كل واحد يقول احلي رحلة طلعها في حياته

[احمد على 1999]

دولفين أتتاك dolphen attack
الدولفينز الي واجهت مذابح صيد علي أيدي البشر و نجت لو واجهت بشر تاني بتقتلهم دون تردد انتقاما من الي شافته بيحصل لعشيرتها
طبعا قتل البشر سهل مع وزنه و سرعته بيخبط الانسان ببوزه في مقتل فيموت فورا
تخيلي بقي وسط اسراب و عارف المعلومة دي
تو ماتش ادريلارن

المشاركة الأصلية كتبت بواسطة mf86 للاسف يادكتورة اي رحله طلعتها كانت في السعوديه لاني رجعت من السعوديه علي الكليه الحربيه 3 سنين وبعدين علي السلوم سنتين وبعدين علي السودان سنة وبعدين رجعت هنا علي الثورة ..... نفسي والله اعمل رحله مع اتنين هنا مطلعين عيني تريقه علشان مش عارف اطولهم ولا يقعوا تحت ايدي بس مسيرهم هيقعوا هيقعوا

مين الاتنين دول يا محمد يا فاضل قولي بس عليهم ونا اجيبهملك متكتفين بس يا رب ميكونوش اللي في بالي هههههههههههههههههه

المشاركة الأصلية كتبت بواسطة احمد على 1999 دولفين أتتاك dolphen attack الدولفينز الي واجهت مذابح صيد علي أيدي البشر و نجت لو واجهت بشر تاني بتقتلهم دون تردد انتقاما من الي شافته بيحصل لعشيرتها طبعا قتل البشر سهل مع وزنه و سرعته بيخبط الانسان ببوزه في مقتل فيموت فورا تخيلي بقي وسط اسراب و عارف المعلومة دي تو ماتش ادريلارن

ينهار فحلقي وانا اللي كنت مستعد لو شوفت اي سرب دولفين هنط في الميه

[ayman goda]

داخل مصر الاقصر وسوان -
الغردقه 0-- وخارج مصر مكه المكرمه
اجمل رحلات العمر ونفسى اروح
معبد ابو سمبل

[نبيل عبدالرحمن]

موضوع جميل يا دكتورة هبه وفرصة حلوة عشان نشوف تجارب الآخرين فى الرحلات
بالنسبة لى أجمل الرحلات اللى طلعتها كتير وكل رحلة تتميز عن سابقتها بشئ وطبعاً رحلات العمرة والحج شئ لا يقارن لكنى سأحكى عن رحلة أو نقول مغامرة وقعت فيها أنا ومجموعة من زملائى رغماً عنا
كنا مسافرين لبعثة تعليمية مدتها 10 شهور فى ترسانة خيرسون لبناء السفن الموجودة بالقرب من ميناء أوديسا على البحر الأسود بأوكرانيا واللى كانت تابعة للإتحاد السوفيتى السابق
وركبنا من ميناء الإسكندرية سفينة ركاب روسية رائعة ووصلنا الى ميناء أوديسا بعد يومين وكان مفروض اننا هانركب الهيدروفيل وده زى اللنش بس بيطير على سطح الماء عشان يوصلنا لخيرسون وهى ميناء على نهر الدنيبر وأشهر مدينة فى انتاج الكافيار الروسى الأسود المعروف ونظراً لأننا كنا فى الشتاء والنهر متجمد تماماً فقرر مستقبلونا تجهيز سيارة أوتوبيس لنقلنا وهناك كانت المغامرة الكبرى ، الدنيا ليل وعتمة والأرض يكسوها الجليد ودرجة الحرارة -20 وفوجئنا بأن السواق تايه ومحدش عارف الطريق وأيامها مافيش موبايلات ولا غيرة ولا GBS وظل السائق يدور فى طريق كحل ومش شايفين أى حاجة وطلبنا من السواق التوقف حتى الصباح وحتى لا يستهلك البنزين فيقف موتور العربية وتقف عملية التدفئة كمان وتقف عندها قلوبنا وبقينا هكذا حتى الصباح حتى جاءت سيارات الشرطة للبحث عنا وسط أكوام الجليد التى تراكمت حولنا
وحمدنا الله على الوصول سالمين بعد أن ظننا أن هذه هى نهايتنا ، والى الآن لا أنسى هذه المغامرة بكل تفاصيلها حتى الآن