اية اكتر حاجة ممكن تستفزك وانت سايق؟؟

[محمد حسن عبد الرحمن]

السلام عليكم وكل عام وحضرتكو بكل خير وكل الأمة الأسلامية
انا بقى وأعوذ باللة من قولت أنا ممكن أفوت حاجات كتير من اللى الناس بتعملو معايا الا حاجة واحدة واحد يولع النور العالى ويرزعة ليا فى المراية وأتعمى بقى علشان تعديه حتى لو السكة مش سمحة انك تعدية أو يولعة فى عينيك علشان يعميك ويلبسك فى أى حاجة الكلام ده لما يبقى ورايا واللى بيحصل كالاتى:
1- بوسعله السكة.
2- وسعتله ومرديش يعدى بخلية يشد معايا ولبسه فى أقرب سيارة والأغلبية بلبسة فى أتوبيس عربية نقل المهم انو هو اللى يزعل بس.
من كام يوم بشارع قناة السويس بالإسكندرية جيب شيروكى وحطط فوانيس شبورة ياما جدا بطريقة بيخة ومنور النور العالى طلبت منه بايدى انو يطفى النور مطفهوش والسكة مش مسعدة أنى أوسعله وطلبت منه لتانى مرة يطفى النور ولا طفه لما السكة فتحت وجريت كنت بالسيارة لادا 2106 بسرعة 60 كيلو متر بالساعة وهو فاتح ورايا وبردة مولع النور العالى فجاءة أنا وبدون سابق أنذار من كثرة حنقى دوسة فرامل خطر علشان يلبس فيا من وره علشان أخليه يصلحه وأطلب معاينة واقراف ... اللى جاب.... علشان يحرم الحمد لله فادنى وزعقت شوية معاها بس بأحترام وحرقت لها دمه شوية وسبته دلوقتى وأنا على كورنيش الإسكندرية وأنا ماشى بعد الشاطبى ورايح على سان ستيفانو وماشى فى الحارة الشمال وأحد طالع من شارع جانبى من اليمين الى أقصى الشمال ففاديته وكان هيلبسنى فى الجزيرة لولا أردة الله ومعتذرش ولا حتى قال أسف اتكلت على الله وراءه وبشد علشان أجيبه وأتكت أنتظار علشان أنا كنت ناوى اعمل معاه مصيبة وكنت عايز أنبه الناس اللى ورايا علشان يخليلهم ليخبطو فينا هو شافنى وأنا جاى لقيته فتح زجاج السيارة وبيعتذر ليا أقسم بالله العظيم انا كنت ناوى والنية لله أنى البسة فى حوالى خمس عربيات وبعد كده أطلعه على الرصيف ولبسة فى عامود نور والحمد لله أمتصت غضبى لما أعتذر ربنا يبعدنا عن الشر الحمد لله أسف أنى طولت عليكم بس انا كنت مضايق دلوقتى ولما تكلمت مع حضراتكم هديت الحمد لله.

أخوكم محمد

[almohaor]

السلام عليكم ورحمة الله وبركاته

كل عام والجميع بخير

انا اللى باضايق منه هو انك وانت ماشى بالعربية فى شارع ضيق تلاقى واحد راكن بعربيته وفجأة يفتح باب السائق بدون مايشوف اللى جاى وراه اتكررت معايا مرتين ولولا ستر ربنا كان ممكن اطيره هو والباب حته واحدة
والله واحد منهم عمل الحكاية دىوانا فرملت يدوبك ووقفت بينى وبينه نصف متر
ولكنه كان فى الطراوة ولاهو هنا.. مشى بدون اعتذار ولا حتى بص ناحيتى


الحاجة التانية كثرة المطبات
كل يوم تتولد مطبات جديدة فى شوارع السويس
عمال على بطال جميع الاشكال اللى عالى واللى واطى واللى عريض واللى بقتب
واللى مزدوج حاجة تقرف واللى يغيظك انها على مسافات قريبة

السويس بقت مشهورة ببلد المطبات يمكن عشان عندنا شركات بترول كتيرة
والاسفلت كتير عندنا والاخطر انك تكتشفها فجأة وانت ماشى بالليل اتزرعت امتى الله اعلم


تالت حاجة بايخة وخطيرة سواقين الاجرة والميكروباص وبخاصة التاكسى
منتهى الاستهتار تلاقى الواحد بيحدف عليك ويرمى نفسه امامك وبخاصة عند المفارق
بدون سابق انذار يعنى رمى جتت ولو واحد على قده فى السواقة ممكن يرتبك ويعمل حادثة


رابع حاجة الافندية اللى بيتكلم فى الهاتف وماسك الدركسيبون بايد واحدة وبياخد ملف
دوران وممكن يفقد السيطرة على السيارة لاقل هفوة


كمان اللى ماشى بالسيارة وتلاقيه عمال يرمى فى زبالته من الشباك
وانت وحظك عقب سيجارة مولعه او يبصق من الشباك او قشر موز او برتقال او شنطة بها فضلات اكل الخ
سلوك سىء وغير حضارى والله يصدر عن راكب سيارات فارهة


اما الموتسيكلات اعوذ بالله منها لسه من شهر تلاتة راكبين موتوسيكل وانا ماشى فى امان الله
وماسك شمال وعن يمينى ميكروباص والاقى الموتوسيكل يعترض طريقى جاى من اقصى اليمين
من امام الميكروباص فى محاولة لعبور الطريق بالعرض لللاتجاه العكسى رغم وجود جزيرة فى الوسط لاتسمح بمروره
وهوب رحت مفرمل يدوبك لمستهم بوش العربية ووقعوا على الارض
امام السيارة وكانت النتيجة خبطات وانبعاج لمقدمة لكبوت السيارة فى
عدة مواضع والسيارة لسه جديدة
وهم ولاخدش لافيهم ولا فى الموتوسيكل
حسبى الله وننعم الوكيل استعوضت امرى لله
وكمان قلة ادب منهم ولا كانهم غلطانين

المفروض عمل حملاتو مراجعة رخص الموتوسيكلات لان اغلب سائقيها
بدون رخص وشوية عيال بيسوقوها والمرور ولا هو هنا من اصله


قلة الادب والذوق تتمثل ايضا انك ماش فى شارع اتجاهين بدون جزيرة وخلاص انت قربت على المفارق ووراك طابور من السياررات ولايسمح الا بمرور صف واحد علشان العربيات اللى راكنة فى الشارع تلاقى واحد غتت دخل قدامك وسد الشارع وموش عايز يرجع ليفتح الطريق لك و ولطابورالسيارات التى وراءك وكانه سايق عربية كارو وطز فى قواعد المرور واللى عمله كمان

موش عارف ايه اللى جرى لاخلاق الناس

[basosi]

المشاركة الأصلية كتبت بواسطة almohaor السلام عليكم ورحمة الله وبركاته كل عام والجميع بخير انا اللى باضايق منه هو انك وانت ماشى بالعربية فى شارع ضيق تلاقى واحد راكن بعربيته وفجأة يفتح باب السائق بدون مايشوف اللى جاى وراه اتكررت معايا مرتين ولولا ستر ربنا كان ممكن اطيره هو والباب حته واحدة والله واحد منهم عمل الحكاية دىوانا فرملت يدوبك ووقفت بينى وبينه نصف متر ولكنه كان فى الطراوة ولاهو هنا.. مشى بدون اعتذار ولا حتى بص ناحيتى الحاجة التانية كثرة المطبات كل يوم تتولد مطبات جديدة فى شوارع السويس عمال على بطال جميع الاشكال اللى عالى واللى واطى واللى عريض واللى بقتب واللى مزدوج حاجة تقرف واللى يغيظك انها على مسافات قريبة السويس بقت مشهورة ببلد المطبات يمكن عشان عندنا شركات بترول كتيرة والاسفلت كتير عندنا والاخطر انك تكتشفها فجأة وانت ماشى بالليل اتزرعت امتى الله اعلم تالت حاجة بايخة وخطيرة سواقين الاجرة والميكروباص وبخاصة التاكسى منتهى الاستهتار تلاقى الواحد بيحدف عليك ويرمى نفسه امامك وبخاصة عند المفارق بدون سابق انذار يعنى رمى جتت ولو واحد على قده فى السواقة ممكن يرتبك ويعمل حادثة رابع حاجة الافندية اللى بيتكلم فى الهاتف وماسك الدركسيبون بايد واحدة وبياخد ملف دوران وممكن يفقد السيطرة على السيارة لاقل هفوة كمان اللى ماشى بالسيارة وتلاقيه عمال يرمى فى زبالته من الشباك وانت وحظك عقب سيجارة مولعه او يبصق من الشباك او قشر موز او برتقال او شنطة بها فضلات اكل الخ سلوك سىء وغير حضارى والله يصدر عن راكب سيارات فارهة اما الموتسيكلات اعوذ بالله منها لسه من شهر تلاتة راكبين موتوسيكل وانا ماشى فى امان الله وماسك شمال وعن يمينى ميكروباص والاقى الموتوسيكل يعترض طريقى جاى من اقصى اليمين من امام الميكروباص فى محاولة لعبور الطريق بالعرض لللاتجاه العكسى رغم وجود جزيرة فى الوسط لاتسمح بمروره وهوب رحت مفرمل يدوبك لمستهم بوش العربية ووقعوا على الارض امام السيارة وكانت النتيجة خبطات وانبعاج لمقدمة لكبوت السيارة فى عدة مواضع والسيارة لسه جديدة وهم ولاخدش لافيهم ولا فى الموتوسيكل حسبى الله وننعم الوكيل استعوضت امرى لله وكمان قلة ادب منهم ولا كانهم غلطانين المفروض عمل حملاتو مراجعة رخص الموتوسيكلات لان اغلب سائقيها بدون رخص وشوية عيال بيسوقوها والمرور ولا هو هنا من اصله قلة الادب والذوق تتمثل ايضا انك ماش فى شارع اتجاهين بدون جزيرة وخلاص انت قربت على المفارق ووراك طابور من السياررات ولايسمح الا بمرور صف واحد علشان العربيات اللى راكنة فى الشارع تلاقى واحد غتت دخل قدامك وسد الشارع وموش عايز يرجع ليفتح الطريق لك و ولطابورالسيارات التى وراءك وكانه سايق عربية كارو وطز فى قواعد المرور واللى عمله كمان موش عارف ايه اللى جرى لاخلاق الناس

السويس بلد جميلة بس عايزة محافظ يظبط الطرق فيها وفعلا مافيش شارع متسفلت بشكل كويس الا الحته اللي عند المثلث وبعد الاربعين لحد الكورنيش وبورتوفيق حتى الكورنيش القديم عوز يتظبط برضوا
ان شاء الله في عهد محمد مرسي كل ده يتحسن

[yaghmor]

ان حد يفترى علية لما يلاقينى بنت ويظلمنى ويفضل يخوفنى لما عربيتة الاقيها لازقة في عربيتى وابعد ولاقية مستقصدنى وكل دة عالطريق وكان مافيش غيرة ربنا يهدى

[akerima]

السواقة في مصر كلها استفزاز بس انا من النوع اللي بارد جدا في السواقة بجري وبشد بس مس سهل حد ينرفزني الحمد لله

بس بجد اكتر حاجات تخليني ابقي شايط في العربية

1- اما اجي ماشي ورا اتنين ماشين بنفس السرعة وابقي عايز اعديهم ومحدش فيهم يرضي يفتحلي طريق وان حد فيهم خلي عند اهلة دم وعداني الاقي التاني بيشد عشان يقفل الكام سنتي اللي اداهملي زميلة اعدي - اكنه يا اخي مستخسرهم في

2- اما يبقي حد جاي في وشي والشارع اتجاه واحد - يعني جاي مخالف - وبكل براده عمال يقلبلي في نور ببقي عايز اخش فيه بوش العربية واخلص منه

3- اللي جايه دي بقي الليلة الكبيرة