تكييف سوزوكي ماروتي 800 cc

[aymanay32]

المشاركة الأصلية كتبت بواسطة faten6 السلام عليكم و رحمة الله , اخي الحبيب حبيب الناس من خلال ردودك علي اخوتي و اخواتي لمست عندك خبرة قيمة و عالية فأرجو ان تفيدني . نبدأ و الله المستعان.fficeffice" /><o:p></o:p> انا اشتريت سيارة سوزوكي ماروتي موديل 1999 من اربع شهور و من ساعتها و انا في دوامة أصلح حاجة تطلع مشكلة تانية . المهم في الوقت الحالي بلاحظ لما بأدور السيارة في هزة شديدة في الماكينة خصوصا لما تكون باردة حتى انا بابقى حساها و شيفاها في التابلوه لما بتسخن بتهدى الهزة دي شوية لكن صوت الموتور عالي . رحت للميكانيكي و هو كان بيخفض صوت الموتور لكن مع الوقت بيعلى تاني و انا حاولت اعرف مكان المفتاح او المسمار اللي بنخفض منه صوت الموتور لكن ماعرفتش و اخاف ابدع اجيب لنفسي وجع الدماغ . الحاجة التانية ان الماكينة بتاكل زيت كتير يعني بأزود لها الزيت تقريبا مرة كل شهر وانا مغيرلها الزيت حولي اربع مرات من ساعة لما اشتريتها آخر تغيير للزيت كان بتاريخ 14/11/2010. الحقيقة فكرت ابيعها لكن هي مهمة لي و لاسرتي والامكانيات دلوقتي ماتسمحش اغيرها و هي علشان اول بختي في السيارات عزيزة عليه . ناس قالولي اعملي عمرة للماكينة و ناس قالولي ركبي شنبر للموتور و في ناس قالوا ان في مادة ينضعها في تانك البنزين قبل ما افول العربية مباشرة . العمرة تقريبا مكلفة و حكاية المادة دي ماعرفش ( احنا لسه مغيرين ثلاث قواعد والقنطرة وسير كاتينةو البلية بتاعته و مش فاكره حجات كتييييييييييييير تانيه ممكن تفيدني و تقولي اعمل ايه و ما تقوليش ارميها في البحر هي موديلها مش قديم قوي بس اللي كان قبلنا الله يسامحه كان مبهدلها .و جزاك الله خيرا<o:p></o:p> <o:p></o:p>

ربنا يعينك
موضوع الزيت دة ممكن يكون فعلا زى ما قالولك من جوان وش السلندر و عاوز يتغير و حاول تشوف ميكانيكى كويس تتعامل معاه و يكون حد من زمايلك فى الشغل شكر لك فيه و قالك انه عندة ضمير و امانة
و ما تفكرش تبيعها ولا حاجة كفاية انها هتنفعك انته و المدام و اولادك
و الحكاية بس انها عاوزة شوية صبر


انا رديت على المشاركة بعد اذنك يا حبيب الناس
و ياريت انته كمان ترد لمعلوماتك المفيدة عنى

[حبيب الناس]

الأخت فاتن اولا برحب بيكي عضوه جديده معانا في منتدي مصر موتورز وان شاء الله تجدي هنا خير ميعني في جميع مجالات السيارات وبصراحه المنتدي ده انفع منتدي لاقيته علي الانتر نت بلاضافه ان كل اللي هنا اخوه وبيسئلو علي بعض وبيتبعو اخبار بعض ومحدش بيبخل علي حد في المعلومه
واشكرك ايضا علي ثقتك الكبيره بالمنتدي وانك وضعتي مشكلتك هنا وستجدين الحل بأذن الله

ثانيا احب اشكر الاستاذا ايمن علي رده السريع عليكي وربنا يكرمه ويباركله

نخش بقي علي الاجابه علي استفسارتك

* " في الوقت الحالي بلاحظ لما بأدور السيارة في هزة شديدة في الماكينة خصوصا لما تكون باردة "
عادي جدا ده امر طبيعي خاصة ان الجو ابتدي بيكون سقعه اوي الصبح وده بيخلي الزيت كله ه متجمع في الكرتيره وبياخد وقت علي ما دورة الزيت تلف علي الماتور كله وكمان جسم الماتور بيكون بارد جدا لكن بعد دقيقتين الماتور درجة حرارت بتوصل للمستوي الطبيعي وبيكون الزيت لف علي الماتور كله وبعد كده الرجه ده بتروح بس برجاء متزوديش بنزين اوي في بدايه التدوير انتظري 20 ثانيه كده وابتدي في عمليه الاحماء يعني تبتدي تدوسي بنزين سنه سنه لحد ما درجه حرارة الماتور توصل للحد المعقول اللي نقدر نمشي بيهم بالعربيه
* فيه نقطه مهم انا لاحظت في كلامك انك غيرتي قواعد الماتور والقنطره ارجعي للميكانيكي اللي ركبهم يراجع عليهم تاني ممكن يكونو عاوزين يتربطو كويس او يكون نوعهم رديئ بحاجه فيهم باظت ودول وظيفتهم بيقللو من انتقال اهتزاز الماتور لجسم العربيه

* الحاجة التانية ان الماكينة بتاكل زيت كتير يعني بأزود لها الزيت تقريبا مرة كل شهر
يعني بتزودي اد ايه كل شهر حوالي ربع كيلو؟ لو ربع كيلو او اقل ده عادي وطبيعي لان الايام اللي فاتت كانت في الصيف والحر وسخونه العربيه بيخلو الزيت يتبخر جز منه وهتلاقيه متكثف حولين فتحات التهويه بتاعة الماتور يعني حولي فلتر الهواء اللي في العمه او تلاقي الماتور معرق زيت من بره وبعد كده احنا دخلين علي شتاء المفروض العربيه متاكلش ولا نقطه زيت لو ده اللي بيحصل يبقي امر طبيعي ومتقلقيش منه
لكن لو غير كده يعين اللي يتزوديه كل شهر نص كيلو او اكتر مده المكنه هيا اللي بتاكل الزيت يعني الزيت يندخل جوه غرفة الاحتراق ويتحرق مع البنزين وبيطلع دخان لونه ابيض من الشكمان وتحسي ان العربيه عامله زي مكينه رش الناموس او ممكن يكون الزينت بيهرب من مخارج معيه فبتكون عاوزه طقم جوانات وش شلندر وجوانات كارتية الزيت والموضوع ده مش مكلف اوي يعني بكبيره 150 بالمصنعيه

بالنسبه لباقي التسائولات سارد عليها لاحقا لان مفيش في الوقت متسع اعزريني

[mashour242]

الماروتي والتكييف
الف مبروك على التكييف

[حبيب الناس]

الله يبارك فيك يا اخ mashour242<SCRIPT type=text/javascript> vbmenu_register("postmenu _293245", true); </SCRIPT> وشكراً علي مرورك وتعليققك العطر

[faten6]

السلام عليكم و رحمة اللهجزاك الله خيرا اخي ايمن على الرد المفيد و جزاك الله خيرا اخي الحبيب حبيب الناس علي هذه المعلومات القيمة :الحقيقة موضوع الدخان الابيض من الشكمان انا لم الاحظه و من يوم 14 / 11/2010 تاريخ التغيير الاخير للزيت لاحظت ان منسوب الزيت قل بس انا باتابع لغاية ما يصبح المنسوب علي الحد الادني . الشئ الغريب علي مرتين الحق الزيت و هو عند طرف السيخ اللي هو باطلعه اشوف عليه الزيت و اللمبة الخاصة بالزيت المفروض انها تنور علامة ان الزيت اصبح قليل جدا لكن دا مابيحصلش مع العلم ان اللمبة شغالة مش عطلانه فهل دا ليه تفسير ؟على فكرة انا فرحانة علشان انا صلحت مساحات العربية الاماميتين كانت واحدة شغالة و واحدة لأ , و الشكمان كان مكسور ولما رحنا نلحمة لقينا الماسورة بتاعته فيها بارومة فغيرناها و الدبرياج المبارح 26/11/2010 فصل مني و انا علي الطريق و الحمد لله اتصلح النهارده. يعني.. الحمد لله ربنا بيسترها معايه. انا منتظره ردك اخي حبيب الناس على باقي الاستفسارات و اعذرني انا مثل اللي بيغرق و لقى يد قوية تشده ربنا يجعلك عون لكل من لجأ إليك في سؤال. ملحوظة اخي ايمن بالنسبة لموضوع الميكانيكي فبالفعل زميل ليه عرفني علي ميكانيكي امين و دماغه كويسة زي ما بيقولوا يعني نبيه و كمان ابن اختي معايه و هو عنده عربية شاهين و احيانا بيلحقني لكن هو مش فاضي دايماو انا احب اتعرف علي عربيتي و احب افهم على قد ما اقدربوركتم و بوركت جهودكم و السلام عليكم و رحمة الله<?xml:namespace prefix = o ns = "urn:schemas-microsoft-comfficeffice" /><o:p></o:p>

<o:p></o:p>

<o:p> </o:p>