أيهما أفضل و أريح .. إسبراتير عادي و لا إلكتروني

[samaty]

طب وايه رأيك لو لغيت الكوندنسر من الابلاتين العادي وحولته لالكتروني بنفسك
مش أحسن وأوفر وممكن ببلاش كمان لو عندك باور سبلاي قديم من بتوع الكومبيوتر

[المفكر]

انا عربيتي راكب فيها اسبراتير الكتروني وهو بتاعها، وموجود في عين شمس الاستيراد لكن مقدرش أعرف السعر بس حاجة الرينو مبتبقاش رخيصة، ممكن تسأل ويمكن يكون فيه فايدة.

[TAREKSEAT133]

ممكن توضح الفكرة أكثر يعني ايه ببور سبلاي بتاع الكمبيوتر.

[silentman84]

السلام عليكم
اخى ادهم انا كمان معايا 127 وعايز احول الاسبراتير الى الكترونى وسمعت عن ناس بتعدل يعنى بتركب الاسبراتير بتاع الشاهين بس بيتعدل فى عمود الاسبراتير بمعنى انه بتقص نص عامود الكامه بتاع اسبراتير الشاهين وكذلك بتاع 127 علشان تاخد الجزء المشرشر من تحت علشان يركب فى الكامه لانى مشرشر الشاهين غير مشرشر 127 فى قاعده الكامه.... المهم بتااخد نص عامود المقصوص بتاع 127 وتلحمه نحاس فى عامود اسبراتير الشاهين والكلام ده بيتعمل عند خراط........عايز اعرف انت عملت ايه فى الموضوع ده ......وهل اسبراتير الشاهين الالكترونى توصيلاته بموبينه الكترونى عادى ولا لازم وجود حساس كرانك وكارته والذى منه......ولا اعمل جلب للاسبراتير اللى معايا وخلاص وامرى لله للابلاتين والكوندسر

[المهندس للاسبرتير]

اكيد الإلكتروني يكسب والفرق بيبقى ملحوظ فى السحب والتجميع ده غير الراحة من مشاكل الابلاتين والكوندنسر