اية اطرف موقف حصلك مع بداياتك فى السواقة ؟؟؟؟

[khaled_sabry]

المشاركة الأصلية كتبت بواسطة (M.Amgad(MIMO جدى الله يرحمو كان بيعلمنى السواقة على عربيته impala 1964 فا كانت عربية شديدة فا انا ماشى فى امان لله الاقيلك المزلقان بيقفل ... ولا انا حاحق اقف ولا هعرف اعدى على سرعتى .... قمت مصقت التانى من الرابع و كابس لقيتلك العربية طارت و سامع صوت تكحيت حديد ... اتارى العربية خلعت حتة من القضيب لما وطيت مع الكبسة .... الحمدلله القطر كان جى على النحية التانية

خلعت القطبان
و بعد كده يتهمو الاخوان

[khaled_sabry]

انا والدى عليه رحمه الله عللمنى على البيجو 504 اللى هى معايا لوقتى
الله يرحمه كان بيحب العربيه دى جدااا لأنه كان شاريها زيرو و بيتعبرها عيل من عياله
لدرجه انه مابدئشى يعلمنى السواقه غير لما وصلت لسن 20 سنه بعد الحاح شديد من عمى
و كان يخليني اسوق العربيه مره كل شهر او اتنين و عند اول غلطه يزعقلى و يخليني انزل خوفا على العربيه
و بالتبعيه انا قولت النظام ده مش نافع
فبقيت انزل الفجر و اسرق العربيه بعد ما اعلم مكان ركنتها بالطوب علشان اعرف اظبطها زى ماكان ظابطها و بعد ما انزل امسح اثار الكاوتش فى الخمسيميت مره اللى بطلع فيها لقدام وورا علشان اظبطها مكانها اللى معلمه
و الحمد لله ربنا كان بيسترها و مره كنت راجع بضهرى و مره واحده فرملت "لغايه دلوقتى مش عارف ليه" و لاقيت بيني و بين عربيه جارنا (من اصدق اصدقاء والدى) يادوبك 5 سم

بعد بقى الكلام ده ب 10 سنين و بعد ماكبرت و اتجوزت و خلفت و جبتلى عربيه كمان كنا قاعدين ووقعت بلسانى و قولتله على مغامرات الفجر بتاعتى - لاقيته اتنرفز اوى و شويه كان حيضربنى
يا حج خلاص - انتا ازاى تاخد العربيه من ورايا يا ابن .... - ياعم ماجت سليمه - ولو ماكنتشى سلمت كنت حعلقك على باب العماره !!!
ملحوظه : والدى نفسه كان بيسرق العربيه من جدى هو و عمى فى الفجر - و اتعلمو السواقه برضه بالطريقه دى بإعترافهم
الظاهر ان ده عرق فى العيله عندنا
بس لو مهاب او زياد اولادى عملو الحركه دى حعلقهم على باب العماره عندنا و تبقى وقعت ابوهم سوده

[(M.Amgad(MIMO]

المشاركة الأصلية كتبت بواسطة khaled_sabry خلعت القطبان و بعد كده يتهمو الاخوان

ههههههههه لا ده كان فى 2008

[(M.Amgad(MIMO]

المشاركة الأصلية كتبت بواسطة khaled_sabry انا والدى عليه رحمه الله عللمنى على البيجو 504 اللى هى معايا لوقتى الله يرحمه كان بيحب العربيه دى جدااا لأنه كان شاريها زيرو و بيتعبرها عيل من عياله لدرجه انه مابدئشى يعلمنى السواقه غير لما وصلت لسن 20 سنه بعد الحاح شديد من عمى و كان يخليني اسوق العربيه مره كل شهر او اتنين و عند اول غلطه يزعقلى و يخليني انزل خوفا على العربيه و بالتبعيه انا قولت النظام ده مش نافع فبقيت انزل الفجر و اسرق العربيه بعد ما اعلم مكان ركنتها بالطوب علشان اعرف اظبطها زى ماكان ظابطها و بعد ما انزل امسح اثار الكاوتش فى الخمسيميت مره اللى بطلع فيها لقدام وورا علشان اظبطها مكانها اللى معلمه و الحمد لله ربنا كان بيسترها و مره كنت راجع بضهرى و مره واحده فرملت "لغايه دلوقتى مش عارف ليه" و لاقيت بيني و بين عربيه جارنا (من اصدق اصدقاء والدى) يادوبك 5 سم بعد بقى الكلام ده ب 10 سنين و بعد ماكبرت و اتجوزت و خلفت و جبتلى عربيه كمان كنا قاعدين ووقعت بلسانى و قولتله على مغامرات الفجر بتاعتى - لاقيته اتنرفز اوى و شويه كان حيضربنى يا حج خلاص - انتا ازاى تاخد العربيه من ورايا يا ابن .... - ياعم ماجت سليمه - ولو ماكنتشى سلمت كنت حعلقك على باب العماره !!! ملحوظه : والدى نفسه كان بيسرق العربيه من جدى هو و عمى فى الفجر - و اتعلمو السواقه برضه بالطريقه دى بإعترافهم الظاهر ان ده عرق فى العيله عندنا بس لو مهاب او زياد اولادى عملو الحركه دى حعلقهم على باب العماره عندنا و تبقى وقعت ابوهم سوده

ههههههه هيخدوها و مش هتعرف و هيتعلموا السواقة و هيقوولك لما يتجوزوا

[الفريد اوتشوب]

انا بقه خبطت واحده ست كانت قاعدة على الكرسي والناس اتلمت علية والحمد لله حصل خير