لكل من يقول عدم ثبات الفيرنا بعد 120 ك

[ahmed el gendy]

المشاركة الأصلية كتبت بواسطة TELEBK بسم الله ماشاء الله عليك وعلي العربية ، العربية حلوه بجد وتمام وباين عليك سواق وحريف ، بس ليه كام سؤال وأرجوا الإجابة عليهم بكل أمانة ووضوح : 1 - ممكن أعرف حضرتك قفلت العداد ليه ؟ 2 - حضرتك كنت بتتحدي مين - نفسك ولا العربية ؟ 3 - عمرك يساوي كام لو زلطه صغيره قابلت وعديت عليها بالعربية ؟ 4 - هل إنت للدرجة ديه ضامن العربيه ؟ 5 - ياتري عمر أصحابك مهمكش وحضرتك سايق ؟ 6 - ياتري فكرت في والدك ووالدتك وإنت سايق ؟ 7 - ياتري فكرت لو لاقدر الله وحصل حاجة حتقدر تتحمل النتايج وتبعياتها ؟ 8 - ياتري لو كنت ماشي وشفت واحد معدي بالسرعة ديه حتقول عليه إيه ؟ أخي الفاضل أكرر أسفي لمثل هذه الأسئلة ولكني أرجوا الإجابة عليها ، وتذكر قول الرسول صلي الله عليه وسلم ( ولا تلقوا بأيديكم إلي التهلكه ) صدق رسول الله صلي الله عليه وسلم . تقبل مروري د / خالد

+22222222222

[crime]

فعلا الفيرنا بتبقى تحفه للى يهتم بيها هى بس بتبقى محتاجه شويه تعديلات لو اتعملت العربيه بتبقى ولا كلمه من ثبات وفرامل الحاجه الوحيده اللى بتعيب اى فيرنا موتورها على جسمها

تقبل تحياتى

[MmFFoR]

تعليق ابسط من الكلام ده

بالسرعة دي تعرف تدي غرزة فجأة لتفادي اي حاجة امامك؟؟؟

او لو حاجة قفلت الطريق فجأة ( حادث امامك او تريلا متخلفة قطعت الطريق او كسرت عليك) رد عليا بصراحة هل لو دوست فرامل جامد على السرعة دي السيارة كانت حتقف طبيعي؟؟


هو ده الثبات الغرز و الفرامل الفجائية

مش السرعة

[khaabas]

الدقيقة 2:08
تحس ان العربية وهى بتعدى العربية النقل ان السرعة اللى فى العداد وهمى
يعنى كانك ماشى على 90 -100 بكتير بس العداد على 180 ؟؟؟؟؟

[AbOnOrA]

يا جماعة انا عامل قبل كده موضوع اسمة يا عالم يا هووووه الثبات عرفوه وكنت ناوى اتفزلك واشرح الثبات بكل معانية بس الاعضاء ماشاء الله ردو فى الموضوع وغطو كل الجوانب تقريباً بشكل يؤكد مدى ارتقاء الوعى الجماعى لمستهلكى السيارات فى مصر عموماً وفى موقعنا الحمد لله

فانتكاسه بصراحة انى اشوف موضوع زى كده فى المنتدى وطبعاً متصدر المشهد الاخ كورسير سيد من يقول اشعار فى الفيرنا وثباتها على 195

وبعدين الانكت ان اصحاب النظرية ديه دائماً يذكرو نفس الحقيقة

و أقسم بالله سايق بيد واحدة

طبعاً فى حالة كورسير انا صدقتة لان ماشاء الله ايده تفصل 3 ايدين من الحجم العادى فحقة الراجل يسوق بايد واحدة
لكن هل ده مقياس على الثبات !!!

مفيش عربيه فى الدنيا مهما كان ثباتها تتساق بايد واحدة بشكل رياضى
عايز تسوق بايد واحدة لاعاقة مثلاً فيه اجهزة تعويضية
لكن تسوق بسرعة وبشكل رياضى يعنى فى طرق مش رياضية وبعربيات مش رياضية وكمان بايد واحدة اللى هى طريقة كمان مش رياضية ده يبقى استهتار وتهور



اما عن الفيرنا تحديداً فهى بالتاكيد ابعد ما تكون عن الاداء الرياضى عموماً والثبات والمناورة خصوصاً والكلام فنياً يطول

وبالبلدى ممكن نقول ان الجين تو مثلا برقابتها واى عربيه اوروبى برقابتها وعموماً كوريا معملتش لحد دلوقتى عربيه ثابتة ( فيما عدا دايو وسامسونج) فكل من هيونداى وكيا تعتمد على معايير المدرسة اليابانية بحيث تصمم عفشه سهلة الانتاج وغير مكلفة وسهلة الصيانة والاصلاح وخفيفه لكن لاهى خدمة شاقة ولاهى اداء رياضى

يا جماعة الله يهديكم كلامكم ده بيقراه شباب صغيرين وناس ممكن تكون لسه مش فاهمة وبتتاثر بيه طبعاً وممكن يؤدى لكوارث وضياع ارواح وممتلكات