كينوود ولا سوني ولا بايونير

[ahmed_mamdouh]

سلام عليكم ياشباب
انا احترت بصراحه اي نوع من التلاته ماركات هو الافضل

البايونير ولا السوني ولا الكينوود
انا سمعت اراءكتير مختلفين
مع ان الكينوود ماليزي والباقي لا ... بس ماحدش قال ان الكينوود احسن ولا حاجه
ياريت يا جماعه اللي عنده خبرة او جرب الانواع التلاته يقولي :w6w2 00504112236376d

[yaso12]

لسه جايب واحد بايونيير 4350 طازة وكان عندى نفس الحيرة لكن فى الحقيقة ان كان عندى السونى قبله وغيرته بسبب ظهور اكثر من عيب، فقولت اجيب حاجة غير السونى. والحقيقة انى لاقيت ان خرج البايونيير اقوى من السونى . ويارب ما يكون فيه عيوب هو التانى.
بالنسبة للكينوود مع اصدقائى ومحدش اشتكى ومع ذلك نصحونى بالبايونيير

[Hisham.Elgazzar]

انا معايا بايونيير وصوته ماشاء الله تحفة ولو عاوز تخلى الصوت أحلى بتركب 4 سماعات كينوود 500 أو 550 وات Double Bass مع جى إم سيمفونى و بازوكا صغيرة و إسمع أحلى و أقوى صوت

انا فى عربيتى سماعتين و الكاسيت بس
و السونى حلو برضو ماشاء الله ,ونتا عارف كله شغال على الفلاشات يبقى إستخدام السى دى ضعيف جدا
تقبل مرورى

[عصام غنايم]

السونى صوته ناعم قوى ( تربلاته عاليه )

الكينوود صوته ضخم شويه ( بيزز عالى شويه )

البيونيير صوته متوازن ( تربلات + بيزز )

انا عن نفسى بحب البيونيير

[ahmed_mamdouh]

الف شكر ياشباب