عن الانسـيـابيـه ... و الثـبــات ...

[sam ram]

عن الانسيابيه و الثبات

<?xml:namespace prefix = o ns = "urn:schemas-microsoft-comاعتقد كلنا فكرنا في النقطتين دول ... انسيابيه العربيه و ثباتها ... انا عن نفسي ...الموضوع ده كان دايما شاغلني جدا من وانا صغير ...<o:p></o:p></DIV>

وكنت دايما اقعد افكر مع نفسي .... اكتر شكل انسيابي هو نقطه المياه ... طيب ليه بنفكر نركب اسبويلر للعربيه علشان نحسن انسيابيتها !!! وليه عربيات السباقات مش شبه البيتلز

المهم مع الوقت عرفت شويه حاجات قلت احكيلكم عنها

<o:p></o:p>

بس الاول احب اوضح 3 نقاط :-<o:p></o:p>
1- الموضوع لو تعمقنا فيه ...كبيييييييييير اوي .... علوم فضاء و طيران و قواعد ميكانيكيه و فيزيائيه ... يعني حتوه وممكن اتوه الناس معايا ptmnlo123per1106<o:p></o:p>
2- انا مش متخصص .... خاااااالص ... ptmnlo123per1127

بس ميزه الموضوع كده ان الكلام حيكون بسيط .. في حدود علمي .. ptmnlo123per160<o:p></o:p>

3- ياريت اي حد متخصص او عنده معلومه يفيدنا بيها ... يعني الموضوع للافاده العامه واللي يقدر يزق ... يزق ptmnlo123per122

<o:p></o:p>

مقدمه<o:p></o:p>

العربيه منظومه متكامله و بالتالي انسيابيه العربيه و ثباتها من العوامل المترابطه في المنظومه دي ...<o:p></o:p>

بس الاول محتاجين نحدد بعض التعريفات المهمه ... التعريفات دي مش تعريفات علميه و لكنها مجرد وصف او تبسيط للمصطلحات

<o:p></o:p>

ايه المقصود بالانسيابيه (Aerodynamics):-<o:p></o:p>

انسيابيه الشكل مقصود بيها درجه مقاومه الهواء للشكل ..<o:p></o:p>
وبيتم التعبير عنها بمعامل مقاومه الجر او Drag Coefficient<o:p></o:p>
وبالتالي الجسم كل ما كان انسيابي الشكل كل ما قلت درجه مقاومه الهوا ليه

<o:p></o:p>

Down Force

مصطلح يعبر عن قوه الضغط اللي بتعملها العربيه على الطريق نتيجه وزنها اوشكلها او استخدامها اجنحه او سبويلرز ... ومع السرعه الكبيره للعربيه الهوا بيضغط على الاجنحه و بالتالي يشكل قوه ضغط اضافيه لاسفل يزيد من تماسك العربيه بالطريق او ما يطلق عليه GRIP

<o:p></o:p>

Ground Effect

مصطلح بيعبر عن مدى التصاق العربيه بالطريق نتيجه لعدم وجود خلوص بينها وبين الطريق او بمعنى ان الخلوص صغير جدا لدرجه تمنع مرور الهوا من تحت العربيه وبالتالي ممكن ندعي ان العربيه دي ملصوقه بالارض .. زي كده الشماعات و الشماسات اللي بتتثبت بحته كاوتشه بالضغط ... وبالتالي تفريغ الهوا بيلزقها بالازاز او السيراميك ( التعريف ده اجتهاد شخصي )ptmnlo123per1127

<o:p></o:p>

وبالتالي ال Ground Effectمقصود بيه التصاق العربيه بالارض نتيجه عدم وجود هوا تحتها يعمل عمليه رفع او Lift<o:p></o:p>

LIFT
او قوه الرفع لاعلى زي جناح الطياره بيقابل الهوا وبيعمل فرق ضغط فوق و تحت الجناح فيرفع الجسم لفوق

<o:p></o:p>

نبتدي الكلام

هل الشكل بس هو اللي بيحدد الانسيابيه<o:p></o:p>
في عوامل تانيه منها ملمس السطح ( السطح الناعم انسيابي عن السطح الخشن )<o:p></o:p>

السرعه ... كلما زادت السرعه زادت مقاومه الهواء<o:p></o:p>
التفاصيل ... مرايات – مقابض الابواب – مساحات – فتحات الهواء للراياتير - ...<o:p></o:p>

مثلا البيتلز اول ما ظهرت في الثلاثينات كان معامل الجر ( 0.38 ) في حين انها بعد كده زاد معدل الجر ( 0.48)<o:p></o:p>
والسبب كان في رفع الفوانيس ( فوانيس رأسيه ) و استخدام كاوتش اعرض وفوانيس اشارات فوق الرفارف ... بالرغم من ان الشكل متغيرش .. لكن التفاصيل اختلفت<o:p></o:p>

<o:p></o:p>
بيتلز الثلاثينات و الاربعينات<o:p></o:p>
<o:p></o:p>

بيتلز من الستينات
وده بيوضح ان اي تفاصيل صغيره جدا ممكن تفرق في معامل الانسيابيه
<o:p></o:p>

ايه الهدف من الشكل الانسيابي :-<o:p></o:p>

1- توفير الوقود ... نتيجه تقليل مقاومه الهواء وبالتالي الوصول الي السرعه المطلوبه باقل معدل استهلاك للوقود<o:p></o:p>
2- تحقيق اعلا سرعه قصوى ممكنه
<o:p></o:p>

<o:p></o:p>
Aptera Typ-1 .. محاوله الوصول لاقل معامل جر = 0.15 للمساعده على تحقيق اقل معدل استهلاك للوقود ... هي شبه الطياره وسرعتها يقال حتعدي 137 كم/ساعه ... متهيألي لو زادت عن كده ممكن تطير فعلا<o:p></o:p>

The Aptera 2 Series (formerly the Aptera Typ-1) is a high-efficiency passenger vehicle, currently in the final stages of design by Aptera Motors. They are currently accepting pre-orders from California residents.<SUP>[2]</SUP> The fuel efficiency of 300 mpg<SUB>-US</SUB> (0.78 L/100 km) when plugged in every 120 miles (190 km) would make it one of the most fuel-efficient cars in the world.<o:p></o:p>

Thrust SSC - 1227 km/h
<o:p></o:p>

مع العلم انه مع السرعه القصوى للعربيه بتكون اعلا مقاومه من الهوا و بالتالي بيزيد جدا معدل استهلاك الوقود<o:p></o:p>
كمان معامل مقاومه الهوا بيزداد بمعادله تربيعيه مع زياده السرعه ... وده سبب ان السرعه الاقتصاديه غالبا بتكون 90 ... اعلا غيار – اقل عدد دورات للموتور – مع انسب معادله مقاومه للهوا

<o:p></o:p>

ليه بنقول ان نقطه المياه هي افضل شكل انسيابي<o:p></o:p>

لسبب بسيط جدا ... المياه ملهاش شكل محدد و بالتالي اللي بيديها الشكل ده هو الهوا نفسه ... بمعنى ان الشكل ده هو محصله توازن القوى الطبيعيه الناتجه عن مقاومه الهوا لشكل النقطه ...او بمعنى ابسط ده اسهل شكل ينساب بيه الهوا على نقطه الميه ( اللي كان ممكن تبقى كوره مثلا او اي شكل مجعلص لولا وجود الهوا )<o:p></o:p>

<o:p></o:p>
بريوس .. عربيه تويوتا الهجين ... ومحاوله الوصول لافضل شكل انسيابي لعربيه تجاريه ... معامل الجر = 0.26
<o:p></o:p>

طيب ايه افضل شكل انسيابي في المجال الصناعي<o:p></o:p>

الصاروخ ....او طياره بدون اجنحه ... لان دور الاجنحه المناوره و الاتزان في الجو<o:p></o:p>
وبالتالي اسرع عربيه في العالم حنلاقي شكلها شبه الصاروخ علشان تقدر توصل لأقصى سرعه ممكنه<o:p></o:p>

<o:p></o:p>

<o:p></o:p>

و نوصل لنقطه تانيه ....
لما الشكل الانسيابي هو نقطه المياه او الصاروخ ... ليه العربيات السريعه و الرياضيه عليها سبويلرز<o:p></o:p>
نقطه مهمه جدا ....<o:p></o:p>

العربيات الرياضيه اشهرهم واسرعهم الفورميلا وان ....<o:p></o:p>

<o:p></o:p>

طيب لو قلنا ان عربيات الفورميلا وان من اقل العربيات في الانسيبابيه .... ومعامل الجر بيختلف من سباق للتاني حسب نوع السباق و اعداد العربيه.... وبيتراوح بين 0.7 و 1.1 ... يعني اعلا من العربيات العاديه و بيوصل لمعامل الجر للشاحنات !!!!!ptmnlo123per160<o:p> </o:p>

ومعنى كده ان العربيه مش حتحقق اقصى سرعه ممكنه ليها ...<o:p></o:p>
لسبب بسيط جدا .... ايه معنى انسيابيه العربيه اذا ماكانتش ثابته و متزنه على الطريق .... بقى عندك صاروخ و اول ملف حيكون راشق في اقرب حيطه ...<o:p></o:p>
فبيضحو بالانسيابيه المفرطه للوصول لاقصى ثبات .. وبالتالي يقدرو يلفو في المنحنيات بأقصى سرعه ممكنه<o:p></o:p>

وده يخلينا نوصل لفايده الاجنحه الموجوده في الفورميلا وان<o:p></o:p>

<o:p></o:p>

الاجنجه دي عامله زي اجنحه الطيارات ... بس معكوسه ... بمعنى ان جناح الطياره مصمم بحيث يعمل فرق ضغط فوق و اسفل الجناح و بالتالي تتولد قوه رفع ترفع الطياره في الجو .... لكن في عربيه الفورميلا وان ... الجناح ده معكوس ... علشان يحقق قوه ضغط سفليه (Down Force) تؤدي الي تماسك وثبات العربيه بالارض<o:p></o:p>

وبتوصل قوه ال Down Force او قوه الضغط لاسفل دي 3 مرات وزن العربيه ... يعني ايه<o:p></o:p>

يعني لو الطريق اتقلب و العربيه ماشيه عليه بسرعه كبيره ... قوه الdown force حتبقى اكتر من قوه الجاذبيه و العربيه مش حتقع ... وعلشان كده في مقوله بتقول ان العربيات دي تقدر تمشي على السقف... وفعلا الكلام ده في جانب كبير من الصحه طالما بتجري بسرعه كبيره وفي هوا .... قوه ضغط الهوا حتبقى اكبر من قوه الجاذبيه و تثبتها على الطريق حتى لو كان رأسي او مقلوب !!!!!

واسعه شويه ...
طيب فاكرين في الالعاب البهلوانيه لما يجيبو موتوسيكل جوه كوره و يقعد يلف في جميع الاتجاهات نتيجه قوه الطرد المركزي ... او في حلبات الناس كار في الملفات بيكون الطريق مايل اوي شبه رأسي لمقاومه الطرد المركزي .... تخيلو بقى لو قوه الضغط السفلي او ال(Down Force) بقت اكبر من قوه الطرد المركزي .... يبقى ساعتها العربيه ممكن تمشي بالشقلوب<o:p></o:p>

لسه واسعه ...<o:p></o:p>
يبقى لازم اجيب اقتباس بالعربي واضح و صريح<o:p></o:p>

من مقال عن سيارات الفورميلا وان من موقع فورميلاواحد :-<o:p></o:p>

على السيارة أن تحافظ على المعادلة الديناميكية الهوائية لتسير كما يجب. هذه المعادلة تعتمد على الإستفادة من ضغط الهواء لتضغط السيارة على المسار 3 مرات أكثر من الشكل الطبيعي. وبالتالي حتى ولو قلب المسار رأساً على عقب فإن سيارة الفورميلا-1 ستبقى معلقة بالمسار طالما هي محافظة على السرعة المناسبة.<o:p></o:p>

المصدر :- FormulaWahad.com<o:p></o:p>

وبالتالي الهدف الاول من السبويلرز و الاجنحه هو تحقيق الثبات عن طريق الضغط الناتج من قوه حركه الهوا على الاجنحه وبتزداد مع السرعه<o:p></o:p>

وفي عربيات السباقات السياحيه .. اللي بتبقى عربيات عاديه و عليها سبويلرز كتيره بيكون الهدف من السبويلرز السفليه تقليل الهوا تحت العربيه وبالتالي تقليل عمليه الرفع او ال (LIFT) .. وبالتالي زياده ال Down Force أو Ground Effect<o:p></o:p>

والسبويلرز العلويه ( الاجنحه ) تحقيق الضغط لاسفل او ال (Down Force)<o:p></o:p>

<o:p></o:p>

<o:p></o:p>

ولو مفيش سبويلر ايه اللي بيحصل ...<o:p></o:p>

العربيه لو بيعدي من تحتها هوا جامد ممكن يعمل عمليه رفع و مع السرعه يقل وزنها النسبي ( الوزن غير الكتله ) او بمعنى اصح يخف ضغطها على الطريق<o:p></o:p>

البيجو ال 504 كان الناس بيقولو انها خفيفه جدا مع السرعه لسببين :<o:p></o:p>

1- شكل العربيه شنطتها مايله اوي لتحت و بالتالي الهوا بينساب عليها بسهوله و مفيش قوه ضغط سفلي تذكر<o:p></o:p>
2- ارتفاع العربيه عن الارض مع السرعه بيبقى فيه هوا فوق و تحت العربيه و بالتالي بتبقى عامله زي جناح الطياره ( اكيد مش حتطير ) لكن الهوا اللي بيعدي من تحت العربيه بيعمل عمليه الرفع النسبي ويبقى وزن العربيه خفيف على الطريق لدرجه ان اي مطب صغير يرفعها في الهوا<o:p></o:p>

<o:p></o:p>
بيجو 504<o:p></o:p>

ليه دايما لما تقابلنا عربيه ثباتها ضعيف مع السرعات بنفكر اول حاجه في تغيير الكاوتش الاصلي بكاوتش عريض ..<o:p></o:p>
مع ان لو استخدمنا سبويلر مناسب ممكن يدي ثبات كويس للعربيه ...
لأن اغلب السبويلرز الموجوده لعربيات الانتاج التجاري بتكون شكل اكتر منها وظيفه او بتساعد بنسبه بسيطه على تحسين الثبات او مقاومه الجر حسب شكل الاسبويلر و مكانه ... وبالتالي فتأثير الجنوط العريضه افضل ..<o:p></o:p>

<o:p></o:p>

هو الموضوع نظريات علميه و قوانين فيزيا وكلام كبير ...
وطبعا الكلام ده فوق امكانياتي المتواضعهptmnlo123per1127
بس حبيت اشارككم في المعلومات اللي قدرت استوعبها على مدار السنين
وزي ما انا بسطتها لنفسي علشان افهمها حاولت ابسطها ليكم
لكن هو فعلا الموضوع اعمق من كده

اتمنى يكون موضوع مفيد ليكم وياريت اي حد عنده معلومه او اضافه او تصحيح .... يا ريت يشاركنا بيه ptmnlo123per122

[bmkbmk]

ما شاء الله يا باشا ,,, كل ده و مش دارس ولا متخصص
امال لو كنت متخصص كنت هاتكتب ايه

دا انت اكيد (قارى و دارس و مطلع)كمان بس انت مش راضى تقول

بجد تقرير ممتع و مفيد جدا جدا جدا .... تسلم ايدك عليه و شاكرين جزيل الشكر لمجهودك

[Semsem999999]

ماذا أقول بعد كل ما قد قيل ؟؟؟؟؟؟؟؟؟؟؟؟؟؟؟؟؟

والله يا سامح باشا إن بثبت كل يوم إنك نجم من نجوم مصر موتورز ، بصراحة موضوع علمي سيق جداااااااااااا

ألف ألف شكر .

[sam ram]

المشاركة الأصلية كتبت بواسطة bmkbmk ما شاء الله يا باشا ,,, كل ده و مش دارس ولا متخصص امال لو كنت متخصص كنت هاتكتب ايه دا انت اكيد (قارى و دارس و مطلع)كمان بس انت مش راضى تقول بجد تقرير ممتع و مفيد جدا جدا جدا .... تسلم ايدك عليه و شاكرين جزيل الشكر لمجهودك

ربنا يخليك يا بشمهندس محمد ...
فعلا الموضوع بعيد عن تخصصي خالص .... و تقريبا حاولت اقول كل المعلومات اللي اعرفها عنه ...
لحسن حد يفتكر اني جهبز و يديني سؤال معرفش ارد عليه ...ptmnlo123per1118
على العموم اللي عايز يسأل يسأل .. واي سؤال معرفوش بتصل بصديق ...نيسان باشا على طول ptmnlo123per1127
والعفو يا ريس ....المهم انه عجبك ... ودي كفايه

[sam ram]

المشاركة الأصلية كتبت بواسطة Semsem999999 ماذا أقول بعد كل ما قد قيل ؟؟؟؟؟؟؟؟؟؟؟؟؟؟؟؟؟ والله يا سامح باشا إن بثبت كل يوم إنك نجم من نجوم مصر موتورز ، بصراحة موضوع علمي سيق جداااااااااااا ألف ألف شكر .

ربنا يخليك يا اسلام باشا ... والله ردودكم و تشجيعكم ده هو اللي بيخلي الواحد يفكر و يدور و يسهر يعمل الموضوعات
يعني لو مكنتش اشارك الناس بمعلوماتي ابقى استفدت منها ايه !!!

بس مصر موتورز كلها نجوم ptmnlo123per122