كل اللي نفسه في حاجة عن اللوجان يدخل هنا

[ringoo]

المشاركة الأصلية كتبت بواسطة mido-spicy ممكن الناس اللى معاها اللوجان تقولى ايه هى اكبر سرعه مشيت عليها باللوجان ؟

انا مشيت 170 على الصحراوى عادى ... النقلة الرابعة 150 ك / س 5500 ار بى ام .. طلقة ... وبعد كدة عيش حياتك مع الخامس لحد 190 ك/ س ودة اعلى سكور للوجان حتى الان ومش انا اللى جيبته

المشاركة الأصلية كتبت بواسطة mohammad nabil الله يبارك فيك و جزاك الله خيرا.. بالنسبة للأسعار للفل أوبشن و الهاف هل بتختلف من توكيل لآخر ؟ ولا السعر موحد؟ و لو بتختلف .. أين أجد أفضل مكان اشترى منه ( الشراء كاش إن شاء الله ) ؟

ربنا يوفقك ان شاء الله وربنا يباركلك فى السيارة الجديدة
بالنسبة للوجان فا اخر سعر ليها هو 68000 للنسخة الفل اوبشن ... 64000 للنسخة الهاف
مافيش فرق بين اى فرع للتوكيل السعر واحد اللى هو السعر الجديد
احسن واحد تشترى من عنده اللوجان هو معرض محمد زكى وهو موزع معتمد من رينو
ممكن تلاقى عنده لوجان بالسعر القديم بس فى الحالة دى حتكون من الدفعات القديمة والوان قليلة اوى اللى حتلاقيها دة اذا لاقيت اصلا وماتباعتش كلها
ونصيحة منى اشترى اللى الزايدة 1000 جنيه افضل لانك حتضطر تغير زيت فى اقرب صيانة حتى لو التوكيل قالك على 10 الاف كيلو ودة بسبب ان الزيت حيكون من فترة كبيرة وهو فى العربية .. ولاحظ ردى على المشاركة التانية فى هذه الجزئية حتفهم قصدى اكتر

المشاركة الأصلية كتبت بواسطة mahmoud desouky سلام عليكم يا جماعه هو موضوع السخونه دخ بقا عيب فى اللوجان ولا بيتحل فى التوكيل يعنى عيب شائع؟ وشكرا وربنا يباركم لك فى لوجى الجميله

بص يا سيدى حقولك على كل اللى حصل
فى الدفعات الاولى للوجان ظهر فيها ملاحظتين
اول ملاحظة اللى هى سخونة بجانب دواسة البنزين تظهر فى الحر لانها مش سخونة جامدة
سبب السخونة مش عيب فى العربية محتاج علاج لأ ... سبب السخونة هى مواسير التكييف الساخن كانت بتمر بجانب هذه الفتحة بجانب دواسة البنزين
فى ناس شعرت بيها وناس لم تعطى اى اهتمام وانا منهم لانى مش حاسس بيها ... اللى حصل فى التوكيل انهم بيركبوا عازل حرارى على هذه الفتحة واللى حاسس بالسخونة دى بينتهى عنده هذا الاحساس .. بس خلاص مافيش سخونة
................
تانى ملحوظة كانت عضة بالمارشدير ودى انا لاحظتها كتير مش بس فى اللوجان لأ فى عربيات كتير بانواع مختلفة
اى توكيل فى مصر بيقولك على قاعدة ال 3 ثوانى للمارشدير وان لازم العربية تقف تماما حتى تعطى نقلة الريفيرز
ومع ذلك توكيل رينو حل الموضوع بهدوء تام ... واتركب جزء اسمه مجموعة البريك او مجموعة الخامس وانتهت الملحوظة ومافيش عضة الا طبعا لو اديت النقلة والعربية بتتحرك للامام ودة طبعا غلط جدا
......................... ....
ايه دة ... طيب انا حشترى العربية ولسة ححل الملاحظات دى ... حقولك لأ
تم تلافى هذه الملاحظات فى الدفعات الجديدة ولم يشعر بها احد من المستلمين الجدد من حوالى 4 اشهر ولا يعرفوا شيئا عن هذه الملاحظات والان لا يوجد اى اثر لهذه الملاحظات لانها اختفت سواء فى الصيانة او سواء تلافيها بمصنع السيارة .. ولا تقلق

[akerima]

المشاركة الأصلية كتبت بواسطة ringoo اولا الف مبروك على العربية اى كانت نوعها ... انا معايا العربية من 8 شهور وعامل 12000 كيلو لو اتكلمنا عن الفيرنا شوية فهى عربية جيدة ... اكبر مميزاتها توافر قطع الغيار خارج التوكيل وباسعار منافسة جدا الفيرنا تتميز عن اللوجان فى قوة الماتور او القدرة الحصانية 106 حصان و 90 حصان للوجان ......................... .............. طيب لو اتكلمنا عن اللوجان ومميزاتها اللى بتتميز بيها عن الفيرنا الوسع الداخلى للصالون فى صالح اللوجان بمراحل خاصتا فى المقاعد الخلفية اللوجان اثبت من الفيرنا على الطرق السريعة .... بالاضافة الى الفرامل القوية والتى يتم التحكم في قوتها بسهولة عوامل الامان فى صالح الللوجان حيث تحتوى على اير باج للنسخة الفل اوبشن بالاضافة لاجتياز اختبارات السلامة الاوروبية وحصولها على 3 نجوم من اصل خمسة عفشة اللوجان انعم وتمتص تضاريس الطريق ولا تنقلها الى المقصورة بشكل جيد استهلاك البنزين فى صالح اللوجان التوكيل والضمان فى صالح اللوجان ......................... ................. اللوجان باختصار عربية عائلية بنت حلال مع توكيل قوى لا يتاخر فى استخدام الضمان فى صالح العميل وصيانتها باسعار مقبولة وكل 5000 كيلو صيانة مجانية شكل احدث .. مع راحة بال فى الصيانة بعيد عن الميكانيكية ووجع القلب معاهم ... العربية بتستلمها استوك بمعنى انك مش محتاج لما تستلمها ولا تغير كاوتش ولا تركب جنوط ولا اى حاجة واخيرا استخير ربنا و ان شاء الله يوفقك لما فيه الخير

بعد اذن الاخ رينجو انا كمان بضيف العلو عن الارض الي بيديك امان كبير خصوصا لو في مدينتك مطبات صناعي كتير زي الي عندنا في اسكندرية حتي لو العربية مليانة ناس وكمبيوتر الرحلات ودة اوبشن مش قليل وبما اني من ركاب الفيرنا سابقا الميزة الكبيرة في اللوجان ان عمر ما كوعك حيخبط في دراع اللي جنبك عشان مشاء الله مابنكو شارع

[mahmoud desouky]

المشاركة الأصلية كتبت بواسطة ringoo انا مشيت 170 على الصحراوى عادى ... النقلة الرابعة 150 ك / س 5500 ار بى ام .. طلقة ... وبعد كدة عيش حياتك مع الخامس لحد 190 ك/ س ودة اعلى سكور للوجان حتى الان ومش انا اللى جيبته ربنا يوفقك ان شاء الله وربنا يباركلك فى السيارة الجديدة بالنسبة للوجان فا اخر سعر ليها هو 68000 للنسخة الفل اوبشن ... 64000 للنسخة الهاف مافيش فرق بين اى فرع للتوكيل السعر واحد اللى هو السعر الجديد احسن واحد تشترى من عنده اللوجان هو معرض محمد زكى وهو موزع معتمد من رينو ممكن تلاقى عنده لوجان بالسعر القديم بس فى الحالة دى حتكون من الدفعات القديمة والوان قليلة اوى اللى حتلاقيها دة اذا لاقيت اصلا وماتباعتش كلها ونصيحة منى اشترى اللى الزايدة 1000 جنيه افضل لانك حتضطر تغير زيت فى اقرب صيانة حتى لو التوكيل قالك على 10 الاف كيلو ودة بسبب ان الزيت حيكون من فترة كبيرة وهو فى العربية .. ولاحظ ردى على المشاركة التانية فى هذه الجزئية حتفهم قصدى اكتر بص يا سيدى حقولك على كل اللى حصل فى الدفعات الاولى للوجان ظهر فيها ملاحظتين اول ملاحظة اللى هى سخونة بجانب دواسة البنزين تظهر فى الحر لانها مش سخونة جامدة سبب السخونة مش عيب فى العربية محتاج علاج لأ ... سبب السخونة هى مواسير التكييف الساخن كانت بتمر بجانب هذه الفتحة بجانب دواسة البنزين فى ناس شعرت بيها وناس لم تعطى اى اهتمام وانا منهم لانى مش حاسس بيها ... اللى حصل فى التوكيل انهم بيركبوا عازل حرارى على هذه الفتحة واللى حاسس بالسخونة دى بينتهى عنده هذا الاحساس .. بس خلاص مافيش سخونة ................ تانى ملحوظة كانت عضة بالمارشدير ودى انا لاحظتها كتير مش بس فى اللوجان لأ فى عربيات كتير بانواع مختلفة اى توكيل فى مصر بيقولك على قاعدة ال 3 ثوانى للمارشدير وان لازم العربية تقف تماما حتى تعطى نقلة الريفيرز ومع ذلك توكيل رينو حل الموضوع بهدوء تام ... واتركب جزء اسمه مجموعة البريك او مجموعة الخامس وانتهت الملحوظة ومافيش عضة الا طبعا لو اديت النقلة والعربية بتتحرك للامام ودة طبعا غلط جدا ......................... .... ايه دة ... طيب انا حشترى العربية ولسة ححل الملاحظات دى ... حقولك لأ تم تلافى هذه الملاحظات فى الدفعات الجديدة ولم يشعر بها احد من المستلمين الجدد من حوالى 4 اشهر ولا يعرفوا شيئا عن هذه الملاحظات والان لا يوجد اى اثر لهذه الملاحظات لانها اختفت سواء فى الصيانة او سواء تلافيها بمصنع السيارة .. ولا تقلق

مشكوووووووووور مستر رينجو وربنا يبارك فى لوجى الجميله

[waleed_es]

عندى سؤال بالنسبة لكمبيوتر الرحلات، ازاى اصفر الارقام مع بداية الرحلة ؟ ولا الموضوع بيتم تلقائى من أول العربية ما تدور وتتحرك ؟؟؟

[ringoo]

المشاركة الأصلية كتبت بواسطة waleed_es عندى سؤال بالنسبة لكمبيوتر الرحلات، ازاى اصفر الارقام مع بداية الرحلة ؟ ولا الموضوع بيتم تلقائى من أول العربية ما تدور وتتحرك ؟؟؟

اول قائمة مش بتتصفر ودة عدد الكيلوات المقطوعة فى عمر العربية كله وزرار التصفير هنا بيستخدم لظبط الساعة
تانى قائمة بتتصفر هى بس لو جيبت القائمة وضغطت ضغطة طويلة على الزر الموجود فى لوحة العدادات ... القائمة دى بس حتتصفر وهى دى القائمة المقصودة
بس باقى القوائم مش حتتصفر لازم تروح على اى قائمة غير الاولى والتانية علشان كله يتصفر باستخدام ضغطة طويلة على نفس الزر
وربنا يباركلك فيها ويعطيك خيرها ويكفيك شرها