باركولى ربنا كرمنى بعربية BYD

[mody112]

السلام عليكم بتركولى يا شباب انا ربنا كرمنى واشتريت عربية BYD موديل 2007 وما شاء الله العربيى جميلة وانا كنت متابعها بقالى فترة طويلة واترتها عن اقتناع والحمد لله . بس طبعا التجربة العملية غير الكلام النظرى عشان كده انا ليه شوية استفسارات : 1 - لمبة ال ABS المفروض بتنور فى التابلوه عند فتح الكونتاكت وبعدين تطفى ولا مبتنورش اساسا ؟ 2- هل مع التكييف مؤشر الحرارة يعلى ولا هى المفروض حرارتها ثابتة على النص (زى اللانوس كده مبتتحركش خالص بالتكييف او من غير )؟ 3- الدبرياج تقيل قوى (بالمقارنة باللانوس ) ولا ده كده طبيعى ؟ 4- من افضل واحد بتاع قطع غيار اصلية ومش غالية ؟ 5- هى لما الشنطة تكون مفتوحة لمبة الصالون متنورش ولا فى التابلوة يبان ان فى باب مفتوح (زى اللانوس برضه ) يعنى لو انا ماشى والشنطة مفتوحة ومش واخد بالى مفيش حاجة ممكن تنبهنى ؟ كفاية كده واول ماتقابلنى حاجة تانى هقولكوا على طول .

[sherifabden]

الف مبروك ربنا يخليلك العربية
وان شاء الله تلاقي اللي يفيدك ويرد على استفساراتك

[eng/walaaeldeen]

السلام عليكم
الف مبروك وربنا يطعمك خيرها ويكفيك شرها
الى اعرفه ان دبرياجها تقيل شويه
وان شاء الله حد من ملاكها يفيدك في الباقي
والله المستعان

[waelprince2003]

اولا الف مبروك على العربية وربنا يباركلك فيها وان شاء الله ربنا يديك خيرها و يكفيك شرها
انا هجاوب - على حسب معرفتى - فى اللى هقدر عليه بالأرقام زى ما انت عامل
1- لمبة ABSالمفروض انها تنور اول ما تفتح الكونتاكت وبتفضل لمدة ثانية او اتنين و بعدين تطفى ...ده اسمه بتعمل CHECK عليها انما لو فضلت منورة بعديها علطول يبقى كده اكيد فيه مشكلة

2- مؤشر الحرارة بيبقى فى النص طول الوقت بس اول ما العربية تسخن زيادة بسيطة المؤشر بيرفع سنة واحدة لفوق لغاية لما المروحة تشتغل ولما بتفصل بيرجع تانى المؤشر للنص

3- الدبرياج بتاعها اعتقد انه عادى لا هو تقيل ولا هو خفيف بس اكشف عليه احسن يكون عايز يتسحب هوا منه او فى مشكلة فى الديسك و الاسطوانة

4- مش عارف لأنى ساكن فى سوهاج وان شاء الله اى حد من اعضاء المنتدى المحترمين اللى ساكنين فى القاهرة يقدروا يفيدوك

5- الشنطة ملهاش دعوة خالص بنور الصالون او اى لمبة فى التابلوه يعنى منفصلة خالص عن الابواب يعنى مش زى اللانوس

انا حاولت افيدك على قد ما اقدر

[ehabpopo]

المشاركة الأصلية كتبت بواسطة waelprince2003 اولا الف مبروك على العربية وربنا يباركلك فيها وان شاء الله ربنا يديك خيرها و يكفيك شرها انا هجاوب - على حسب معرفتى - فى اللى هقدر عليه بالأرقام زى ما انت عامل 1- لمبة ABSالمفروض انها تنور اول ما تفتح الكونتاكت وبتفضل لمدة ثانية او اتنين و بعدين تطفى ...ده اسمه بتعمل CHECK عليها انما لو فضلت منورة بعديها علطول يبقى كده اكيد فيه مشكلة 2- مؤشر الحرارة بيبقى فى النص طول الوقت بس اول ما العربية تسخن زيادة بسيطة المؤشر بيرفع سنة واحدة لفوق لغاية لما المروحة تشتغل ولما بتفصل بيرجع تانى المؤشر للنص 3- الدبرياج بتاعها اعتقد انه عادى لا هو تقيل ولا هو خفيف بس اكشف عليه احسن يكون عايز يتسحب هوا منه او فى مشكلة فى الديسك و الاسطوانة 4- مش عارف لأنى ساكن فى سوهاج وان شاء الله اى حد من اعضاء المنتدى المحترمين اللى ساكنين فى القاهرة يقدروا يفيدوك 5- الشنطة ملهاش دعوة خالص بنور الصالون او اى لمبة فى التابلوه يعنى منفصلة خالص عن الابواب يعنى مش زى اللانوس انا حاولت افيدك على قد ما اقدر

كلام حضرتك تمام ...
فعلا افضل طريقة لشراء عربية مستعملة انك تكون متابعها كويس وعارف قصة حياتها
كنت عايز اعرف جبتها بكام لو ممكن ... ولو تصورها وتنزل الصورة على المنتدى يبقى تمام ...
وهاضيف للاخ صاحب الموضوع ... بالنسبة لقطع الغيار ... فية محل اسمة شخلول ... اسعارة كويسة جدا ... وحاجتة نضيفة ... المحل فى شارع سكة الوايلى ... من ناحية الزاوية الحمرا ( شارع بورسعيد ) ... بجوار اولاد رجب
والف مليون مبروك العربية ... وربنا يدك خيرها ويكفيك شرها