هل يمكن اصلاح اسلاك مزيل ضباب الزجاج الخلفي

[michohat]

طب ايه رايكم فى الكلام علي الاصلاح
الفيديوهات وكلام الناس بتقول اننا هنملأ المكان اللي الماده فيه خفت بماده تانيه مشابهه

[محمدصلاح القاضى]

ايه رايك انى عمرى ما شغلته فة العربيه الفيات ولا الجديده
لانه للازاز اللى ورا اللى واحد نفسه يبقى اسود عاتم
من الناس اللى بتيجى فى ضهر الواحد وتدى العالى والمرايا بتاعت السقف تضرب فى عين الواحد
اهم حاجه الازاز اللى قدام
وفيش مانع انك تفتح الازاز 2 سم يغير الهوا ومش هتحس ببرد ولا حاجه وانا بعمل كداا عشان ما خدتش برد وخصوصا فى الشتا

[michohat]

انا استخدمته في الكام سنه اللي فاتوا دول يجي 3 او 4 مرات وكله طبعا فى ظروف الشبورة والسفر المبكر او المتأخر وكان مفيد معايا جداً خصوصا ايام الشبورة حتى وانا فاتح الزجاج اللي جنبي و مطلع جسمي كله بره علشان اعرف اشوف لان الزجاج الامامي كله كان عليه شبورة ومهما امسحها ترجع تاني

المهم حد شاف اي منتج بيصلحه هنا فى مصر
عندي فاصل معظمه دلوقت ومش شغال الا كام خط بس من ال 10 خطوط

[michohat]

المشاركة الأصلية كتبت بواسطة محمدصلاح القاضى ايه رايك انى عمرى ما شغلته فة العربيه الفيات ولا الجديده لانه للازاز اللى ورا اللى واحد نفسه يبقى اسود عاتم من الناس اللى بتيجى فى ضهر الواحد وتدى العالى والمرايا بتاعت السقف تضرب فى عين الواحد اهم حاجه الازاز اللى قدام وفيش مانع انك تفتح الازاز 2 سم يغير الهوا ومش هتحس ببرد ولا حاجه وانا بعمل كداا عشان ما خدتش برد وخصوصا فى الشتا

المرايه بتاعت السقف فيها حته صغيرة زي رافعه او زرار كده لو رفعتها لفوق هتقدر تشوف اللي جاي وراك من غير زغلله حتى لو ضارب كل الانوار فيك والمرايه بتعكس النور فى وشه تاني

[محمدصلاح القاضى]

المشاركة الأصلية كتبت بواسطة michohat المرايه بتاعت السقف فيها حته صغيرة زي رافعه او زرار كده لو رفعتها لفوق هتقدر تشوف اللي جاي وراك من غير زغلله حتى لو ضارب كل الانوار فيك والمرايه بتعكس النور فى وشه تاني

تمام كلامك لكن انا بعانى ساعات من مشكلة الابهار
وهى انك بيحصل زى عمى لحظى بعد اما تشوف نور عالى فى عينك ويختفى
وعشان كدا محتفظ بالستاره اللى ورا