ابداء الراى فى عمرة كاملة لسيارة نيفا موديل 1983

[adamalex]

انا تاكدت من الفاتورة فرش دبرياج مش ترس دبرياج

[عبد الرحمن دهب]

مبروك على العمرة
ربنا يباركلك فيها
ويعل الخير فيها
ونسائل الله ان يكفيك شرها
والاسعار معقولة
مبارك ان شاء الله

[Hisham.Elgazzar]

ماشاء الله الأسعار كلها زى الفل الف مبروك تدوبها ف الخير
الخراط ع الشغل ده بياخود 900
المكنيكى ع الشغل ده بياخد 700
قطع الغيار بعضها برخص التراب وقليل منها أغلى 10% او 20% تم تعويضها ف المصنعيات

يللا عقبال السمكرة والدوكو والكهربا والتكييف

[محمد حسن عبد الرحمن]

الف الف مبروك على العمرة وربنا يديك خيرها ويبعد عنك شرها اهم حاجة التليين ثم التليين لين برحتك تحت البيت لو الجو حار دورها اول ما الجو يطرى على الساعة 5 او 6 وأحرق بنزين على اد ما تقدر وفكك من اللى يقولك احرق صفيحة ولا صفيحة ونصف احرق لغاية لما تزهق بعد كده اديه مشوار حلو 50 الى 60 متزودش السرعة عن 60 ومتخليش صوت الموتور يعلى او الأر بى ام يوصل لعدد لفات عالية خليك ما بين 1500 لفة الى 2000 لفة كحد اقصى تجنب صعود المطالع الجامدة وتحميل السيارة باوزان كبيرة على الأقل خلال الـ 1000 كيلو الأولى وتمشيش بالعربية فى زحمة وفى خلال اول 200 او 300 كيلو هتسقط الزيت والفلتر بعد الالف كيلو سقطهم تانى ومعهم فلتر تانى وأدعيلى.

أخوك محمد
ملحوظة:
سعر الأسطوانة والديسك رخيص هو نوعهم اية.

[adamalex]

اشكركم على الاهتمام بالرد طبعا بالنسبة للتلين انا لم الين العربية انا عملت العمرة فى الاسكندرية وطلعت بها على القاهرة دوغرى واخدت مشوار القاهرة الاسكندرية فى نفس اسبوع التلين حوالى 4 مرات رايح جاى القاهرة الاسكندرية لانى اصلا من الاسكندرية وعملى فى القاهرة . ولكن العربية النيفا بسم الله ماشاءالله عليها . هى عربية ملومة فى مصر وماحوذ عنها فكرة غير سليمة بالرغم من انى كنت فى السعودية فترة طويلة وركبت كل العربيات الجيب بانواعها الا انا النيفا على قد افتقارها للكماليات الاانها حمارة شغل بحق وهى على اد فلوسها وقطع غيارها الرخيصة الاانها رائعة الاداء وخاصة فى المطبات . على فكرة الاسطوانة والديسك ايطالى