عداد الحرارة فى الفيرنا لا يعمل

[سيداحمد]

الاخ الفاضلlawyer9 فعلا ساعة الترموستات هى ساعة الحراره وطالع منها 3سلوك واحد ارضى وواحد للمراوح وواحد لعداد الحراره لكن احذرك من ان تحاول انك تعمل اى تجربه بسلك كهربه مع الارضى الاسود علشان ده واصل مباشر مع كمبيوتر السياره اللى تحت الدريكسيون وفى اغلب الاحيان بتبقى المراوح شغاله ومنطقة امبير الحراره باظت طيب دلوقتى احناعاوزين نتاكد هل ساعة الحراره هى اللى باظت ولا الامبير نفسه لو فيه واحد صاحبك قوى حاول تفك العدادات من عنده وركبها عندك ودى اسهل مايكون بتفك مسمارين فوق العدادات وبتطلع الفيبرا السوده اللى حول العدادات من فوق الاول ثم تضغط من جوه لبره علشان تطلع من الكلبس هتلاقى بعدكده 4مسامير صليبه تفكهم هتلاقى المجموعه بقت فى ايدك انزع الفيشتين اللى ورا وخلاص كده وركب التانى وافتح الكونتاك وجرب اما لو اشتريت ساعه جربها قبل ماتركبها طيب ازاى هاتجيب مياه سخنه بتغلى قوي وتوصل الساعه اللى فى ايدك بره بالفيشه الثلاثيه اللى طالعه من الترموستات وتربط الساعه نفسها بسلك وتوصله مع ارضى البطاريه وتحط الساعه فى الميه المغليه مع فتح الكونتاك ولاحظ امبير الحراره 01118566463

[memodina1]

استاذى معلش فى حاجات برة تتعمل وحاجات التوكيل اللى يعرفها تتعمل عندة حتى لو كلفت اسف على ردى التوكيل هو الفيصل واحسن توكيل هيونداى فى السويس طريق اسماعيلية الصحراوى لو عايز روح من غير حجز ممكن يعملها بس ورية انك مش من السويس وجاى ضرورى وعمتا الرقم ااه
01005185909

[احمد على 1999]

الصراحة الاستاذ سيد احمد جاب من الاخر
انا كنت سألتك هى كام طرف و مستنى الاجابة و طالما 3 تبقى فعلا فيها طرف بيدى العداد لان العادية 2 فقط و العداد ليه صوبع على المانيفولد بطرف واحد

[lawyer9]

الأستاذ سيد أحمد بجد بدون اى مجامله انتا أستاااااااااااااااااااااا ااذ
بمعنى الكلمه شرحت شرح مفصل ومبسط لكل شئ كأنك كنت معايه عند الكهربائى
فعلا عاجز عن الشكر

[lawyer9]

الأستاذ أحمد على مسبتنيش لغايه ما اتحلت بقلب صادق
كل الشكر ليه فأنت أخ وصديق تشرفت فعلا بمعرفتك