حل جميع مشاكل العربية

[dragonmhmd]

بسم الله الرحمن الرحيم

دة تكملة الموضوع اللي فات (موسوعة مشاكل في عربية واحدة) الحمد لله رحت للميكانيكي في الزقازيق اشتغل في العربية 3 ساعات اقولكم عمل ايه .
الاول فك وش التاكيهات وسحب شوية بنزين من التنك ونضف بيهم التاكيهات وجبت 2 جوان فل ب8 جنية(العربية كامتين )وركبهم وقفل كلة تمام.
ثانيا غيرت بوجيهات جبت نوع اسمة ngk ياباني ب37 جنية .
ثالثا قلتله صفيحة البنزين بتعمل 140 كيلو فغيرلي بك السلانسية كان حجمة 50 جبت 40 جبته ب15جنية وكان في المصري ب5 جنية مجبتوش قلي ههيظبط استهلاك البنزين ومفكش الكربيراتير خالص فك الطقيه بس وبص علي البابين وبس .
رابعا فك الاسبيراتير ونضفة ومغيرتش الابلاتين ولا الكوندنسر.
خامسا غيرلي وير البرياج لانه كان ...... مش فاكر الصراحة من حلاوة الجديد نساني القديم بس كان تقريبا تقيل جدا الحمد لله مفيش حاجه في الاسطوانه ولا الديسك ........ نسيت اقلكوا وير الدبرياج ب 30 جنية بتاع فيات 131 .
سادسا خد مني في الليله دة كلها 30 جنية المهم صرفت تقريبا 120 جنيه .
نيجي للمهم العربية دلوقتي ملهاش صوت خالص مبسمعش من الكبوت الا صوت مروحة الريداتير ......العربية بقت بتفرك ع الاسفلت وبتجيب 100 كيلو في اقل من مسافة كيلو متر واحد وكأني راكب عربية تانية ...وبتدور قبل ما الف المفتاح والحمد لله المهم كل المشاكل اتحلت حتي السخونية قلت ... وتقبلوا مروري وتحياتي وكل عام وانتم بخير وان شاء الله يوم السبت اقلكم عملت ايه مع العفشجي والسلام عليكم ورحمة الله وبركاته

[dragonmhmd]

اهههههههههههه صحيح المحظوظ اللي زيي يلاقي العضم في الفرامل المهم وانا راجع بالعربية والدنيا وردي وجميلة الاقي الفرامل افشت وحجرت (الدواسة مبتتحركش) والحمد لله الطريق كان فاضي بصيت ع الزيت لقيتة تمام المهم سلكت نفسي ورحت لميكانيكي في البلد وسبت العربية شوية عشان الفطار تقريبا العربية بردت شوية الدواسة بدئت تمشي شوية المهم المعلم فك العجل وبص لقا التيل والاسطوانة سلام قلي الفرامل واخده هوا وفضا شوية زيت من عند العجل ومشيت الصراحة معجبتنيش الفرامل بس مشيت وفعلا قبل ما اوصل البيت رجعت تاني زي ما كانت اية رايكوا في موضوع الفرامل ده.؟

[Ahmed.A.R]

حصلت معانا الحركة دي ف منزل كوبري ... هو واحد م اللي واقفين فك مسمار وشال شوية زيت وقفله تاني ... العربية مشيت وكملت اليوم ... بعد كدا رحنا عند واحد لقا الكاوتشة بتاعت كبس الهواء مقطوعة هو دا اللي كان عامل القفشان ف الفرامل ع ما اعتقد

[dark.man]

من احلي العربيات اللي ركبتها 131 بجد عربيه تستحق كل الاحترام
ربنا معاك بس متنساش تكشف علي عمود الكردان اهم شيء

[mohamed elshahat]

الميكانيكى دة فين فى الزقازيق بالظبط ياباشا وياترى بيشتغل فى اليابانى برضة كريستالة ولا اية؟؟