احترس من الخواجة تلاكـيـكو

[خالدخليفة]

العبد الفقير راح اليوم الى مطروح وقلت ياواد 450 كيلو خدهم فى نفس واحد وقد كان سايق على سرعة 170 او 180 ومتفهمش انا بشم ريحة الرادار ازاى وانزل بالسرعة قبلها
3 رادارات على طريق اسكندرية الصحراوى لحد السادات ربنا عدانى منهم ولله الحمد وصلت مطروح فى حوالى 3 ساعات تقريبا او اقل شوية واول معديت بوابة مدخل مطروح وبنزل السرعة واخد نفس عميق وبقول لنفسى حمدا لله على السلامة ياواد لقيت لجنة بتوقفنى ايه ياعم فى ايه قال لى سيادتك متجاوز السرعة القانونية قلت ف عقل بالى ياولاد الجنية صورونى ازاى وبعدين بصيت له كده حسيت ان اللى فى دماغه غير اللى انا فاهمه فسالته هيا السرعة كام ويالها من مفاجأة قا ل لى سرعتك 65 كيلو فانا صعقت وقلت بصوت عالى بس ؟ طب ودى فيها ايه قال لى السرعة داخل مطروح لاتزيد عن 60 فقط قلت ياواد زى بعضه ضحكت ع الحكومة طول السكة واصطادوك فى آخرها دفعت وانا عندى خليط من مشاعر الغيظ والسخرية من الموقف ويدوب مشيت حوالى نص كيلو ولقيت ظابط تانى عايز الرخص ايه تاااااانى رد الباشا / مخالفة حزام ببص اتارى من الغيظ من المخالفة الاولانيه مربطتش الحزام فهمته انى لسه دافع مخالفة وخبطتين فى الراس توجع قال خلاص سيب الرخص روحت دافع دخلت البلد لقيت واحد بيقول لى الرخص ايه ياعمنا فى ايه قال الحزام قلت بغيظ مهو مربوط اهو قال معلش اصل حزامك بيج وانتى لابس تيشرت بيج ومشفتوش تصورو فى اقل من تلت ساعة خرجت الرخص بتاعتى اكتر من 5 مرات وفهمت ان مرور مطروح مبيجيبوش فلوس والسادة الظباط عايزين يفهمو رؤسائهم انهم بيعملو شغل عمركو سمعتو عن رادار داخل اى مدينة بما فيهم القاهرة ؟ مع العلم اللى راح مطروح يعلم تماما انه ميقدرش يجرى فيها لان كل 300 متر تقريبا مطب صناعى محترم وكبير يبقى هتلحق تجرى ازاى و على اد فهمى البسيط ان الرادار ده علشان يعود الناس يقللو سرعاتهم طيب م انت حاكمهم بمطبات كتير ورا بعضها والشىء اللى يفقع المرارة ايه كمية الظباط بتوع المرور دول ده البلد عدد سكانها لايزيد عن 15 واحد ونص ولم اجد تفسيرا غير
تـــــلاكـيـكوووووووووو

[MIDO-SPICY]

اولا حمد لله على السلامه وعلى فكرة مرور متروح كده من ساعه ما وصلهم اختراع العربيات بعد ما كانت الكارته ام حمار هى الوسيلة الرسمية فى البلد ودا لغايه من حوالى 10 سنين بس
بس على فكرة هما هناك بيحترموا المرور جدا
هنا طبعا الاشاره مقفولة او مفتوحه احنا بنعدى انما هما لو الاشارة مقفولة ومافيش حد معدى بيفضلوا واقفين لغايه ماتفتح
بس بينى وبينك دا الصح
المهم قوللى ايه اخبار مطروح فى الشتا ؟؟ انا من سنه 1985 وانا بروحها كل سنه بس عمرى ما جربت اروحها فى الشتا
ياريت تقولى جوها عامل ازاى وحركه الناس فى الشارع والحاجات دى يعنى؟

[Dr. Bolbolan]

تقريبآ مشابه لما حدث معى من 10 سنوات ! كنت داخل على مطروح بحوالى 20 كم ! و كانت سرعتى

حوالى 160 كم/ساعه ولا حظت اللجنه من بعيد و هديت وقالو لى رخصك ! طلعتها وأنا مستسلم ! بس

سألت الظابط ليه هوه أنا عملت سرعه كام ؟؟ تقريبآ برده قال لى 95 حاجه زى كده ! كنت ه أقع من طولى

من الاندهاش و كنت عايز أقول له الرادار بتاعكم خربان يا انتم اللى نصابين ! أنا كنت ماشى 160 كم/ ساعه !

لولا زوجتى ! عارفانى ! سكتتنى و سحبو الرخصه وقالو لى ح نبعتها على المنصوره وفضلت لما انتهت مدتها

لم تصل المنصوره و عملت واحده تانيه ! ptmnlo123per154

Dr. Bolbolan ptmnlo123per1147

انا عايز اعرف ازاي اروح مطروح انا عمري ما روحتها بالعربية دايما بالقطار

[Dr. Bolbolan]

بالسياره عندك طريقتين :-

أولا :- طريق مصر / اسكندريه الصحراوى و بعد الرست هاوس ( أى منتصف الطريق ) بحوالى

20 كم ستجد يوترن ترجع منه كأن اتجاهك القاهره مرة أخرى ثم ستجد طريق الى اليمين ( طريق

وادى النطرون ) ستجد فى نهايته الطريق الدولى أو طريق الساحل الشمالى ! تاخد شمال و منه

الى مطروح ( وده الطريق المختصر ) !

ثانيا :- برده طريق مص / اسكندريه الصحراوى و تكمل لغاية قبل اسكندريه بحوالى 60 كم ستجد

العامريه ! تطلع كوبرى العامريه و تنزل منه تانى يوترن تاخده وبعدين تدخل يمين من تحت اعلان

ماكدونالد لتصل الى الكيلو 21 طريق الساحل الشمالى و منه يسارا على طول الى مطروح !

فيه طريق تالت بس مالكش دعوه بيه لآنه مكسر جدآ من 6 أكتوبر / طريق الواحات و بعد الاستراحه

ستجد طريق يمين اسمه ( أبو سنان ) يصل فى نهايته الى العلمين و منها يسارآ الى مطروح ! بس لا أنصح

به اطلاقا لآنه مكسر و مافيش فيه أى خدمات اطلاقا ولا بلاد وهو طريق لشركات البترول والجيش !

Dr. Bolbolan