآكل بيها وشمالى ناحية ايدى اللى ...... انا عارف انى خرجت شويه عن الموضوع بس شايف انه كان لازم ماخرجتش عن الموضوع ولا حاجه ! ده هوه صلب الموضوع !

المشاركة الأصلية كتبت بواسطة attef1 اظن ان شادى مايقصدش انه يفسر القرأن يا دكتور وأنا ما قلتش انه بيفسر ! بس تريقه على الزميل اللى اختلف معه فى الرأى واستخدم القرآن ! كأداه فى التريقه ! و ده مرفوض ! لكل الآديان ! كل الحكايه انه عارف ان المسلمين متعلقين بيه فى تفسير اغلب الاشياء أولا احنا مش متعلقين به لتفسير أغلب الآشياء ! نحن مأمورون بذلك و مؤمنون بذلك ! و بعدين أنا ما ضربتوش بالنار علشان قال حاجه مش عاجبانى و أرى أنها لا تصح ! أنا لفت النظر و بأدب ! لو كنت مش واخد بالك ! وقلت ان الكلام فى المواضيع دى محظور على شخصى قبل أن يكون عليه ! فحب يستشهد بيه عشان يقنعنا ومفيش مشكله بالنسبه لى من ذلك ما اوباما قرا المصحف كله فى خطابه عديها يا دكتور يا سيدى الفاضل كان بتروشيللى نفسه عرف يقنع شعب بحاله ! و بعدين لا يعنينى ان أوباما قرأ آيات من القرآن مش القرآن كله زى ما حضرتك بتبالغ و تقول ! طالما ليس فيما قاله تريقه أو استهزاء ! ابنك عاطف يشرفنى أن تضعنى فى منزلة والدك ! فهل لى أن أتشرف باسمك كاملا ( حتى على الخاص ) !

Dr. Bolbolan ptmnlo123per1147

[فادى]

انا عموما ضد الحكومة, لكن لو كانت الحكومة فيها شخص بيحاول يصلح ما تفسده البقية فهو هذا الرجل,
هو الراجل غلط عشان عايز يلم حق الدولة الطبيعى و حق الغلابة من الحيتان اللى بيشترى شقة بمليون و 2 مليون؟!
ده مش افضل من الشحاتة و التبرعات تحت اسم مستشفى سرطان الأطفال و حملة المليون بطانية رغم انو التكفل بعلاج المرضى ده مسئولية الدولة مش المجتمع, طب الدولة هتؤدى مسئوليتها ازاى لما الأغنياء بيجيبوا شقق بملايين و يسقعوها و مبيدفعش مليم احمر على هذه الرفاهية غير المبررة؟
و بعدين انا كان نفسى بصراحة الضريبة تبقى اكتر من كده, عشان تنتهى الظاهرة العجيبة التى تنفرد بها مصر و هى تسقيع الشقق, و بالتالى ترخص الشقق و نحل ازمة السكن, بهذه البساطة!
نحن الدولة الوحيدة التى ترتفع فيها اسعار المساكن حتى مع قلة الطلب.
قانون الضريبة العقارية صحيح و من حق الدولة انها تلم فلوسها من الأغنياء المستهترين اللى بيضيعوا فلوس البلد فى رفاهية زائدة لا طائل من ورائها, فى الحالة دى عليه انو يدفع حتى تستطيع الدولة الوفاء بالتزاماتها تجاه المجتمع.
موضوع الفلوس دى هتروح فين من عدمه دى موضوع تانى و هو ليس مسئولا عنه. لكن الرجل يؤدى مهمته على اكمل وجه فى توفير الموارد للدولة, و نحن فى انتظار زيادة الضرائب على المساكن لأن ده الحل الوحيد لأزمة السكن.
برضو لا ننسى احمد نظيف الذى اراه يبذل جهودا مضنية فى تحرير الاقتصاد و هو اتجاه صحيح تأخر كثيرا.
و قانون الضرائب الجديد حل مشكلة التهرب من الضرائب و المهازل التى كانت تحدث فى الماضى,
فى الماضى كان صاحب العمل بيقدم اقرار مضروب تيجى الضرائب تقولوا مش مصدقينك
يقدم اقرار تانى مضروب تيجى الضرائب لا مش مصدقين.
و هكذا دواليك و فى الاخر مفيش حد بيدفع حاجة.
القانون بمنتهى البساطة قال اننا هنصدقك بالاقرار اللى انت كاتبه, لكن لو طلعت بتكدب هتتحبس. و ديه خلت اصحاب الأعمال يخافوا على نفسهم و عن روايات حقيقية اللى مكنش بيدفع الضرائب بقى بيدفع, لأنه الموضوع مبقاش تهريج و هزار زى الأول و لعبة قط و فار انما حق الدولة و المجتمع على صاحب العمل و اللى بيتهرب من هذا الحق لازم يتعاقب.

[Dr. Bolbolan]

هو الراجل غلط عشان عايز يلم حق الدولة الطبيعى و حق الغلابة من الحيتان اللى بيشترى شقة بمليون و 2 مليون؟!

باشمهندس فادى ! أنا ح أتكلم معاك فى جزئيه واحده من كلامك ! وهى انك بتعتبر ان اللى بيشترى شقه

بمليون ولا 2 مليون يبقى حوت و حرامى ولازم الدوله تطلع دينه ! و ده مبدآ خطأ و يقترب من المذهب الماركسى

اللى بتحاربه المسيحيه قبل الاسلام ! ايه المانع ان أكون راجل ربنا فاتح عليه من بركاته ومن نعمه ولا أسرق

ولا أقتل ولا أقترف حرامآ و فلوسى جايه من حلال و يمكن من خارج مصر و عايز أشترى شقه ب 10 مليون ؟؟

وعايز أعمل فرح لبنتى فى باريس و أفسح ولادى فى سويسرا ؟؟ مافيش مشكله ! واسأل ساويرس !

كون ان معظم الشعب أمى و غير متعلم ( ودى بتقلل فرص الانتاج الصحيح وبالتالر الدخل و رفع مستوى المعيشه ) !

لا يعنى ان اللآغنياء ولاد ..... أنا بأقول كده واوعى حد يفتكر انى مليونير ولا حاجه ! أنا الحمدلله بس مستوره !

وفى أواخر العمر بس كمان ! كون الشقه بقت بمليون ! ارجع لكلامى وستجد أن السبب أن الحكومه هيه المفروض

تسيطر على صناعة الآسمنت و الحديد و توزع أراضى و رمال الصحراء على الناس يا رب ببلاش ! فى الحاله

دى الشقق ح ترخص ! انما الدوله بتعطى فلان مليون متر من أجود الآراضى والمتر ب 10 قروش و يكون جايب

ثمنهم قرض من الحكومه برده و بعدين يبيع المتر ب 3000ج و أكثر ! يبقى مين السبب ؟؟ انت ماسمعتش المثل

اللى بيقول " اللى يلاقى دلع ولا يتدلعشى يخش النار ؟؟ ) ؟ انت مثلا أو ابنى لسه لم يتزوج ! أقل شقه دلوقت

بنصف مليون جنيه ! ليس معى منهم ولا مليم بس ح أضطر أتدين أو أستلف و أقسطهم و أجوزه و أسكنه فيها

دا غير المتطلبات الآخرى ! يقوم يطلع لى واحد يقول عليه دا حوت من الحيتان وساكن فى شقه بالشىء الفلانى !

انت لو رغيف العيش دلوقت بقى ب 5 جنيه ! ح تشتريه ولا لآ ؟؟ عمومآ وزير الماليه ماهو الا جزء من النظام

ولو اللى بيعمله مش على هوا النظام مش ح يقعد فى مكانه دقيقه واحده !

عمومآ أنا سعيد انك دخلت الموضوع يا فادى مع انك مابتدخلش الا للدفاع عن الشاهين ! ههاهههااااهاى !

Dr. Bolbolan ptmnlo123per1147

[فادى]

المشاركة الأصلية كتبت بواسطة Dr. Bolbolan هو الراجل غلط عشان عايز يلم حق الدولة الطبيعى و حق الغلابة من الحيتان اللى بيشترى شقة بمليون و 2 مليون؟! باشمهندس فادى ! أنا ح أتكلم معاك فى جزئيه واحده من كلامك ! وهى انك بتعتبر ان اللى بيشترى شقه بمليون ولا 2 مليون يبقى حوت و حرامى ولازم الدوله تطلع دينه ! و ده مبدآ خطأ و يقترب من المذهب الماركسى اللى بتحاربه المسيحيه قبل الاسلام ! ايه المانع ان أكون راجل ربنا فاتح عليه من بركاته ومن نعمه ولا أسرق ولا أقتل ولا أقترف حرامآ و فلوسى جايه من حلال و يمكن من خارج مصر و عايز أشترى شقه ب 10 مليون ؟؟ وعايز أعمل فرح لبنتى فى باريس و أفسح ولادى فى سويسرا ؟؟ مافيش مشكله ! واسأل ساويرس ! كون ان معظم الشعب أمى و غير متعلم ( ودى بتقلل فرص الانتاج الصحيح وبالتالر الدخل و رفع مستوى المعيشه ) ! لا يعنى ان اللآغنياء ولاد ..... أنا بأقول كده واوعى حد يفتكر انى مليونير ولا حاجه ! أنا الحمدلله بس مستوره ! وفى أواخر العمر بس كمان ! كون الشقه بقت بمليون ! ارجع لكلامى وستجد أن السبب أن الحكومه هيه المفروض تسيطر على صناعة الآسمنت و الحديد و توزع أراضى و رمال الصحراء على الناس يا رب ببلاش ! فى الحاله دى الشقق ح ترخص ! انما الدوله بتعطى فلان مليون متر من أجود الآراضى والمتر ب 10 قروش و يكون جايب ثمنهم قرض من الحكومه برده و بعدين يبيع المتر ب 3000ج و أكثر ! يبقى مين السبب ؟؟ انت ماسمعتش المثل اللى بيقول " اللى يلاقى دلع ولا يتدلعشى يخش النار ؟؟ ) ؟ انت مثلا أو ابنى لسه لم يتزوج ! أقل شقه دلوقت بنصف مليون جنيه ! ليس معى منهم ولا مليم بس ح أضطر أتدين أو أستلف و أقسطهم و أجوزه و أسكنه فيها دا غير المتطلبات الآخرى ! يقوم يطلع لى واحد يقول عليه دا حوت من الحيتان وساكن فى شقه بالشىء الفلانى ! انت لو رغيف العيش دلوقت بقى ب 5 جنيه ! ح تشتريه ولا لآ ؟؟ عمومآ وزير الماليه ماهو الا جزء من النظام ولو اللى بيعمله مش على هوا النظام مش ح يقعد فى مكانه دقيقه واحده ! عمومآ أنا سعيد انك دخلت الموضوع يا فادى مع انك مابتدخلش الا للدفاع عن الشاهين ! ههاهههااااهاى ! Dr. Bolbolan ptmnlo123per1147

يا دكتور أنا مقلتش ابدا انو اللى بيشترى شقة ب2 مليون يبقى حرامى, أبدا مقلتش كده,
من حقه ذلك انا معاك, لكن من حق الدولة برضو تحصيل الضرائب منه.
و انا مبحبش ساويرس و ليا الكثير من الاعتراض عليه و على ما يفعله و عائلة ساويرس لن أغفر لها بيع شركة الأسمنت الى الأجانب, و على فكرة انا مش بحب يوسف بطرس غالى عشان ديانته,
انما انا بدافع عن قانون الضريبة العقارية لأسباب انا ذكرتها.
و فرض المزيد من الضرائب سياسة متبعة فى الدول الرأسمالية كلها و لا تقترب من الماركسية,
الدولة عليها انها تؤدى واجبها نحو محدودى الدخل, لناحية العلاج, و الخدمات, و المساعدات المالية و ده معمول بيه حتى فى أعتى الدول الرأسمالية.
معظم دول اوروبا العلاج فيها بالمجان تماما, و حتى الادوية تباع بأسعار رمزية. مش بس الدول الغنية, بل ان العديد من الدول الفقيرة العلاج فيها بالمجان و بمستوى جيد.
و لذا فانه يجب فرض المزيد من الضرائب خاصة على السلع المرفهة, لأنها حالة لا تتفق مع التقشف الذى يجب أن تتبعه سياسة الدولة الاقتصادية فى الوقت الحالى.
اللى عندو 10 مليون لازم يستثمرهم و لو مش عارف يبقى يروح يحطهم فى البنك,
انما يشترى بيهم شقة 300 متر على النيل أو شاليه فى مارينا؟!
فى هذه الحالة ال10 مليون دول اترموا فى شوية طوب و اسمنت و مفادوش الاقتصاد فى شىء.
و ده مبدأ معمول بيه فى جميع دول العالم سواء الرأسمالية مثل امريكا أو تلك التى تميل الى الاشتراكية مثل فرنسا. فلا يحق لصاحب المال أن يضعه فى مكان غير ذات جدوى اقتصادية.
و فى حالة رغبته فى ذلك عليه تحمل الضرائب.
و انا مش مع ان الدولة تدعم المساكن, و توزيع الأراضى, لا يوجد دولة فى العالم تدعم المساكن,
المفترض ان تخضع المساكن لقواعد العرض و الطلب فقط,
و العجيب اننا فى مصر بنخضع لقانون اخر لا اعلم كنهه, يقول ان اسعار المساكن فى ارتفاع مهما حدث, حتى لو قل الطلب كما يحدث الأن, فان اسعار المساكن لا تعرف هبوطا! و ديه حالة عجيبة ربما تسهم الضريبة العقارية فى اصلاحها. لأن احدى اسباب ذلك هو تسقيع الشقق بما يؤدى لقلة المعروض.

[Dr. Bolbolan]

برده يا أخ فادى أنا مش معترض على منطق ان الدوله تاخد ضرائب ! بس تستخدم فعلا فى الاتجاه الصحيح !

و يكون فيه عدل مع رحمه فى أخذ الضرائب ! و معترض جدآ ان تكون 70% من موازنة الدوله من الضرائب !

لآن للمره المليون بأقولها يبقى ما عملناش حاجه اننا ناخد من نفسنا ! و على حساب الفقير هو المتضرر الآكبر !

عايزين ناخد من بره مصر بالانتاج بالعمل بالبترول بأى حاجه ( ما عدا الشحاته طبعآ ) و فى نفس الوقت نيسر

على الناس ونقلل اجبايه المفروضه عليهم و مانطلعش كل يوم سبب جديد لجمع المال ! ده ملخص كلامى السابق

من أول المشاركه اللى كتبها د/ تامر ! ياريت لو ماكنتش قرأتها و عندك وقت تقرأها وانت ح تفهمنى أكثر !

خاصة الجزء اللى بأقول فيه " أنا لو فى كندا و الدوله بتاخد منى 50% من دخلى ضريبه ح أكون سعيد ) !

لآنى ح يوصلنى خدمات بالضبط أكثر من ال50% دى ( لا تقدر بمال ) !

الى هنا أدرك شهريار النهار و سكتت شهرزاد عن الكلام المباح و الغير مباح !ّ

Dr. Bolbolan ptmnlo123per1147