رجاءا من خبراء جولف 5 عام 2006

[mijodian]

المشاركة الأصلية كتبت بواسطة ramy safwt شوف لو انت عندك نية فعلا تمتلك جولف 5 هقولك تعمل ايه و تكشف عليها ازاى بص الفرق بين الموتور الفولكس العادى و الفولكس تي اس اى الاخير تربو و عليه الاير ماس مصنوع بالنانو تكنولوجى فده مش هتلاقيه عند اى حد سبقلى وضحت ان ده من اسرار تصنيع العربية دية حساسية الاير ماس ده بالذات فتيس الدى اس جى من افضل الفتايس اللى اتصنعت من فولكس و سهل برمجة للأستخدام الرياضى العربية عافشتها قوية لكن اجزاءها غالية جدا فلو كنت من الناس اللى بيحبو ينطو على المطبات فنصيحة بلاش لكن لو بتحب السفر و الطرق الفاضية و بتكره الزحمه و اشارة روكسى وجسر السويس هتعيش مبسوط مع العربية نظام التبريد بتاع العربية فاشل فى مصر راديتير و تكييف و نصيحة تعدلها براديتير اكبر حتى لو مش هتهتم بالتكييف الايرو دينامك بتاع العربية عالى جدا و سهل تطوير هيكلها و وزنها خفيف بصراحة ال 100 الف كيلو رقم مرعب و هتلاقى فى عيوب منتظراك فبلاش منها لأن اللى فاكر نفسك هتوفره دلوقت هتصرفه بعد كده الا لو انت رحت منزل فى تمنها و عملت صيانة ال 100 الف و غيرت طاقم كبالن و خراطيم و كوعة ميه و فلاتر و علبة بيئة و زيت فتيس و ماستر فرامل و شوفت الموتور على الكمبيوتر محتاج ايه و ادتهوله و غيرت قواعده و زيوت فتيس و خدمت الاسكاترة و طرمبة البنزين ساعتها تبقى عربية جديدة و تستحق انك تركبها و طبعا طاقم كاوتش و سيرفيس اس تى بى و بوجيهات و موبينة و تنضيف مارش

كل العربيات اللي ماشيه في السوق عامله فوق ال100 الف من بدري جدا
يعني اقصد انها كلها 100 الف ماشيه 120 الف كده
واللي ممشتش اصحابها بيطلبو فيها مبالغ عاليه ومبالغ فيها ومش بتتباع
لان سوق الجولف تقيل حبتين
وبالنسبة للرصه اللي انت رصيتها دي بقي اللي هو هغير فيها كل حاجه دي هتعملها كام
يعني اجيبها بكام واصرف عليها كام عشان تقعد معايا 4 او 5 سنين
انا سواقتي علي الطرق المفتوحه 120 والطرق المتوسطه 90 مبزودش ابدا عن كده
مهما كانت العربيه اللي سايقها
لاني مش بحب الجري اوووي
والمطبات كده كده اكيد بناخدها تاتا تاتا عشان اي عربيه عفشتها زباته
قولي اجيبها في حدود كام وماشية قد ايه موديل 2006 تحديدا اي لون
وهل فيها مانوال ولا لا لاني شايف كله اوتوماتيك وانا مش بحب الاوتو اصلا
فقولي كده ببساطه الحاجات دي عشان متوهكش
1- العربيه تتجاب بكام
2- الكشف عليها في التوكيل هيتكلف كام وتغيير الحاجات اللي انت قولت عليها ميزانيته اد ايه؟
3- التوكيل اصلا النظيف ليها فين ؟؟؟
4- الموتور اختار ايه بالظبط الانسب فيه واللي ميكونش مشكلة خالص ليا قدام

[ramy safwt]

هتجيبها من 80 - 95 اخرك

هتصرف 10 عليها

توكيلها فى العبور اصاد الجولف ستى والستى مول ده اريحلك

TSI بس تحترمه
نمط القيادة يرجعلك اوتو او مانيوال

اعمل حسابك ان الميكانيكى اللى هتاخده يشكفلك عليها قبل ما تاخدها و التوكيل و الغسيل بتاعها و شوية الاوراق و طباعة نسخة من الكتالوج هترميلك 800 ج و نصيحة متفتوش الحصول على كتالوج العربية من صاحبها او تحمله و تطبعه اعتبره من تكاليفها لأنه حاجه مهمة جدا بالذات مع الفولكس عموما

[mijodian]

المشاركة الأصلية كتبت بواسطة ramy safwt هتجيبها من 80 - 95 اخرك هتصرف 10 عليها توكيلها فى العبور اصاد الجولف ستى والستى مول ده اريحلك TSI بس تحترمه نمط القيادة يرجعلك اوتو او مانيوال اعمل حسابك ان الميكانيكى اللى هتاخده يشكفلك عليها قبل ما تاخدها و التوكيل و الغسيل بتاعها و شوية الاوراق و طباعة نسخة من الكتالوج هترميلك 800 ج و نصيحة متفتوش الحصول على كتالوج العربية من صاحبها او تحمله و تطبعه اعتبره من تكاليفها لأنه حاجه مهمة جدا بالذات مع الفولكس عموما

متشكر جدا والله يا استاذ رامي
معلومات مهمه فعلا ان الواحد يعرفها
بالنسبة ليا نا اصلا من المنصورة ومعتقدش ليها توكيل قريب مننا
فيه للفورد والرينو لكن الفولكس لا مش عارف ممكن يكون قرب من طنطا او حاجه
بس العربيه دي مش بتكون صيانتها في التوكيل .. وبيكون ليها زي بروفايل زي بره ولا هنا التوكيل بلابيلا ؟؟؟
واسف لاستفسارتي لكتير وشكرا ليك مره تانيه