Skoda Fabia 2004 1200CC حد يفيدني يا جماعه

[mohamed.89]

نويت ان شاء الله اجيب عربيه ففكرت في اسكودا فابيا شايف ان الاسكودا عربيه محترمه ده غير ان شكل العربيه الخارجي او التابلوه و الصالون كويس جدا جدا
بس اكتر من حد قلقني منها علي انها مش منتشره و قطع غيارها مش موجوده
فهل الكلام ده بجد وياريت لو اي حد معاه العربيه دي يقدر يفيدني فيها
انا اعرف ان فيها 1200 و 1400 CCانا عارف ان قطع الغيار ممكن تكون غاليه بس طالما بتكون معمره متبقاش غاليه لان يعتبر تمنها فيها
انا ادامي 3 عربيات

1200 CC- Model 2003 - 38 L.E
1200 CC - Model 2004- Sedan - 41000 L.E
1400 CC- Model 2001 - 41000 L.E

[أبو صالح]

الفابيه عربيه محترمه جدا وركوبه بجد
كانت مع واحد صحبي باعها وركب إبيزا 2008
وبيقول الفابيا برقبتها .... " تحس إنك راكب أوكتفيا صغيره "
بس خد بالك إبعد عن الـ 1200 لأنها 3 سليندر ... أيوه 3 سليندر وبتسحب وبطير و بتوفر بنزين
ومتحسش أنها 3 سليندر أبدا ....
لكن ........... " وخد بالك من لكن دي اوي "
المكنه دي بتاكل نفسها يعني قرصتين كدا وطلعتين سفر " هتلاقي نفسك ماشي 160 في العادي "
هتروح المكنه مسقفه
ولو حاولت تعمرها يبقي بترمي فلوسك في التراب ..
" صاحبي جرب وفشلت بعد مصروف جامد"
هتيجي تسقط مكنها قليل ولو لقيته هتلاقيه غالي
" صحبي سقط الجولف 1400 ... 16 صباب .. 2 كامه .. أوتو "
مكنه ظالمه بكل ما تحمله الكلمه من معاني
لكن بردوا كانت بتعمل مشاكل غريبه وهبله
الكمبيوتر بتاعها شويه يرفض الكونتاك
شويع يرفض السنتر .... هتقولي علاقت السنتر بالمكنه إيه هقولك ألماني بقي ومعقد وحساس
" هما قالولي كدا .. ههههههه "

[mohamed.89]

المشاركة الأصلية كتبت بواسطة أبو صالح الفابيه عربيه محترمه جدا وركوبه بجد كانت مع واحد صحبي باعها وركب إبيزا 2008 وبيقول الفابيا برقبتها .... " تحس إنك راكب أوكتفيا صغيره " بس خد بالك إبعد عن الـ 1200 لأنها 3 سليندر ... أيوه 3 سليندر وبتسحب وبطير و بتوفر بنزين ومتحسش أنها 3 سليندر أبدا .... لكن ........... " وخد بالك من لكن دي اوي " المكنه دي بتاكل نفسها يعني قرصتين كدا وطلعتين سفر " هتلاقي نفسك ماشي 160 في العادي " هتروح المكنه مسقفه ولو حاولت تعمرها يبقي بترمي فلوسك في التراب .. " صاحبي جرب وفشلت بعد مصروف جامد" هتيجي تسقط مكنها قليل ولو لقيته هتلاقيه غالي " صحبي سقط الجولف 1400 ... 16 صباب .. 2 كامه .. أوتو " مكنه ظالمه بكل ما تحمله الكلمه من معاني لكن بردوا كانت بتعمل مشاكل غريبه وهبله الكمبيوتر بتاعها شويه يرفض الكونتاك شويع يرفض السنتر .... هتقولي علاقت السنتر بالمكنه إيه هقولك ألماني بقي ومعقد وحساس " هما قالولي كدا .. ههههههه "

شكرا لحضرتك هيا دي اول عربيه اشتريها فمكنش عند فكره عن الموتور وكام سليندر وكده انا العربيه هتكون في المشاير العاديه للشغل او خروج عادي مش للسفر انا ال 3 عربيات اللي ادامي هما اللي كنت كاتب اسعرهم علي اساس ان اي حد بيفهم ي السكودا يقولي
انا مش عاوز اجيب ااول عربيه وارجع اغني ظلموه
ونقطه الموتور مش بتعتمد حتي علي حالته وقت ما اشتريها

[msr1192]

المشاركة الأصلية كتبت بواسطة mohamed.89 شكرا لحضرتك هيا دي اول عربيه اشتريها فمكنش عند فكره عن الموتور وكام سليندر وكده انا العربيه هتكون في المشاير العاديه للشغل او خروج عادي مش للسفر انا ال 3 عربيات اللي ادامي هما اللي كنت كاتب اسعرهم علي اساس ان اي حد بيفهم ي السكودا يقولي انا مش عاوز اجيب ااول عربيه وارجع اغني ظلموه ونقطه الموتور مش بتعتمد حتي علي حالته وقت ما اشتريها

بص يا باشا
انا لسة شاري العربية وكنت في حيرتك
لكن لما ركبت العربية وجربتها قبل ما اشتريها انتهى التفكير
على فكرة انا راكب بحكم شغلي لانسر بومة 2006 مانيوال
لقيت فرق شاسع فانتهى التردد
النهارده سالت على قطع الغيار الى هعملها تغيير
فلتر بنزين 35
فلتر هواء 75
فلتر تكييف 100
جوان الكارتيرة 25
طقم بوجيهات presa قالي انه تشيكي ومدموغ لمنع الغش 70
الحاجات دي عاملة 300 لو جبتها لعربية لانوس هتكون 200
اية رايك