الكتكوتة (Shanguan Noble)

[بدر بسيونى]

المشاركة الأصلية كتبت بواسطة toto11 صحيح ممكن تفيدنا وتقولنا اخبارها ايه من حيث الثبات عند السرعات العالية واعلى سرعة مشيت بيها قد ايه واخبار الصيانة وقطع الغيار والتوكيل عامل معاه ايه كويس يعنى فى صيانته الدورية واشترتها بكام وموديل ايه وحاجات كتييييير ممكن تحكى لنا عليها يعنى نيتفيد من خبرتك معاها

وانا بضم صوتى لصوتك وياريت مانبخلش على بعض حتى تعم الافادة

[rabea34]

والله لو اقتصادية فى البنزين تكون مش بطالة

[toto11]

هو صاحب العربية اختفى ولا ايه
احنا عايزين نعرف عاملة معاه ايه دلوقتى اصل التوكيل الصينى ده منزل عربية جديدة اسمها فيتا شكلها تحفة زى الجيتز بالظبط فى حجمها وكمان سعرها حكاية فكنا عايزين حد يقولنا اخبار العربية الصينى "الكتكوتة" عاملة ايه علشان نقدر نقيم الجديدة الى نازلة دى
ممكن حد من اعضاء المنتدى يفيدنا لو يعرف اى معلومات من حد فعلا مجربها وشكرا

[myoousry]

انا معايا واحدة اصفر×اسود وعامل الكبوت مربعات اسود ×اصفر لو حد شافها قبل كده وبصراحة العربية لذيذة جدا واقتصادية جدااااااااااااااااااا في البنزين وحلوة في البلد الزحمة ديه وكل مشكلتي معاها المساعدين الامامية ناشفة وعايزة تتغير وفي التوكيل قالولي جاية في البحر ولسة موصليتش وفي كام واحد قالولي ان العفشة الامامية كاملة ياباني ب 650 جنيه 2مساعدين والسوست والمقصات وتركيب 150 جنيه بس انا مستني اغيرهم علي الضمان احسن ببلاش انما غير كده الحمد لله العربية كويسة وسافرت بيها كذا مرة واخرها كانت اسكندرية من شهر كدة طبعا الطريق بقي جامد جدا بعد الاسفلت الجديد وكنت ماشي 140 - 150 والتكييف شغال كمان والحمد لله مكسفتنيش بس مشكلتها معايا في اسكندرية ان الناس كانوا فاكرينها تاكسي (اصفر×اسود ومربعات علي الكبوت هههههه) والتوكيل زي اي توكيل في مصر

[بدر بسيونى]

المشاركة الأصلية كتبت بواسطة myoousry انا معايا واحدة اصفر×اسود وعامل الكبوت مربعات اسود ×اصفر لو حد شافها قبل كده وبصراحة العربية لذيذة جدا واقتصادية جدااااااااااااااااااا في البنزين وحلوة في البلد الزحمة ديه وكل مشكلتي معاها المساعدين الامامية ناشفة وعايزة تتغير وفي التوكيل قالولي جاية في البحر ولسة موصليتش وفي كام واحد قالولي ان العفشة الامامية كاملة ياباني ب 650 جنيه 2مساعدين والسوست والمقصات وتركيب 150 جنيه بس انا مستني اغيرهم علي الضمان احسن ببلاش انما غير كده الحمد لله العربية كويسة وسافرت بيها كذا مرة واخرها كانت اسكندرية من شهر كدة طبعا الطريق بقي جامد جدا بعد الاسفلت الجديد وكنت ماشي 140 - 150 والتكييف شغال كمان والحمد لله مكسفتنيش بس مشكلتها معايا في اسكندرية ان الناس كانوا فاكرينها تاكسي (اصفر×اسود ومربعات علي الكبوت هههههه) والتوكيل زي اي توكيل في مصر

ياباشا ربنا يباركلك فيها يارب وشكرا لتقريرك الموجز وانا عرفتها ومش حشاور لها تاكسى وتشرفنا فى الاسكندرية