اكثر سيارة شكلها رقيق وتنفع لبنات

[AbOnOrA]

المشاركة الأصلية كتبت بواسطة Abeer أشكركم جميعا على الردود الجميلة... الهوندا سيتي عربية رائعة بس موديل 2007 أحسن في الكماليات من 2008 و كمان مش برده قطع غيارها غالية اوي؟ ياريس طبعا عربية تحفة و أحسن حاجة انها ياباني 100% بس 1300cc و انا مش متخيله Performance عربية full option & automatic و تكون 1300cc لو حد جرب يقول لي؟ الالنترا عجباني و كنت حاجيبها فعلا بس أسعارها غريبة جدا في المعارض لما سألت عن سعرها من يومين قالولي 120000 و في معرض تاني واحد قاللي 100000 بس خليجي و من غير ضمان و انا بصراحة مش عارفة الفرق قوي بالنسبة للهيونداي؟ كمان عايزة أسأل عن المازدا 3 أحد أقاربي كان جايبها في حدود 110000 بس مانيوال هي عربية جميلة جدا، بس أنا ماشفتهاش في المعارض ؟

محدش نسيكى ولا حاجة ليه بس

بصى يا ست الكل الهوندا كلها قطع غيارها غالية فعلا بس مش غالية اوى بالمقارنة بباقى العربيات اليابانى

اليارس 95 حصان وادائها ممتاز عامة بالنسبة للاستخدام العادى بس اكيد انتى مش عايزة عربية ادائها رياضى !!

بالنسبة للالنترا الخليجى فانا بصراحة مش بشجع العربيات الخليجى اساسا لان فيه معارض كتير بتبيع العربيات من غير ضمان حقيقى وفيه معارض بتبيع عربيات ملعوب فيها وانتى بتقولى من غير ضمان اساسا يبقى حرام احط 100.000 فى بطيخة يا تطلع حمرا يا ****

المازدا مفيش كلام عربية جميلة وممتازة بس احنا بنقيم العربية اجمالا مش اداء وبس فالعربية اجمالا ملهاش توكيل قوى وقطع غيار مش متوفرة واعادة البيع متعب فعلشان كده خرجت من المقارنة

واخيرا متقلقيش احنا مع حضرتك لحاد ما تاخدى قرارك وتستلمى العربية ولحاااااااد صيانة ال 100.000 كم او سنتين من تاريخ اشتراكك فى المنتدى ايهما اقرب

[MoSHaX]

المشاركة الأصلية كتبت بواسطة Abeer عايزة أعرف ايه اكتر سيارة سيدان - من وجهة نظركوا- شكلها رقيق و ينفع لبنت؟

انا من رائى بلاش التدقيق على حتة عربية بناتى دى ادام العربية سيدان لان اغلب العربيات البناتى هتكون هتشباك زى البيكانتوا وكدة
ومن رائى افضل العربيات بالترتيب ادام انتى بنحبى العربيات العربية جميع الكماليات زىى مبحبش اكرب العربيات غير لما يكون اعلى مستوى فيها
1-لانسر 1600 اتوماتيك ب105 ومش هتجتتاجى للموديل الاعلى زى الاسبورت او السوبر اكشن
2-هوندا سيتى 1500 بلاش 1300 لو العربية اتوماتيك ..مع التكييف والحمل الذائد مفيش اداء حلو 95 الف تقريبا
3-ماتريكس ودى عربية بحسها بناتى اووووى ولو هتشترى ماتريكس استنى الموديل الجديد نيو ماتريكس ب92 الف
4-الانترا جميع الكمليات ب105 بلاش الموديل التانى بتاعها ب121
5-نيسان صنى احسن موديل السوبر صالون ب101 الف
6- نوبيرا اتوماتيك ب82 الف
7-اوبترا
8-كيا سيراتو
وربنا يوفقك فى الاختيارررررر بس لو رسيتى على حاجة معينة ابقى قوليلنا عليها علشان لو فى عيبوب نحزرك منها

[Abeer]

ممكن حد يقول لي فين الهوندا سيتس 1500cc جميع الكماليات عشان انا مش لاقية غير 1300 اوتوماتيك

[sokasoon]

المشاركة الأصلية كتبت بواسطة Abeer ممكن حد يقول لي فين الهوندا سيتس 1500cc جميع الكماليات عشان انا مش لاقية غير 1300 اوتوماتيك

مش عارف معارض فيها السيتى الحقيقة لاكن اسعارها

هوندا سيتى 1500 سى سى بــــ 97000مانيوال

هوندا سيتى 1300 سى سى بــــ84900 مانيوال

هوندا سيتى 1300 سى سى بــــ91900 اوتوماتيك

لايوجد اوتوماتيك 1500 سى سى تقريبا وليس اكيـدا على حسب ما

هو موجود فى كونتاكت

بأمكانك الاطلاع على الموقع من هنــــا

[MoSHaX]

المشاركة الأصلية كتبت بواسطة Abeer ممكن حد يقول لي فين الهوندا سيتس 1500cc جميع الكماليات عشان انا مش لاقية غير 1300 اوتوماتيك

لا انا متاكد انو فية هوندا سيتى 1500 كانت مع واجد صاحبى... ممكن تتصلى بالتوكيل او تروحى هناك وتسالى ؟؟ لو عاوزة العنوان او ارقام تليفوناتهم انا تحت امرك