اجهزة قارمن نوفي GPS

[almoez]

السلام عليكم

حبيت ابتدي بموضوع نوعا ما جديد او تم تداوله بشكل مختلف

الكل طبعا عارف الجي ابي اس وقد ايه هوا مفيد لما تروح مكان اول مرة تروحه او تايه في مكان ما..

طبعا في انواع كتير في السوق وباسعار مختلفه والمنتشر في مصر الرخيص بس يفرق ايه عن الغالي..؟؟

طبعا يفرق كتير ازاي..؟

اولا اهم شئ جوده الخامات اللي مصنوع منها يعني يكون شكله متناسق والحامل بتاعه في السيارة يكون شكله حلو ومناسب وغيرة..

غير كدا انه يكون قادر علي التقاط الاشارة في الاماكن الصحراويه والمهجورة..

واهم شئ السرعه في ايجاد الاماكن يعني لو تهت مرة واحده وفي مكان مضطر تتحرك منه بسرعه لتصل الي مكانك الصحيح لازم يكون الجهاز سريع في البحث عن اي مكان وكذلك البحث عن الطريق المناسب..

انا بقي النهارده جاي انقل تجربتي عن جهاز اشتريته وبقاله معايا سنه..

جهاز جارمن نوفي 1310

دي صورة بتوضح قد ايه استهلاك البنزين علشان يروح لستيف

الجهاز دا انا اشتريته علشان شكله يعني لونه اسود وشاشه لمس ومنظر حلو جوا العربيه..

بس بعد كدا عرفت قد ايه هوا افضل من غيرة اللي في السوق..

انا اشترته من السعوديه وكان منزل عليه مسبقا خرائط اللممكله العربيه السعوديه + الصحراء والبراري

الجهاز بيحدد سرعه كل طريق المفروض امشي عليه غير طريقه استهالكي للبنزين وخلافه من المميزات ..

الخريطه اللي كانت نازله معاه وخصوصا خريطه المملكه خريطه مزبوطه بحيث اني لو حبيت اروح مكان معين ميدخلنيش من شارع اتجاه واحد عكسي.. يعني الخريطه دقيقه جدا مع الشوارع العمليه..

طبعا مع ارقام تليفونات جميع المحلات اللي في الموقع اللي انا فيه ودي طبعا ميزة خرافيه بدل مااتصل بالدليل

لما جيت اليكس نزلت خريطه مصر كان وقتها اللي لقيته خريطه 2010 لان مشكله الجهاز دا في الخرائط يعني مش كلها مفتوحه ولازم تشتريها..

كنت لما احب اروح مكان الاقيه يدخلني شارع غلط عكسي لدرجه اني بقيت مشغل الجهاز وبسأل الناس..!!!

في القاهرة لما رحت زيارة الخريطه بتاعتها كانت مااشاء الله 100% مافيش ولا غلطه ممكن علشان العاصمه ولا حاجه

هناك ميزة اخري وهيا كاميرات الرادار لان في سايت مخصص لمالكي اجهزة قارمن ان اي حد يعرف مكان اي رادار يحط الاحداثيات بتاعته وبنزل المجموعه علي الجهاز ولما تمشي وتقرب منها بيقولك ان في رادار قادم ..

دي بعض المميزات للجهاز :

شاشة تعمل باللمس شاشة عريضة بقياس 4،3 بوصة

بطارية ليثوم تدوم لمدة 4 ساعات مستقبل عالي الحساسية

ذاكرة داخلية 1 غيغابايت

إمكانية إضافة المزيد من الخرائط و مقاطع الصوت و الصور بواسطة كرت الذاكرة Micro SD

إرشاد صوتي و توجيه لفة بلفة نطق أسماء الشوارع ( باللغة الأنجليزية فقط )

يستطيع حفظ 1000 نقطة

عرض ثلاثي الأبعاد

توجيه بواسطة الصور (مجربتهاش)

تقنية البلوتوث من أجل الارتباط بجهازك الجوال لتفعيل خدمات الاتصال .

ميزة ( أين أنا ) لمعرفة افرب المستشفيات – مراكز الشرطة – محطات الوقود – العناوين و التقاطعات خاصية تجنب الزحام ( حسب توفرها في المدينة التي تكون موجود فيها)

خاصية حساب تكاليف ومدى خزان وقود السيارة (Eco Route)

حفظ موقع السيارة عند إزالته من القاعدة المثبتة على زجاج السيارة

عارض صور محمل مسبقاُ بعدة السفر ( آلة حاسبة – محول قياسات – محول عملات – التوقيت العالمي )

قفل الحماية من السرقة

دعم كامل للغة العربية ..

* خاصيه ال Eco Route

الخاصيه دي جميله جدا جدا هيا نازله مجانا مع الجهاز ولبعض الاجهزة الاخري بفلوس

الخاصيه دي انا بحدد ليه استهلاك العربيه كل 100 كيلو قد ايه في الطرق السريعه و وسط المدينه وعليه بيحسب اذا كان استهلاكي كبير للبنزين او قليل غير كدا لو حبيت اروح اي مشوار بقدر اعرف بعد المشوار قد ايه بالكيلو وكمان ممكن اوصل في قد ايه هستهلك بنزين وكمان تكلفه المشوار..!!


طبعا في انواع تانيه من قارمن نوفي بس دا الوسط اللي بينهم لان الباقي غالي جدا بس دا طبعا مقابل سرعه اعلي وسمك اقل بس دا مريحني والحمد لله..


اي استفسار انا موجود..

ممكن اعرف سعر الجهاز كام يا زعيم

[almoez]

المشاركة الأصلية كتبت بواسطة corsair ممكن اعرف سعر الجهاز كام يا زعيم

انا شاريه ب 800 ريال

وسعرة هنا الموديل دا بالتحديد ب 1750 جنيه من راديو شاك