الحقوا هيونداى النترا 2012 الشكل الجديد بمواصفات اوربية

[HaMaDa-ToUBaR]

بص انا متفق معاك تمام ان هى احسن من الى موجود هنا مليون مرة حتى ولو كانت نفس المواصفات كفاية انها وارد اوروبا ودى لوحدها بتفرق جامد وعن تجربة

بس فعلا قطع غيار الموتور عندك هتختلف عن الى هنا ويوم ما هتتزنق فى حاجة هتكلم الوكيل وهيجبهالك بس باسعار عالية وهتعد فترة لحد ما يجبهالك من برة المحرك الى عندك نوعية جاما وهو محرك ممتاز ع عكس المحرك الى بينزل عندنا هنا

موضوع الترخيص دة متقلقش منة ومش هيفرق فى حاجة

شوف نفسك انت بقى لو هتقدر تستحمل موضوع قطع الغيار دة ولا لاء

[SHABRO]

رأيي الشخصي , اني سمعت ان الموتور ده بيحتاج بنزين 95 فما فوق , وده كان السبب انه منزلش في مصر , بس انا مش عارف قطع غيار ايه اللي الماتور هيحتاجها يعني في عربية زيرو ؟ مش المفروض عربية زي دي تقعد لها 10 ولا 15 سنة متفتحش كبوتها بفرض الاستخدام النضيف ؟؟؟ يعني الكريستالة مثلا اجدع منها ؟؟؟
انا رأيي ان العقبة الوحيدة اللي بتواجهك البنزين , اسأل في الحتة دي , مع العلم ان عربيات بمحركات تقليدية زي اللانسر والكورولا مثلا مكتوب على التانك بتاعها 95 + اوكتان , وبيتحطلها 90 و80 كمان ومبتقولش لأ ....كلام كل الناس على عيني وعلى راسي بس ده رأيي

[HaMaDa-ToUBaR]

قطع غيار ياباشا زى فلتر الزيت والسيور ولو لقدر الله حصل حاجة مش كل دى حاجات لازم نحطها فى الاعتبار ولا اية ؟؟؟

[A7MED NASSER]

العربيه دي شوفتها فين يا باشا في مصر في معرض ايه !!!!!

بس انا كنت عايز اتاكد منك باسم المعرض اللي معروضه فيه بحيث اتاكد اذا كانت مواصفات اروبيه فعلا و بالسعر المنافس ده و لا لأ و شكرا ً لموضوعك

[memo823000]

على فكره دوس ومتقلقش دى مواصفات ولا فى الاحلام وكمان قطع غيار ال GDI خلاص تعتبر نزلت يعنى عندك الكيا اسبورتاج نزله بموتور gdi ومفيش مشاكل وفى ناس اشترت وعملت مواضيع فى منتدى تانى مشهور زى مصر موتوروبيقولو ان قطع غيار موتور الالنترا ال gdi هو هو الموتور الموجود فى مصر

وكمان بيمون 92 والحياه بيس بس طبعا متمونش اقل من كدا فى البنزين وكمان خلى بالك يفضل كمان متمونش غير من بنزينات وطنيه لانهم بيهتمو بنظافة خزانات البنزين

طبعا المواصفات جامده جدا جدا وافضل من التوكيل بمراحل بس ليه استفسارين
الاول ياريت بيانات المعرض دوت عنوان وتليفون

التانى هل العربيه فيها abs ولا لا عشان لو منغير abs يبقى هات الاعلى منها لان ال abs مهم جدا جدا جدا

والله المستعان