هل يوجد بمصر تقسيط سيارات حلال شرعا وليس ربا ؟؟!!

[ahmed mustafa]

المشاركة الأصلية كتبت بواسطة emoron ثالثا موضوع الضرورة ..ودى الكلمة المطاطة اللى حدودها و الله اعلم بين العبد و ربه و مشورة الشيخ اللى يعرف الشخص او يعيش نفس المكان و الزمان ( قصدى مش فى الفضائيات, مع احترامى للجميع). لو فرضنا ان التقسيط فيه شبهة حرام او حرام .. اعمل ايه لو مراتى بتشتغل و ببتبهدل و بتتعاكس فى المواصلات العامة؟ تقعد فى البيت ؟ طيب و بنتى اللى فى الجامعة و بترجع فى تاكسى لوحدها بالليل متأخر ؟ هل ده مش ضروره؟ انا مبأقلش اجيب عربيه للواد علشان يروح بيها شرم زى كل اصحابه؟ لكن انا عارف ان الموضوع مطاط,سيدنا النبى قال ص استفت قلبك ..لانك هتقف بين ايدين ربك و يسألك انت استحليت الشبهة او الحرام ليه؟ ساعتها مفيش مكر على علام الغيوب. بأكد دى مش فتوى دى وجهة نظر و استفسار فقط اسأل الله ان يرينا الحق حقا و يرزقنا اتباعه و ان يرينا الباطل باطلا و يرزقنا اجتنابه منتظر اجاباتكم

أخي الكريم انا متفق معاك في دي لكن أحب أضيف حاجة لأن كتر فيها اللغط :- ما هو حد الضرورة؟ الإجابة بسيطة الضرورة هي الحد الذي بعضه يصبح الإنسان غير قادر على الحفاظ على نفسه او أهله أو ماله أو عرضه و هكذا و بمثال :- نهى الله عن أكل الميتة بالنص القرآني في سورة المائدة فنجد مثلا رجلا تائها في الصحراء و لا يجد ما يأكله ووجد ميتة هل يأكلها مع أنها حرام أم يموت؟ الجواب أن عليه حفظ نفسه و عليه يمكن أن يأكل منها ما يبقيه حيا بشرط عدم الإسراف و أظن المثال واضح و زي ما حضرتك قلت اللي يحكم بالضرورة شيخ معتبر. وأخيرا استفت قلبك ده مش حديث و برضه إذا ذكرت النبي صلى الله عليه و سلم مينفعش تكتب وبس و الله اعلى و أعلم
اسأل الله ان يرينا الحق حقا و يرزقنا اتباعه
و ان يرينا الباطل باطلا و يرزقنا اجتنابه

[ahmed mustafa]

مينفعش تكتب ص بس

[أحمد فاروق سيد]

المشاركة الأصلية كتبت بواسطة ahmed mustafa اسأل الله ان يرينا الحق حقا و يرزقنا اتباعه و ان يرينا الباطل باطلا و يرزقنا اجتنابه

آمين ... آمين ... آمين

والله يفتح عليك

[sfathyking]

بص يا باشا طبعا مش من حقى انى أفتى بالحلال و الحرام كده
بس انا شغال فى حاجه تبع البنوك الاسلاميه
المفروض نظريا البنوك الاسلاميه حلال علشان البنوك دى مش بتيديك قرض دى بتبعلك العربيه (بعد ما تشتريه من المعرض لصالح البنك) فكده شبهه القرض مش موجوده
باقى الاجراءات بتختلف من بنك للتانى و دى مش هنقدر نقول انها حرام بالمطلق كده
انا أعرف رقم تليفون د. على سالوس (الراجل ده دكتور فى الاقتصاد الاسلامى) أحسبه على خير ممكن تسأله 22717370
التليفون ده معايا من زمان مش عارف اتغير ولا لأ جرب وشوف
بس لما تتصل اتصل بين المغرب و العشاء

[أحمد فاروق سيد]

المشاركة الأصلية كتبت بواسطة sfathyking انا أعرف رقم تليفون د. على سالوس (الراجل ده دكتور فى الاقتصاد الاسلامى) أحسبه على خير ممكن تسأله 22717370 التليفون ده معايا من زمان مش عارف اتغير ولا لأ جرب وشوف بس لما تتصل اتصل بين المغرب و العشاء

الشيخ الدكتور الفقيه فى المعاملات المالية المعاصرة
على السالوس
له مؤلفات ماتعه أنصح الجميع بقراءتها


اليكم أحبائى فى الله كتاب فضيلة الشيخ على أحمد السالوس
موسوعة القضايا الفقهية المعاصرة والاقتصاد الإسلامي
و أستحلفكم بالله بأن تحملوا هذا الكتاب لما فيه من الخير و الافادة الكثير
من الرابط
http://www.alsalafway.com/cms/books....n=books&id=679