هيونداي إلنترا 96 ولا فيات تيمبرا

[أحمد جمال محمود]

يا أعضاء المنتدى المحترمين
عايز رأي فني من حضراتكم ياريت تتكرموا عليه بالرد وبلاش تبخلوا عليه بالمعلومات
ايهما أحسن بالنسبة ليه هيونداي إلنترا خليجي معاقين موديل 1996 ولا فيات تيمبرا من حيث سعر قطع الغيار والقوة والتكييف
وابوس ايديكم ياريت اللي يرد بلاش يقولي ان دي من فئة ودي من فئة ولا تجوز المقارنة بينهم لأن انا معلوماتي عن العربية انها بتمشي على اربع عجلات وبتقول بيب بيب
وأرجوكم ارحموني انا بقالي 5 شهور مش عارف اجيب انهي عربية وخلاص فاضلي تكة واحدة وهالغي الفكرة اصلا من دماغي
ملحوظة :
انا عايزها للعائلة وهتسافر من الهرم للمنصورة مرة كل 3 أو 4 شهور

[abokoko]

النترا
بس موضوع معاقين ده تسال عنه
علشان غلاسة المرور - ولو انهم اليومين دول هاديين -

[أحمد جمال محمود]

شكرا كتر خيرك
بس بالنسبة لقطع الغيار موجودة ولا لأ لأن أكتر من صديق ليه قالي هاتدوخ عليها

[AbOnOrA]

هو الكورى القديم عامة قطع غيارة متوفرة بس معرفش الالنترا تسعينات ديه ايه ظروفها

التمبرا انا شوفت ناس كتير جابتها معاقين والحالات الاستيراد بتبقى جميلة وهى عربيه قوية وعملية وقطع غيارها موجودة

الخلاصة يا اما تنزل بنفسك وتدور على قطع غيارها وتتاكد موجودة فين واسعارها ايه يا تعمل الاصول وتجيب التمبرا ومش هتندم ان شاء الله خاصة لو حالتها حلوة

[mr_astra]

بالنسبة للالنترا الحاجات الميكانيكية كلها موجودة اجزاء موتور والات جر وكبالن
انما الاكسسوارات الداخلية مش هتلاقيها بسهولة ولازم مشوار لبور سعيد زى فوانيس واشارات ودراع نور والكلام دة

انما النترا افضل بكتير بكتير من التمبرا