اى حد جاب rb ويكلمنى عن عيوبها

[MOHAMED SEIAG]

العربية دى مع صاحبى وجامدة جدا جدا وانا ناوى عليها ان شاء الله بس مانيوال لأنى بحبه وساكن بعيد عن الزحمة بس بجد العربية واسعة من جوه جدا الكنبة اللى ورا يقعد عليها 3 مستريحييين من الأخر العربية حلوة أوى ومبروك مقدما وربنا يباركلك فيها

[matars]

المشاركة الأصلية كتبت بواسطة أحمد الشبكشى عربيتى عاملة 2000 كم ولحد دلوقتى كويسة - السحب حلو / التكييف ثلاجة والأبعاد من جوة حلوة واحسن من Rio & sunny & yaris من وجهة نظري لو المقارنة أسعار وامكانيات. توكل على الله ومبروك مقدما

برنس

[هاني السويدي]

العربيه جميله انا ماسمعتش عنها حاجه وحشه وان شاء الله ناوى اجيبها بعد الفيرنا يامسهل

[micho1976]

العربية معايا العربية كويسة واسعة من جوه بس عيبها انها واطية و مع مطاباتنا انت عارف وحاجة تانية السوست اللي ورا خفيفة قوي

[iv727]

أنا معايا العربية عامل بيها 1200 كيلو مستلمها من شهر، الفئة التانية أوتوماتيك.

العربية مريحة جدا في السواقة والسفر، الباور ناعم قوي وبتتعود عليه بسرعة.

التكييف حلو جدا، واضاءة العربية كويسة قوي على الطريق والفوجات نورها قوي.
البلوتوث اللي في الكاسيت رائع بعمل بيه أغلب مكالماتي وخصوصا اني غالبا لوحدي.

جراب النظارة ونور الصالون اللي قدام والدرج اللي تحت المسند الأمامي كلها كماليات حلوة برضة.

وانت قاعد جوا العربية مبتشوفش الكبوت أو الشنطة لكن أبعادها سهلة قوي انك تقدر مسافاتها ما عدا لو حاجة قدام العربية واطية قوي، ودي للأسف حصلت معايا مرتين وخدشت الإكصدام من تحت خالص (تحت فانوس الشبورة اليمين).

أنا شايف ان ثبات العربية مش وحش أنا جبت بيها 160 في الطوالي لكن مجربتش أعمل غرز أو أغير اتجاه مفاجئ والعربية كانت كويسة معايا.

العيب اللي فعلا رخم انها واطية شوية مع المطبات العالية لازم أخدها بميل، لكن هي مثلا أعلى من المازدا 3 لأني سقتها كتير.

فيها عيب تاني ان الاكصدام الأمامي (الفيبر) كبير وطالع لفوق وده لا قدر الله لو حصل له حاجة هيبقى غالي عامل زي الكورولا الشكل الجديد.

الحاجات اللي كنت أحب انها تكون موجودة في العربية هي الباركنج سنسور ووحدات رفع للزجاج.