ممكن مساعده فى تركيب كاسيت؟

[عبدالغنى الشاعر]

السلام عليكم ورحمه الله وبركانه
دلوققنى هل اقدر اجرب الكاسيت سليم ولا لا بنفسى يعنى اشعله ازاى قبل ما اركبه ؟
هل ممكن اركبه انا؟؟؟

[عبدالغنى الشاعر]

طب حتى الصنايعى عياخد كام مصنعيه تركيب ؟

[mr_astra]

تركيب الكاسيت سهل اوى وانا بقصد التوصيلات الكهربائية انما التثبيت طبعا بيختلف تبع ظروف التابلوة عندك
اولا تغذية الكاسيت بالكهرباء
طبعا انت عارف ان الكاسيت بيشتغل على جهد البطارية والبالغ 12فولت
جسم الكسيت نفسة بياخد فردة ارضى ودى يمكن الحصول عليها من اى جزء معدنى بجسم السيارة يتم توصيلة عن طريق سلك قطرة 1مم فيما فوق
الطرف الموجب للكاسيت تاخدة من اى مكان بيتغذى بالكهرباء وليكن مثلا ولاعة العربية وبتعرف انة الطرف الموجب ازاى؟ لما توصل سلك قطرة لا يقل عن 2 مم وتقشر السلك وتلمسة بصورة سريعة على اى جزء معدنى بجسم السيارة لو طلع شرار يبقى فعلا دة طرف موجب .......توصلة باللون الاسود الخارج من الكاسيت مش شرط اللون الاسود ممكن يكون احمر المهم السلكة دى راكب عليها فيوز
نيجى بقى لتوصيل السمعات
تعالى الاول نتفق ان كل سماعة خارج منها طرفين سلك (+) (-) وقطر السلك لا يتجاوز 0.25 مم يعنى واصل للطابلوة عدد 4 فرد سلك وعادة سلك السمعات بيكون على شكل سلكين ملحومين فى بعض ولونهم اسود واحمر يا رب تكون فاهمنى اقصد اقول ان الطرف الواحد بيكون عبارة عن طرفين مسكين فى بعض وبياخدو الالوان اللى قلتلك عليهم
هتلاقى فى الكاسيت الرموز التالية (L+)
(L-)
(R+)
(R-)
ياااااااااااااااة طلع عينى عشان اكتب تكست انجلش مع اقواس
المهم دول بيعنو السماعة يمين + و - والسماعة الشمال + و -
توصل الطرف الاسود بالناقص والطرف الاحمر بالزائد لكل سماعة على حدة
ولو عندك سماعات فى الابواب او التابلوة بنفس الطريقة هتلاقى طالع من الكاسيت اربع فرد كمان بيحملو نفس الرموز ولو الكاسيت على اد حالة ممكن توصل السماعات الجانبية بنفس اطراف السماعات الخلفية
ظبط البيس بقى وعيش
تقبل تحياتى

[abu_ruqayyah]

المشاركة الأصلية كتبت بواسطة mr_astra تركيب الكاسيت سهل اوى وانا بقصد التوصيلات الكهربائية انما التثبيت طبعا بيختلف تبع ظروف التابلوة عندك اولا تغذية الكاسيت بالكهرباء طبعا انت عارف ان الكاسيت بيشتغل على جهد البطارية والبالغ 12فولت جسم الكسيت نفسة بياخد فردة ارضى ودى يمكن الحصول عليها من اى جزء معدنى بجسم السيارة يتم توصيلة عن طريق سلك قطرة 1مم فيما فوق الطرف الموجب للكاسيت تاخدة من اى مكان بيتغذى بالكهرباء وليكن مثلا ولاعة العربية وبتعرف انة الطرف الموجب ازاى؟ لما توصل سلك قطرة لا يقل عن 2 مم وتقشر السلك وتلمسة بصورة سريعة على اى جزء معدنى بجسم السيارة لو طلع شرار يبقى فعلا دة طرف موجب .......توصلة باللون الاسود الخارج من الكاسيت مش شرط اللون الاسود ممكن يكون احمر المهم السلكة دى راكب عليها فيوز نيجى بقى لتوصيل السمعات تعالى الاول نتفق ان كل سماعة خارج منها طرفين سلك (+) (-) وقطر السلك لا يتجاوز 0.25 مم يعنى واصل للطابلوة عدد 4 فرد سلك وعادة سلك السمعات بيكون على شكل سلكين ملحومين فى بعض ولونهم اسود واحمر يا رب تكون فاهمنى اقصد اقول ان الطرف الواحد بيكون عبارة عن طرفين مسكين فى بعض وبياخدو الالوان اللى قلتلك عليهم هتلاقى فى الكاسيت الرموز التالية (L+) (L-) (R+) (R-) ياااااااااااااااة طلع عينى عشان اكتب تكست انجلش مع اقواس المهم دول بيعنو السماعة يمين + و - والسماعة الشمال + و - توصل الطرف الاسود بالناقص والطرف الاحمر بالزائد لكل سماعة على حدة ولو عندك سماعات فى الابواب او التابلوة بنفس الطريقة هتلاقى طالع من الكاسيت اربع فرد كمان بيحملو نفس الرموز ولو الكاسيت على اد حالة ممكن توصل السماعات الجانبية بنفس اطراف السماعات الخلفية ظبط البيس بقى وعيش تقبل تحياتى

يا مستر استرا على الرغم ان انا تسجيلي باظ ومابقاش بيشتغل ولا ينور اللمة الحمرا لكن بيشتغل وكان فى وش زي الراديو ، بس كمان انا استفدت من ردك دا وفعلا انت برنس كبير وكبير قوى كمان وربنا يخليك لينا ياريس

[mr_astra]

المشاركة الأصلية كتبت بواسطة abu_ruqayyah يا مستر استرا على الرغم ان انا تسجيلي باظ ومابقاش بيشتغل ولا ينور اللمة الحمرا لكن بيشتغل وكان فى وش زي الراديو ، بس كمان انا استفدت من ردك دا وفعلا انت برنس كبير وكبير قوى كمان وربنا يخليك لينا ياريس

والله يا "ابو رقية" انت تملى بتشجعنى ورافع معنوياتى