اريال الفيرنا

[memodina1]

عندى مشكلة مشابهة هى انى الاريال التروس بتاعت الاريال من جوة اللى الماتور بيلف فيلفها عشان تطلع الوير التروس دى اتاكلت والماتور يلف على الفاضى اعمل ايييييية لو سمحتوا فى التوكيل الاريال الكهربا كامل 820 ج الوير 83 طب اية الحل وهل فية اريال كهربا فيرنا استيراد فى حدود المعقول

[meno elsaher]

السلام عليكم
بالنسبة للاخ اللى الاريال اتقطم عندة ممكن يغيروة لوحدة من غيير مايغيير الماكنة كلها انزل شارع دمشق واسال علية هتلاقية ب 60 جنية
وتركيبة سهل الاول فك الصامولة اللى اللى فى نهاية الاريال وطلع الاريال القديم هتلاقى وصلة الومنيوم صغيرة بتركب فوق الاريال الاريال بيخش فيها هات الاريال الجديد وحط الوصلة الالومنيوم الاول ودخل الوير داخ الفتحة وخللى اى حد يشغل الكاسيت ويطفية عشان الماتور يفتح وبعدين يقفل فى مرحلة القفل دكك الوير واقعد لفة يمين شمال لغاية مايلقطة الماتور ويبتدى يشد الاريال الجديد وبعد مايدخل مكانة اربط تانى الصامولة لو معرفتش جرب كذا مرة هتلقية موضوع سهل ...

[12345smsm]

بصو ياجماعه الموضوع سهل جدا في التوقيع بتاعي عنوان الشركه والتلفونات انا بستورد من كوريا موباشر
انا اسمي اسلام اتصلو باي رقم تمن الاريل الاستراد 70 جنيه فقط ولو انا متواجد هركبهولكم واعملكم تخفيض كمان 10 جنيه بس لو تلفوني مفتوح لو مغلق ابقي بره مصر روحو وهتخدوه بي 70
واي حاجه تخص السيارت الكوري هتلقها ان شاء الله
وهيكون في اسعار خاصه لاعضاء الموقع بس ارجع مصر وهتفق مع اداره الموقع ان شاء الله
تحياتي لكم جميعا

[M.TONSY]

المشاركة الأصلية كتبت بواسطة 12345smsm بصو ياجماعه الموضوع سهل جدا في التوقيع بتاعي عنوان الشركه والتلفونات انا بستورد من كوريا موباشر انا اسمي اسلام اتصلو باي رقم تمن الاريل الاستراد 70 جنيه فقط ولو انا متواجد هركبهولكم واعملكم تخفيض كمان 10 جنيه بس لو تلفوني مفتوح لو مغلق ابقي بره مصر روحو وهتخدوه بي 70 واي حاجه تخص السيارت الكوري هتلقها ان شاء الله وهيكون في اسعار خاصه لاعضاء الموقع بس ارجع مصر وهتفق مع اداره الموقع ان شاء الله تحياتي لكم جميعا

هل عندك الفوجات للفيرنا استيراد ولو موجودة يا ريت السعر

[بحر الحياه]

للامانه العلمية حبيت اوضح تجربتى عشان كله يستفيد
امبار دورت فى محلات كتير عن عوقل الاريال ملقتش غير فى محل واحد اسمه المنير فى اخر فيصل ادام مكرونه الانسجام رحتله فالى لسه خلصان عنده
فقالى انه بيتباع عن محل اسمه عصمت فى التوفيقية رحت جبته من هناك كان الحوار كالاتى
انا - السلام عليكم
البائع - وعليكم السلام
انا - عندك هوقل الاريال الكهرباء بتاع الفيرنا
البائع - انهى نوع فى ممسوح وفى مشرشر
انا - واعرفه ازاى
البائع - تعالى ورينى
وخدنه للعربيه فقالى ان الوير اللى فى العوقل من جوه بيبقى مسح او مشرشر وهو عندى مسح
انا - طب بكام المسح
البائع - ب 45 ج الكورى الاصلى
انا - طب لو سمحت هاتلى واحد
جابلى واحد لاقيته فعلا خامته كويسه ومكتوب عليه made in KOREA
المهم خدته ورحت لكهربائى فى الزمالك جنب الششغل عندى قلت ارميله العربيه وارجع شغلى على ما يخلص اكون خلصت شغلى عملى فيها دكتور وقالى لا الاريال بتاعى مش بيتيغيره عوقل ده بيتيغر له الموتور كله طبعا حسين انه بيتفزلك وهيودينى فى داهيه يعنى العقل ب 45 ج والموتور الصينى ب 140 عايزنى اجيبه وارمى الموتور الكورى الاصلى بتاعها وهو سليم وجديد
المهم
فكرت
سيبته ومشيت
وانا مروح قلت اعدى على المنير اللى فى فيصل اللى وجهنى اصلا لمحل عصمت
قلتله كمل جميلك ودلنى على وحد كهربائى شاطر بيفهم فى تركيبه
وصفلى كهربائى فى الشارع اللى وراه بالظبط اسمه الاسطه وجدى
رحتله لاقيته فاهم فيه كويس جدا وغيرهولى فى عشر دقايق وبالمناسبه لما طلع الموتور بتاع الاريال طبعا لاقاه جديد لانج لان العربيه لسه موديل 2011 وغير العوقل واشتغلت وبقت تمام
حبيت بس اطرح عليكم تجربتى للى عايز يستفيد منها وخصوصا اللى ساكنين فى فيصل والهرم عشان هيبقوا جنب الكهربائى وجنب محل قطع الغيار اللى هو المنير

واخيرا احب اؤكدلكم ان فى فتايين كتير زى الافندى اللى قالى الموتور هيترمى خلاص فخلى بالكم