السيارات الصيني. . . .لمـــاذا

[فادى]

اخوانى احب ان نتكلم بموضوعية انا جايب لكم بعض الحوادث لسيارات عالمية اين هى عوامل الامان بانسبة اهذة السيارات بس احنا نسمع سيرة السيارات الصينية نتكلم عن السمع فقط وليس عن تجربة

اختبارات الأمان تجرى على سرعة 60 كم/ساعة و يتم صدم السيارة بحاجز خرسانى ثابت, و لا يمكن فى كل الأحوال ضمان الأمان داخل السيارة على سرعة 120 كم/ساعة مثلا لدى الاصطدام بحاجز ثابت أو حتى متحرك, لأن العلم حتى الأن لم يتوصل الى مادة تستطيع الصمود أمام هذه الطاقة الكبيرة.
لكن حتى مستوى الامان هذا لم تبلغه السيارات الصينية, (و الكثير من الكورية أيضا), و لاحظ أيضا أن مستوى التدمير الذى لحق بالسيارة لا يعنى أنها غير أمنة, فالمهم هو حالة المقصورة, بل و انه فى احيان كثيرة يكون هذا التدمير مقصودا كانهيار وقائى لسحب طاقة الاصطدام عن الركاب.

[wawoo]

المشاركة الأصلية كتبت بواسطة oldman اخوانى احب ان نتكلم بموضوعية انا جايب لكم بعض الحوادث لسيارات عالمية اين هى عوامل الامان بانسبة اهذة السيارات بس احنا نسمع سيرة السيارات الصينية نتكلم عن السمع فقط وليس عن تجربة

يا سيدى الفاضل عوامل الامان ليها موصفات خاصة , و فى مؤسسات متخصصة فى الخارج بتقيس عوامل الامن بالنسبة لكل سيارة حسب موصفات كل مؤسسة .

مش معنى انت جمعت شوية صور لمركات عالمية عملت حوادث , ان عوامل الان مفقودة فيها , كل حادث لة ظروفة , و اهم حاجة فى عوامل الامان ان راكب السيارة يخرج منها باقل الخسائر البشرية الممكنة , و دى حاجة مش ظهارة للاسف عند حضرتك فى الصور .
يعنى ممكن العربية تتبهدل من جميع الجهات لكن يخرج منها الراكب سليم .

انما السيارات الصينية دى تفتقر لكل عوامل الامان , و دة مش كلامى و لا كلامك اللى بيحددو , دة بيحددو الاختبرات اللى بتتعمل .و عوامل الامان مش حزام و اير باج بس , دة عوامل الامن بتدخل فى التصميم الاصلى للسيارة , و فى التصنيع بعد ذلك .
يعنى انت بالنظر كدة مش حتعرف امان السيارة دى اد اية بالضبط الا لما يتعمل ليها اختبار ,
و السيارات الصينية معظمها فشل فى كل اختبرات الامان .

فشل لية لان صناعة السيارت الصينية تعتمد على المنظر بس و ليس لديها اى خبرة بالتصميمات الحقيقية اللى تزود عوامل الامان , و دى حاجة بتاخد سنين من الخبرة مش حتجى فى يوم ولليلة كدة .
عشان كدة المثل الشعبى بيقولك الغالى ثمنة فية , لانة مش غالى كدة منظرة و ماركة وخلاص ,لا انت بتشترى خبرة سنين و تجارب سنين , الموضوع مش جهجهونى زى ما هو ماشى عندنا كدة.

و فعلا اسماء كتير من اللى انت زكرتها ممكن تكون مش صينى و تفتقر برضو لعوامل الامان .

يبقى الحل لو حضرتك مهتم بعوامل الامان , انك تبحث عن تقديرات الامان للسيارة الجديدة اللى انت عاوز تجبها قبل ما تجبها , و تشوف التقديرات دى مناسبة ليك ولا لاء .
, لان لازم تاخد بالاسباب فى حماية نفسك و الحفاظ عليها , و القدر دة بيد اللة انا و انت ملناش دخل فية , و القرار ليك فى النهاية .

[ShekeeS]

شكرا جدا على المعلومات الهامة جدا دى ..... و بجد عرفتلى معلومات مكنتش اعرفة بالدرجة دى

[ihabyahia]

[

أنا سوف أتكلم هنا مقتبساً مشاركة سابقة لى و هى عن الصناعة الصينية

أخاطب فيها الجميع و بالأخص للسادة المهندسين دعونى أوجه إهتمامكم بطريقة تتبعها الصناعة الصينية و هو إتجاه جديد و لكنه ليس حديث العهد بالهندسة و هو الهندسة القيمية value engineering

و الهندسة القيمية value engineering بإختصار يأتى دوره بعد إتمام التصميم الهندسى و وضع تصور كامل للتكاليف

و الغرض من الهندسة القيمية تحقيق الهدف من الشىء المراد إنشاؤه حيث أن معطياته هى:
السعر السوقى التنافسى و التصميم و التكاليف التصورية و التكاليف السوقية( لكل شىء و لا يغفل حتى أصغر صامولة )
و نتائجه هى الوصول بالمنتج إلى أقل سعر مع الإحتفاظ بالجودة التى يطلبها العميل

و الجودة تعنى مواصفات و سوق مثلا السوق هنا هو السوق المصرى و نعلم جيداً أنه يفتقر إلى المواصفات الجيدة و تكون دائماً على مزاج المستورد
و هو ده اللى إكتشفه الصينيون و نجحوا فيه و لم يستغله الكثير من المستوردين المصريين فكم من مستورد دخل السوق المصرى و لم يستمر

لذلك نجحت موديلات صينية بسبب نجاح الفكر الهندسى لمستورديها و فشلت موديلات أخرى بسبب التركيز على جانب جنى الأرباح بدون عمل الفكر الهندسى

فنصيحتى دائماً فى السوق المصرية لا تهتم بأقوال الصحف
إدرس المستورد جيداً قبل دراستك للسيارة فكم من السيارات غير الصينية المنشأ لها مكونات للسوق المصرية مختلفة تماماً عن أسواق الخليج و أوروبا

[islam_galal]

باشمهندس إيهاب

مع احترامي لكلامك لكن لي تحفظات كثيرة عليه
أي تصميم لأي سيارة حتي الصيني واحد لكل المستهلكين و يختلف في الكماليات أو سعة الموتور أو بمعني أدق الملحقات و هو كل ما يتم إلحاقة بالشاسيه و الهيكل الخارجي و هو العنصر الأساسي في تحديد مقدار الأمان
يعني لو ميتسوبيشي لانسر مثلا : و أنا المصنع (يا رب) حانزل لانسر للصين و لمصر و لأمريكا و للسعودية
في الصين أضيف ABS و زجاج كهرباء
في السعودية : كاسيت أشيك و تكييف تصميمه مختلف و تظام تبريد أقوي و كل أنظمة الأمان و الكماليات الشكلية
في أمريكا: كل أنظمة الأمان
في مصر : أهم حاقلل علي قد ما أقدر من كل حاجة
لكن فيهم كلهم نفس الشاسية و الهيكل

دي أسس صناعه و تصميم و لا يجوز الحياد عنها

الصيني لا تضع تصميمات الأمان في محاولتها حاليا و ده طبيعي لأن مراعاة الأمان و اثباته للسيارات مكلف جدا سواء مال أو وقت

مع النجاح الحالي للصيني و هو مخطط بذكاء و حقق الهدف منه ستبدأ إن آجلا أو عاجلا صناعة حقيقية للسيارات الصينية غير معتمدة علي التقليد و الذي حتي لاينطبق عليه اسم الهندسة العكسية حاليا

و حينها سأكون أول المدافعين عن الصيني أما الآن فلا
إحنا لسة في البداية و في بوادر نجاح و لو استمروا حيكسروا الدنيا ، بس ده في المستقبل