إستشارة مستعجلة بخصوص الريو بليز

[b A d R]

في عربية كيا ريو 2013 خليجي كاملة بس ناقصها فتحة سقف و فرامل ABS و فرش جلد

سعرها 116000 جنية .. اجيبها ولا الفرامل abs مهمة ولا غني عنها .. و ياريت تقولولي مشاكلها ايه و عيوبها و مميزاتها

[احمد على 1999]

ال abs حاجة رائعة ............بس ممكن من غيره ....بالسواقة العاقلة

[b A d R]

تسلم علي الرد المختصر المفيد

[احمد على 1999]

تصدق قعدت افكر فى كلامى تانى النهارده و كان نفسى اضيف

من الرائع ان تمتلك abs ............... و الاروع ان تدرك امكانيات عربيتك

ياما ناس كان معاها abs و خيشوا

[b A d R]

بص يا باشا انا اول عربية جبتها في حياتي كانت بيجو 504 يعني مفيش حاجة اسمها abs و تاني عربية كانت تويوتا ياريس موديل 2007 و برضه مفهاش abs و تالت عربية لانسر 96 و برضه مكنش فيها abs و الحمدلله عمري ما خيشت
بس اخر عربية كانت معايا هي اوكتافيا و كان فيها abs و الحمدلله مخيشتش بيها ..
بس كل المحيطين بيا و منهم واحد صديق معاه ريو و كمان الميكانيكي بتاعي كل دول قالولي ال abs مهم جدا

أعمل ايه .. أنا دماغي بتتعصر