دموع من القلب ....بتقول ....ياخساره يا أمه

[samirayad]

ياخساره عليكى ياست الكل

ياحبيبة قلبى ....والنبى أنت زى الفل

خدعوكى الكلاب ....ورموكى فى الطل

كان ممكن تبقى عروسه ....يشهد لها الكل

بس هقول إيه .......دا قدر ومكتوب على الكل

حكموكى جماعه ....مبيفهموش قيمة ست الكل

ضيعوا تراثك ....ونهبوا أرضك ووزعوها على الكل

لكن ربنا كرمك .....وخللى ولادك فهموا الفوله وشهد لهم الكل

ورموهم فى السجون ....بس لسه الأمور مش عاجبه الكل

محاكمه مايعه وأمور خايبه .........مش عاجبه الكل

جه المجلس بذكائه ........وراح لافف على الكل

آل إيه ....وعمل إعلان دستورى ....وقال يستفتى عليه الكل

ولادك العاقلين ....قالوا ماشى ....ولازم نمشى وراء رأى الكل

العاقلين قالوا لا ........علشان عارفين إن ده فيه مصلحة الكل

جه جماعه عرفوا يلعبوها صح ....وبشوية كوسه وأنبوبه ضحكوا بيهم على الكل

إللى أنضحك عليهم دول ....قالوا نعم .....فاكرين الجماعه دول نيتهم زى الفل

وطلعت النتيجه ...........حاجه خيبه ولاتبشر برأى الكل

وأدى النتيجه ........توهان وخبلان تايه فى الكل

النتيجه عملت مجلس .....ولا عمل حاجه ليها خيال أو ظل

ماتوا ولادك فى بورسعيد وغيره ....وزى ما إحنا محلك سر

قال وإيه ....إنتخابات رئاسه ......طمعان فيها الجماعه بتوع الكل

على إيه ياجماعه ....بترشحوا أنفسكم ....هو إحنا شوفنا من مجلسكم حاجه تسر

وبأت مهزله يا أمه ....لقيت أخويا الصغير ...عاوز يبقى ريس

بزمتك يا أمى ............ينفع أخويا سعد إللى ياما رقص مع دينا يبقى ريس

عقليه يا أمه ......دا برضه إبنك ....وملصيله ودانه ...وقوليله عيب ياسعد

خليك يا إبنى فى اغانيك ورقصك ....وبلاش فضايح أكثر من إللى عملته

شوفلك يا إبنى ......مشروع على أدك ....وبلاش تضحك علينا

الكل

هى يا إبنى ولادى ماتوا .........ماهم فى كل حته ويشهد لهم الكل

علماء وخبراء ......عملوا الكتير فى بلاد بره ودماغهم زى الفل

بالزمه يا أمه .....أنت شايفه أن ده أسمه كلام يفيد ولا يضر

بأه تسيبى ولادك متغربين ......وسايبينك تشحتى من الكل

ماتلميهم حواليكى .......ينوروكى ويخلوا دارك زى الفل

أنا عارف يا أمه ....أنه غصب عنك ...لأن مفيش أم بتسيب

ولادها بعيد عنها ............ولكن ده قدر ونصيب على الكل

عموما يا أمى .......متزعليش .....فربنا كبير هيوقف جنبك

وينصرك غصب عن الكل

لأن إيمانى به كبير .....وعارف إنه مش ممكن يسيبك

يلعب بمصيرك ....ومصير ولادك الكل

[mhamdy75]

الله أكبر عليك يا هندسة يا سيد الكل

كلام من القلب ورشق فى قلوب الكل

مستنين جديدك أخيرا لقينا كلام يسر

الله ينور كمان مرة على كلام زى الفل

[samirayad]

الله يخليك ياهندسه

تخيل مع عواطفى الموجوده

فى شوية الزجل دول

وأبص ألاقيلك

إللى بيقولى

أنت تبع الأخوان والسلفيين

بزمتك

ده كلام ناس عاقلين

[mhamdy75]

المشاركة الأصلية كتبت بواسطة samirayad الله يخليك ياهندسه تخيل مع عواطفى الموجوده فى شوية الزجل دول وأبص ألاقيلك إللى بيقولى أنت تبع الأخوان والسلفيين بزمتك ده كلام ناس عاقلين

ه

هههههههههههه

لأ والله ده كلام ناس تخلى الحلو مر

ما معظمنا دماغه عندها السل

نسيب المضمون ونمسك فالى يضر


وعجــــــــــــــــــــــ ـــــــــــــبى ,,,,,,

[samirayad]

نسيب المضمون ونمسك فالى يضر

بينى وبينك

الناس إللى زى دى

ملهاش تفسير عندى غير كده هو

1- يا إما الواحد يمسك فى خناقه كده هو

2- يا إما الواحد يعوره ويجرى وراه كده هو

3- يا إما الواحد يقوله شغل دماغك كده هو

4- يا إما هو ....فى الطراوه كده هو