فانتازيا vs كورولا

[adel hosny]

طبعا شكرت على الموضوع الجميل بس فى نقطه بس عاوز اوضحها لحضرتك

الكرولا اللى حضرتك جايبها ده تقريبا فئه مش عاليه زاى الفانتازيا ...

الفئه العاليه الطابلوه مختلف تماما و الكاسيت مختلف و الفرش بيبقا جلد والدواسات بتقا فرش فاخر وفتحة سقف ....

ومن تجربه للاثنيين ..انا افضل الكرولا وده لعدة اسباب :

1- من تجربه للمتور ممتاز جدا جدا .. ماشاء الله بيجمع بسرعه .. صوته هادى مش مزعج ممكن متسمعش الصوت الا بعد rpm ما يعدى 4 .... بعكس الفنتازيا بداية الانطلاق بحس ان الموتور مخنوق .. اه بعد ال60 بتبقا ممتازه بتجنع بسرعه بس أفضل الكورولا ....


2- بالنسبه للثبات الكورولا ممتازه جدا تقريبا ممكن تكون قريبه للفنتازيا

3- السعر اقل من الفانتزيا ( الهاىلاين )

4- قطع الغيار... الكورولا ارخص

5 - شكل الكورولا انا افضله ( ده بالنسبه ليا )

6- اظن الوسع متساوى من الداخل >> ممكن تكون الفانتزيا اشيك بس فى الفئه العاليه للكرولا مش فارقه كتير ....

7- الكورولا .. مرتفعه عن الفانتزيا ( وده ممكن يكون ميزه وعيب ) ميزه اكيد عشان المطبات

عيب : من تجربه بعد 140 بحس ان العربيه معدتش بنفس الثبات اقبل 120 .. الفانتزيا ممكن تكسب فى الثبات فى السرعات العاليه بحكم الوزن ..

بس اظن مفيش حد فى طرقنا الجميله ده هيعدى 140 .. فمش هتفرق .

8- ممكن الكورولا فى اعاده البيع افضل ..

9- وفى الخر ده برضه اسمها الكورولا اليبانى .ههههه

انا اسف على الاطاله .....بس ياريت اكون وضحت وجهة نظرى .. واظن ده تانى رد ليا على احاى منتدى سيارات فى مصر .......

[sherifabden]

استاذ عادل
رايك محترم مني
لكن ليا كام تعليق
موتور الفانتازيا فعلا ضعيف شوية لكن تجميعه سريع جدا على السرعات العالية وافضل من الكورولا في الحتة دي
مفيش عربية تغلب الالماني في الثبات مهما كانت عشان كدا ثبات الفانتازيا افضل
بس دا ميمنعش ان الكورولا ثابتة برضه
بخصوص موضوع السعر هوا فعلا اقل لكن كماليات الفانتازيا افضل (مثبت سرعة / زينون / رشاشات فوانيس / سخان مرايات)
بخصوص اسعار قطع الغيار انا اعترف فعلا ان قطع غيار الكورولا ارخص
والشكل دا مسالة اذواق اصلا
ومفيش فرق في الوسع اصلا
بخصوص موضوع العلو
العربيتين عاليين عن الارض وارتفاعهم كويس جدا وممتاز
الفرق ان الفانتازيا مصفحة من تحت يعني لو حكت في المطبات عادي مش هيحصلها حاجة
واعادة البيع الافضلية للكورولا برضه لكن الفانتازيا معقولة جدا في اعادة البيع وافضل من عربيات الماني
والف شكر على الرد نورت الموضوع

[jeep liberty]

الفانتازيا افضل بكل المقاييس

[adel hosny]

شكرا.. يا استاذ شريف..

هيا مسالة التجميع معتمد على نوع نظام النقل .. الفانتزيا استيترونيك
والكورولا تقريبا اوتو عادى و وكمان 4 سرعات بس .. التجميع فيها بيفرق من تحكمك فى ال rpm ..... يعنى مثلا .. لو طالع مطلع و مخلىيها D هتحس انك راكب عربيه مشلوله .. انا كنت كدا فى الاول .. لغايت اما بدات اخد على العربيه .. بقيت اعرف ازاى اسرع تجميعها وكدا .. وعلى فكره الكورولا 120 Hp والفانتزيا 115 .. مش هتفرق عشان تكنولوجيا العربيه نفسها بس حبيت اقولك ان ماكينة الكورولا ماشاء الله عليها شديده ..

واحب اقلك ان الواحد والله استفاد من حضرتك كتيير فى مواضيع تانيه كتير .. واستفدت كتير من Masrmotors فعلا احسن منتدى للسيارات المصريه ..

[YahiaAshraf]

تسلم يا غالى على الموضوع المتميز
وانا عن نفسى افضل الفانتازيا